1 Pedro 4:1 - Mixteco del suroeste de Tlaxiaco Oaxaca

¹ Saáva jie̱ꞌe̱ꞌ ya̱ nnoꞌo Cristo jín ñunéꞌyúꞌ re̱ꞌ, jee suni sukuán ránoꞌó ranika̱ꞌ íyó satúꞌva rán antúníꞌ rán nuún kuꞌun iniꞌ rán jín re̱ꞌ. Chi ñɨvɨ ya̱ nnoꞌo jín yɨkɨkúñu‑u, jee nxi̱nóo‑o saꞌá‑a kua̱chi,

1 Pedro 4:1 ပူးပေါင်းရင်းမြစ်များ

Marcos 3:3

Jee nkachiꞌ Jesús nu̱u̱nꞌ te̱e níchí naꞌá: ―Nakuiñɨꞌ ma̱ꞌñú ráa.

Romanos 6:11

Jee suni sukuán ránoꞌó kuꞌun iniꞌ rán kuéntáꞌ ya̱ ya ni̱ꞌi̱ꞌ rán nu̱u̱nꞌ kua̱chi, soo tékúꞌ rán sáva kɨtíñú rán nu̱u̱nꞌ Ndiosíꞌ jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús.

Romanos 6:2

¡Vankée sukuán!, chi ya ni̱ꞌi̱ꞌ‑ó nu̱u̱nꞌ kua̱chi‑ó, ¿na̱sa kuvi kueꞌnu i̱i̱ꞌ‑órán ka̱ꞌ jín kua̱chi‑ó, rúsa?

Romanos 6:7

Chi retú ya ni̱ꞌi̱ꞌ ɨɨn ñɨvɨ jee nna̱kui̱ñɨ̱ꞌ núne‑e nu̱u̱nꞌ kua̱chi.

Gálatas 2:20

Taꞌanꞌ ni̱ꞌ níꞌiꞌ ni̱ꞌ nu̱u̱nꞌ kurúsiꞌ jín Cristo. Saáva nsú káꞌ nuꞌuꞌ ví ya̱ tékúꞌ, chi maá Cristo ví ya̱ tékúꞌ iniꞌ ni̱ꞌ. Jee ni tékúꞌ ni̱ꞌ iniꞌ yɨkɨkúñu ni̱ꞌ yaꞌá, jee jiáꞌnu ni̱ꞌ ichi jie̱ꞌe̱ꞌ kúneí iniꞌ ni̱ꞌ Se̱ꞌya Ndiosíꞌ. Chi Cristo ví ya̱ ñúnúunꞌ re̱ꞌ nuꞌuꞌ jee nna̱sokoꞌ re̱ꞌ maáréꞌ ya̱ níꞌiꞌ re̱ꞌ jie̱ꞌe̱ꞌ ya̱ váꞌa kuvi ni̱ꞌ.

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Efesios 6:13

Saáva satúꞌva rán maárán jín nɨꞌɨ ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ íyó soldado ya̱ sátúꞌva re̱ꞌ jín rá nantíñú re̱ꞌ, sáva kúvi kuneí rán kuiñɨ ni̱ꞌin rán ki̱vɨ̱ꞌ kákini kenta, jee sáá nkuvi nsa̱ꞌá rán nɨꞌɨ, jee kuiñɨ ni̱ꞌin rán.

Filipenses 2:5

Suꞌva ɨɨn nuún kuꞌun iniꞌ antúníꞌ rán kua̱ꞌ nñu̱ꞌun iniꞌ antúníꞌ Cristo Jesús.

Hebreos 12:3

Jee saáva kani iniꞌ rán jie̱ꞌe̱ꞌ Jesús ya̱ ñeꞌneꞌ iniꞌ re̱ꞌ ya̱ rá ñɨvɨ íyó kua̱chi nnuni̱ꞌin víꞌí ráa si̱kɨ̱ꞌ re̱ꞌ, sáva ntu táyáꞌ iniꞌ ánímaꞌ rán jín ntu núun iniꞌ rán.

Hebreos 4:10

Chi ñɨvɨ ya̱ nkívɨ nu̱u̱nꞌ nájiáví‑i sáni nna̱jia̱ví Ndiosíꞌ, jee suni nájiáví‑i nu̱u̱nꞌ tiñu sáꞌá‑a, kuéntáꞌ kua̱ꞌ nna̱jia̱ví Ndiosíꞌ nu̱u̱nꞌ tiñu re̱ꞌ sáá nsa̱ꞌá re̱ꞌ ñɨ̱vɨ́.

1 Pedro 2:21

Chi jie̱ꞌe̱ꞌ yukuán kúvi ya̱ nkana Ndiosíꞌ ránoꞌó, chi suni Cristo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rán, jee sukuán nxi̱nóo re̱ꞌ ɨɨn ichi nu̱u̱nꞌ rán, sáva kunikɨnꞌ rán maa ya̱ saꞌá rán sáni nsa̱ꞌá re̱ꞌ.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.