1 Pedro 4:16 - Mixteco del suroeste de Tlaxiaco Oaxaca

¹⁶ Soo retú nóꞌo ɨɨn ránoꞌó jie̱ꞌe̱ꞌ ya̱ kúvi‑i cristiano ya̱ níkɨ́nꞌ rán ichi nááꞌ Cristo, koto kúkanuun rán, chisaꞌ nakuetúꞌún rán Ndiosíꞌ jie̱ꞌe̱ꞌ ya̱ níkɨ́nꞌ rán ichi nááꞌ Cristo.

1 Pedro 4:16 ပူးပေါင်းရင်းမြစ်များ

Hechos 11:26

Yukuán nku̱tútú ráa ɨɨn kui̱ya̱ꞌ nɨ́ɨ́n jín rá ñɨvɨ kúneí iniꞌ rává Jesús. Jee nxi̱néꞌénꞌ ráa kue̱ꞌe̱ꞌ víꞌí ñɨvɨ. Ñuunꞌ Antioquía ví nu̱u̱nꞌ ya̱ xíꞌnañúꞌún nsi̱kúnání rá ñɨvɨ cristiano rá ñɨvɨ kúneí iniꞌ rává Jesús.

Hechos 26:28

Ña̱re nkachiꞌ Agripa nu̱u̱nꞌ Pablo: ―Yakuꞌ ka̱ꞌ, siínúꞌ nú iniꞌ ni̱ꞌ kuvi ni̱ꞌ cristiano, ya̱ nakunikɨnꞌ ni̱ꞌ Cristo.

Hechos 28:22

Soo kuíni ránꞌ teso̱ꞌo ránꞌ rá jiáni iniꞌ nú. Chi jíníꞌ ránꞌ ya̱ nɨ́ɨ́nkáꞌnú nu̱u̱nꞌ káꞌánꞌ kini ñɨvɨ si̱kɨ̱ꞌ inka ka̱ꞌ ñujiínꞌ yaꞌá.

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Filipenses 1:20

Ñúꞌún numíjiꞌíꞌ iniꞌ ni̱ꞌ jee íyó tu̱ꞌun neí iniꞌ ni̱ꞌ, ya̱ nkúkanuun ni̱ꞌ, jín ya̱ koo neí iniꞌ ni̱ꞌ vitan kuéntáꞌ sukuáni, sáva kuatíñú Ndiosíꞌ nuꞌuꞌ, sáva stúvi re̱ꞌ ya̱ kúñáꞌnú ví Cristo, vasúꞌ tékúꞌ ni̱ꞌ áxí vasúꞌ kuviꞌ ni̱ꞌ.

Filipenses 1:29

Chi jie̱ꞌe̱ꞌ Cristo, ntaji Ndiosíꞌ u̱vi̱ꞌ tiñu váꞌa nu̱u̱nꞌ rán: nsáꞌ kua̱chi ntaji re̱ꞌ ya̱ ínúꞌ iniꞌ rán Cristo, chi suni ntaji re̱ꞌ ya̱ kunoꞌo rán jie̱ꞌe̱ꞌ Cristo.

2 Timoteo 1:12

Saáva nóꞌo ni̱ꞌ suꞌva. Soo ntu̱ví kúkanuun ni̱ꞌ, chi jíníꞌ ni̱ꞌ né ɨɨn ví ya̱ kúneí iniꞌ ni̱ꞌ, jee jínúꞌ kájí iniꞌ ni̱ꞌ ya̱ suvire̱ꞌ kúvi kumí váꞌa re̱ꞌ tiñu nte̱tíñú re̱ꞌ nuꞌuꞌ, ne̱ ki̱vɨ̱ꞌ nikó tuku re̱ꞌ.

Santiago 2:7

¿Á nsú suviráa vá káꞌánꞌ niva̱ꞌa si̱kɨ̱ꞌ súví Jesús máá viiꞌ ñunkúún stakuníꞌ rúja? Jee jie̱ꞌe̱ꞌ súví Jesús naní rán ñɨvɨ Cristo.

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

1 Pedro 4:14

Na̱ ka̱ꞌ netuꞌ ka̱ꞌ kúvi ránoꞌó retú ténúunꞌ ráa ránoꞌó jie̱ꞌe̱ꞌ ya̱ níkɨ́nꞌ rán ichi Cristo, chi máá Ta̱chi̱ꞌ Ííꞌ Ndiosíꞌ ya̱ viiꞌ kúñáꞌnú nasɨ́kuitɨꞌ íyó‑o jín ránoꞌó. [Chi rá ñɨvɨ vá káꞌánꞌ niva̱ꞌa ráa si̱kɨ̱ꞌ Ta̱chi̱ꞌ Ííꞌ re̱ꞌ, soo ránoꞌó chi nákuetúꞌún rán maa.]

1 Pedro 4:19

Jee saáva, ránoꞌó ñɨvɨ ya̱ nóꞌo rán sáni kuíni Ndiosíꞌ, jee naku̱ꞌva rán maárán xi̱ntíín maáréꞌ ya̱ nsa̱ꞌá re̱ꞌ ránoꞌó jee na̱a̱ꞌ síkúnkuvi re̱ꞌ nu̱u̱nꞌ ránoꞌó, jee kunikɨnꞌ rán saꞌá rán rá tiñu váꞌa.