1 Pedro 3:7 - Mixteco del suroeste de Tlaxiaco Oaxaca

⁷ Jee suni sukuán ránoꞌó, te̱e íyó ñasɨ́ꞌɨ́, kuneeꞌ ñunkúún rán jín ñasɨ́ꞌɨ́ rán kani va̱ꞌa iniꞌ rán jie̱ꞌe̱ꞌ ya̱ jíniñúꞌún ráña, jee koo yɨ́ñúꞌún ñáꞌnú rán nu̱u̱nꞌ ráña, chi táyáꞌ iniꞌ ráña ka̱ꞌ nsú ka̱ꞌ ránoꞌó. Jee koo yɨ́ñúꞌún ñáꞌnú rán nu̱u̱nꞌ ráña chi suni ne̱ jíꞌín ráña jín ránoꞌó ni̱ꞌi̱nꞌ rán ɨɨn ni ta̱ꞌvi̱ꞌ sikútaꞌviꞌ Ndiosíꞌ ránoꞌó kutekuꞌ rán nɨ́ɨ́nkání jín re̱ꞌ saꞌá re̱ꞌ. Sukuán íyó saꞌá rán sáva ntu̱náꞌ kasɨꞌ nu̱u̱nꞌ ya̱ káꞌánꞌ rán jín Ndiosíꞌ.

1 Pedro 3:7 ပူးပေါင်းရင်းမြစ်များ

Mateo 18:19

’Jee suni káchíꞌ ni̱ꞌ nu̱u̱nꞌ rán, ya̱ retú íyó u̱vi̱ꞌ rán nátúꞌún nuún rán iniꞌ ñɨ̱vɨ́ yaꞌá, jee rénákúvi ya̱ ka̱ka̱nꞌ táꞌvíꞌ rán nu̱u̱nꞌ Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee saꞌá re̱ꞌ maa ya̱ kúvi ránoꞌó.

1 Corintios 7:3

Jee te̱e ya̱ nta̱na̱ꞌá, íyó re̱ꞌ ya̱ sikúnkuvi va̱ꞌa re̱ꞌ nu̱u̱nꞌ ñasɨ́ꞌɨ́ re̱ꞌ ya̱ nune̱ꞌén re̱ꞌ jín ña sáni íyó saꞌá re̱ꞌ, jee suni sukuán íyó saꞌá maáña jín yɨɨ́ ña ranika̱ꞌ sáni íyó saꞌá ña.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

Efesios 4:30

Jee koto sáꞌá rán kua̱chi sáva nsíkúkuíꞌyáꞌ rán iniꞌ Ta̱chi̱ꞌ Ííꞌ Ndiosíꞌ. Chi nni̱ꞌi̱nꞌ rán Ta̱chi̱ꞌ Ííꞌ vá kuéntáꞌ ɨɨn seyúꞌ ya̱ stúvi ya̱ kúvi rán ñɨvɨ Ndiosíꞌ, ne̱kua̱ꞌ kiji máá ki̱vɨ̱ꞌ ya̱ nakani núne Ndiosíꞌ yó nu̱u̱nꞌ ya̱ nóꞌo‑ó ñɨ̱vɨ́ yaꞌá jee xinánitáꞌvíꞌ re̱ꞌ yó.

Efesios 5:33

Jee suni jie̱ꞌe̱ꞌ yukuán kúvi ya̱ ta ɨɨn ta ɨɨn rán ya̱ kúvi te̱e íyó ñasɨ́ꞌɨ́ íyó kunu̱u̱nꞌ nú ñasɨ́ꞌɨ́ nú, kuéntáꞌ ñúnúunꞌ nú maánú. Jee ñaꞌan ya̱ kúvi ñasɨ́ꞌɨ́ ɨɨn te̱e íyó koo ya̱ ñáꞌnú ña nu̱u̱nꞌ yɨɨ́ ña.

Efesios 6:18

Jee íyó kaꞌanꞌ rán jín Ndiosíꞌ jee ka̱ka̱nꞌ táꞌvíꞌ rán nu̱u̱nꞌ re̱ꞌ, ntáká tiempúꞌ. Kaꞌanꞌ rán jín Ndiosíꞌ sáni chíneí Ta̱chi̱ꞌ Ííꞌ re̱ꞌ ránoꞌó. Jee nito koo rán kunikɨnꞌ ni̱ꞌin rán ka̱ka̱nꞌ táꞌvíꞌ rán jie̱ꞌe̱ꞌ ntáká inka rá ñɨvɨ ya̱ nsásɨ́ɨ́n Ndiosíꞌ kuvi ráa ñɨvɨ re̱ꞌ.

Colosenses 3:19

Jee ránoꞌó te̱e ya̱ nta̱na̱ꞌá, kunu̱u̱nꞌ rán ñaꞌan ya̱ kúvi ñasɨ́ꞌɨ́ rán, jee koto íyó xe̱e̱nꞌ rán jín ña.

1 Tesalonicenses 4:4

Jee ta ɨɨn ránoꞌó íyó kuniꞌ nú nakeꞌen nú maánú, ya̱ kɨtíñú nú nu̱u̱nꞌ Ndiosíꞌ, sáni kuíni re̱ꞌ, jín ya̱ kuneeꞌ ñáꞌnú nú.

Tito 3:7

Ntaji Ndiosíꞌ maa sáva ni̱ꞌi̱nꞌ‑ó ta̱ꞌvi̱ꞌ ya̱ kutekuꞌ‑ó nɨ́ɨ́nkání jín re̱ꞌ, ya̱ íyó tu̱neí iniꞌ‑ó, chi nsiíyo re̱ꞌ kua̱chi nsa̱ꞌá‑ó sáva ku̱ꞌvayuꞌú re̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ, chi íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.