Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pedro 3:8 - Mixteco del suroeste de Tlaxiaco Oaxaca

8 Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

အခန်းကိုကြည့်ပါ။ ကော်ပီ




1 Pedro 3:8
32 ပူးပေါင်းရင်းမြစ်များ  

Jee noꞌó, ¿á nsú suni sukuán íyó kunáꞌví iniꞌ nú kune̱ꞌyá nú táꞌán musúꞌ nú vá nékúvi, kuéntáꞌ kua̱ꞌ nku̱náꞌví iniꞌ ni̱ꞌ nne̱ꞌyá ni̱ꞌ noꞌó rúja?”, nkachiꞌ i̱toꞌoꞌ‑o vá.


Soo ɨɨn te̱e ñuunꞌ Samaria, ya̱ suni ichi yukuán kua̱ꞌa̱nꞌ re̱ꞌ, jee nkenta re̱ꞌ nu̱u̱nꞌ káá te̱e vá, jee sáá niniꞌ re̱ꞌ maa jee nku̱náꞌví iniꞌ re̱ꞌ maa.


Sáá nkenta ki̱vɨ̱ꞌ viko Pentecostés, nku̱tútú ntáká ráa ɨɨn nu̱u̱nꞌ.


Jee ki̱vɨ̱ꞌ teenꞌ, nkenta ránꞌ ñuunꞌ Sidón. Jee nkuva̱ꞌa iniꞌ Julio nne̱ꞌyá re̱ꞌ Pablo, jee njia̱ꞌa re̱ꞌ kɨ̱ꞌɨ̱nꞌ káꞌánꞌ‑a jín rá ñɨvɨ káva̱ꞌa jín‑i, sáva koto va̱ꞌa ráa maa nu̱u̱nꞌ nɨꞌɨ ya̱ jíniñúꞌún‑u.


Yatin yukuán íyó rá ñuꞌun te̱e kúñáꞌnú ka̱ꞌ ñuunꞌ íyó ma̱ꞌñú nteñúꞌún. Naní re̱ꞌ Publio. Nkana re̱ꞌ ránuꞌuꞌ, jee nneeꞌ ránꞌ u̱ni̱ꞌ ki̱vɨ̱ꞌ veꞌi re̱ꞌ, jee nito va̱ꞌa re̱ꞌ ránuꞌuꞌ.


Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.


Jee kunu̱u̱nꞌ ñúnkúún iniꞌ rán ɨɨn inka táꞌán rán kuéntáꞌ ñúnúunꞌ rán ñaniꞌ maárán ya̱ nkaku jín rán. Jee nukú rán saꞌá ñáꞌnú rán ka̱ꞌ nu̱u̱nꞌ rá táꞌán rán nsú káꞌ maárán.


Chi maá Ndiosíꞌ ví ya̱ jiáꞌa ya̱ káꞌnú koo iniꞌ‑ó kuiñɨ ni̱ꞌin‑ó jín ya̱ náchuneí re̱ꞌ iniꞌ‑ó. Jee na̱ ka̱ꞌ taji re̱ꞌ ka̱ꞌ ya̱ ɨɨn nuún koo ñunkúún iniꞌ ɨɨn inka rán jín táꞌán rán sánikua̱ꞌ kuíni Cristo Jesús.


Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.


Chi retú nóꞌo ɨɨn rá pedasúꞌ yɨkɨkúñu‑ó tu̱nóꞌó, jee kua̱íyó nɨ́ɨ́nkáꞌnú rá pedasúꞌ yɨkɨkúñu‑ó nóꞌo jín‑i. Jee retú ɨɨn pedasúꞌ yɨkɨkúñu‑ó ni̱ꞌi̱nꞌ‑i ya̱ ñáꞌnú‑u, jee suni ne̱ kua̱íyó rá pedasúꞌ yɨkɨkúñu‑ó núsɨ́ɨꞌ iniꞌ ráa jín‑i ranika̱ꞌ.


Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.


Jee siíyo rán ntáká tu̱ꞌun ñútáꞌvi ñúꞌún iniꞌ rán, jín rá tu̱ꞌun kítɨ́ꞌ iniꞌ rán, jín rá tu̱ꞌun xe̱e̱nꞌ iniꞌ rán, jín rá kánajíín nu̱u̱nꞌ táꞌán rán, jín rá ténúunꞌ táꞌán rán, jín ntáká ka̱ꞌ rá inka tu̱ꞌun niváꞌa íyó.


Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.


Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán, ni ya̱ sáꞌá téyɨ́ɨ́ rán. Chisaꞌ kani láꞌví iniꞌ rán, jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.


Soo kani iniꞌ‑ó jee kaka na̱a̱ꞌ‑ó sánikua̱ꞌ ya̱ nijia iniꞌ‑o.


Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,


Jee kuni̱ꞌin rán kunikɨnꞌ rán kunu̱u̱nꞌ rán ɨɨn inka ñanitáꞌán rán ya̱ jínúꞌ iniꞌ ráa Cristo.


Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.


Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.


Kune̱ꞌyá rán, tɨ́ɨn kuéntáꞌ‑ó ya̱ saꞌá Ndiosíꞌ ya̱ netuꞌ kúvi ñɨvɨ ya̱ jiéꞌnéꞌ iniꞌ ráa jín tu̱nóꞌó jee íñɨ́ ni̱ꞌin ráa. Nteso̱ꞌo rán na̱sa nkuni̱ꞌin ni̱ñɨ ni̱ꞌin Job jín tu̱nóꞌó nnoꞌo re̱ꞌ. Jee jíníꞌ rán ya̱ nsa̱ꞌá va̱ꞌa I̱toꞌoꞌ‑ó jín re̱ꞌ ne̱ nu̱u̱nꞌ nɨ́ꞌɨ. Saáva suꞌva jíníꞌ rán ya̱ náꞌví víꞌí iniꞌ I̱toꞌoꞌ‑ó jee kúváꞌa iniꞌ re̱ꞌ néꞌyá re̱ꞌ ñɨvɨ.


Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.


Koo ya̱ ñáꞌnú nu̱u̱nꞌ rán kune̱ꞌyá rán ntáká ñɨvɨ, kunu̱u̱nꞌ rán rá ñanitáꞌán rán, jee kuꞌun yúꞌví iniꞌ rán Ndiosíꞌ, jee koo ya̱ ñáꞌnú nu̱u̱nꞌ rán kune̱ꞌyá rán ñɨvɨ máá ñáꞌnú ka̱ꞌ tátúníꞌ.


Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.


Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.


Sú ñaꞌnu‑ó suꞌva kuéntáꞌ ya̱ níꞌiꞌ‑ó nu̱u̱nꞌ Ndiosíꞌ, soo nxi̱nóo‑ó ya̱ kuéntáꞌ níꞌiꞌ‑ó sukuán jee nkenta kutekuꞌ‑ó jín Ndiosíꞌ. Jee maáórán chi jíníꞌ‑ó maa chi ñúnúunꞌ‑ó rá ñanitáꞌán‑ó. Jee ñɨvɨ ya̱ ntu ñúnúunꞌ rá ñanitáꞌán‑ó jee kínóo i̱i̱ꞌ ráa ya̱ kuéntáꞌ níꞌiꞌ ráa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ