1 Pedro 3:4 - Mixteco del suroeste de Tlaxiaco Oaxaca

⁴ Chisaꞌ íyó nasikútú rán maárán jín ya̱ váꞌa viiꞌ ya̱ ñúꞌún yuꞌuꞌ ne̱ ánímaꞌ rán, ya̱ ni nsáꞌ náánꞌ‑a, yukuán kúvi ya̱ viiꞌ ñunkúún iniꞌ rán jee kuꞌun másúꞌ vi̱tá iniꞌ ánímaꞌ rán, chi suvi‑i vá yɨ́yáꞌvi nasɨ́kuitɨꞌ nu̱u̱nꞌ Ndiosíꞌ.

1 Pedro 3:4 ပူးပေါင်းရင်းမြစ်များ

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

Mateo 21:5

Kachiꞌ rán nu̱u̱nꞌ rá se̱ꞌya ñuunꞌ Sión: “¡Kune̱ꞌyá!, yaꞌá va̱ji nu̱u̱nꞌ ránoꞌó maáréꞌ ya̱ kúñáꞌnú tátúníꞌ re̱ꞌ nu̱u̱nꞌ ránoꞌó, jee láꞌví va̱ji re̱ꞌ, jee yósóꞌ re̱ꞌ ɨɨn burrúꞌ, jee yósóꞌ re̱ꞌ ɨɨn burrúꞌ lúlí ya̱ kúvi se̱ꞌya ɨɨn kitɨ níso ve̱i.” Sukuán káchíꞌ nu̱u̱nꞌ Tutuꞌ Ííꞌ.

Mateo 23:26

’¡Ránoꞌó fariseo, te̱e kuáá ví rán! Xíꞌna ka̱ꞌ íyó saꞌá noo rán ánímaꞌ rán, kuéntáꞌ kua̱ꞌ násánoo iniꞌ ɨɨn vasúꞌ, saájee tu̱vi nijinꞌ ya̱ nno̱noo kua̱íyó rán nu̱u̱nꞌ rá ñɨvɨ.

Mateo 5:5

Na̱ ka̱ꞌ netuꞌ ka̱ꞌ kúvi rá ñɨvɨ ya̱ másúꞌ iniꞌ ráa, chi sikútaꞌviꞌ Ndiosíꞌ ñɨ̱vɨ́ nu̱u̱nꞌ ráa kúvi ta̱ꞌvi̱ꞌ ráa.

Lucas 11:40

Ránoꞌó te̱e naanꞌ, máá Ndiosíꞌ ya̱ nsa̱ꞌá re̱ꞌ ñunéꞌyúꞌ nú ya̱ túvi nijinꞌ, ¿á nsáꞌ maáréꞌ suni nsa̱ꞌá re̱ꞌ ta̱chi̱ꞌ káꞌánꞌ ya̱ ñúꞌún iniꞌ nú?

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Romanos 1:23

Chi nxi̱nóo ráa Ndiosíꞌ ya̱ viiꞌ kúñáꞌnú re̱ꞌ ya̱ ni ntu jíꞌíꞌ re̱ꞌ, sáva kuneñu̱ꞌun ráa rá santúꞌ ñunéꞌyúꞌ ya̱ túvi kuéntáꞌ ñɨvɨ ya̱ jíꞌíꞌ, jín kuéntáꞌ rá saaꞌ, jín rá kitɨ jíka ku̱mi̱ꞌ, jín rá kitɨ siúꞌun maáa.

Romanos 2:29

Chisaꞌ ñɨvɨ Israel nijia jee ne̱ ánímaꞌ‑a kúvi‑i vá. Jee tiñu sáꞌá Ta̱chi̱ꞌ Ííꞌ Ndiosíꞌ iniꞌ ánímaꞌ ñɨvɨ ví circuncisión nijia ya̱ kúvi seña ya̱ stúvi ya̱ kúvi‑i ñɨvɨ Ndiosíꞌ jee nsú jie̱ꞌe̱ꞌ nánukú ráa sikúnkuvi ráa ley ya̱ níso nu̱u̱nꞌ Tutuꞌ Ííꞌ. Jee ñɨvɨ sukuán, nsú rá ñɨvɨ nákuetúꞌún maa, chisaꞌ ne̱ nu̱u̱nꞌ Ndiosíꞌ va̱ji ya̱ nákuetúꞌún re̱ꞌ maa.

Romanos 6:6

Jee jíníꞌ‑ó ya̱ ya nnaanꞌ na̱ ñɨvɨ nkuvi‑ó tiempúꞌ ya̱ta̱ꞌ, chi jíꞌín‑i ni̱ꞌi̱ꞌ nkáá‑a jín Cristo nu̱u̱nꞌ kurúsiꞌ, sáva naanꞌ ya̱ kúneí kua̱chi jín ñunéꞌyúꞌ‑ó, sáva nkɨ́tíñú‑ó ka̱ꞌ nu̱u̱nꞌ kua̱chi.

Romanos 7:22

Chi ne̱ ánímaꞌ ni̱ꞌ kúsɨ́ɨꞌ iniꞌ ni̱ꞌ néꞌyá ni̱ꞌ ley tátúníꞌ Ndiosíꞌ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

Gálatas 5:23

másúꞌ iniꞌ ráa, nákeꞌen ráa maáráa. Ntu íyó ni ɨɨn ley ya̱ chikua̱chi si̱kɨ̱ꞌ ñɨvɨ sáꞌá rá tiñu yaꞌá.

Efesios 4:2

Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

Colosenses 3:3

Chi ya̱ ni̱ꞌi̱ꞌ rán jín Cristo, jee vitan jee íyó kutú ya̱ tékúꞌ rán jín re̱ꞌ, chi yɨ́ꞌɨ́ rán nu̱u̱nꞌ Ndiosíꞌ.

1 Tesalonicenses 4:11

Jee nakeni rán kuneeꞌ ñunkúún rán. Jee jitú iniꞌ rán tiñu sáꞌá maárán. Jee satíñú rán sáva koto rán maárán. Íyó saꞌá rán yaꞌá sáni ya̱ nta̱túníꞌ ránꞌ nu̱u̱nꞌ ránoꞌó.

2 Tesalonicenses 3:12

Nu̱u̱nꞌ súví I̱toꞌoꞌ‑ó Jesús ya̱ kúvi Cristo, tátúníꞌ ránꞌ nu̱u̱nꞌ rá ñɨvɨ vá, jee xíníꞌvɨ́ꞌ ránꞌ iniꞌ ráa, ya̱ nini̱ꞌin satíñú ráa, sáva ni̱ꞌi̱nꞌ ráa ya̱ kajiꞌ ráa.

1 Timoteo 2:2

Jee suni sukuán náxiníꞌvɨ́ꞌ ni̱ꞌ iniꞌ ñanitáꞌán‑ó ya̱ kaꞌanꞌ‑ó jín Ndiosíꞌ jie̱ꞌe̱ꞌ rá te̱e, ya̱ tátúníꞌ nu̱u̱nꞌ rá ñuunꞌ, jín jie̱ꞌe̱ꞌ nta̱ká rá te̱e nísotíñú, sáva kuvi kuneeꞌ ñunkúún‑ó jee kuneeꞌ va̱ꞌa‑ó, ni jiáꞌnu‑ó ichi na̱a̱ꞌ sáni kuíni Ndiosíꞌ jee jiáꞌnu ñáꞌnú‑ó.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

Tito 3:2

jín ya̱ nkákuíyuꞌú ráa jie̱ꞌe̱ꞌ ni ɨɨn ñɨvɨ, jín ya̱ nkántátúꞌún ráa, chisaꞌ koo ñunkúún iniꞌ ráa, jín ya̱ koo másúꞌ iniꞌ ráa jín nɨꞌɨ ñɨvɨ.

Santiago 1:21

Saáva íyó siyo rán nta̱ká tiñu ntu̱ví íyó ninuꞌun jín rá niváꞌa ya̱ kúkueꞌeꞌ, jee koo vi̱ta iniꞌ rán jee tɨɨn rán Tu̱ꞌun Ndiosíꞌ nchuꞌun re̱ꞌ iniꞌ ánímaꞌ rán, chi tu̱ꞌun vá ya̱ íyó fuersáꞌ ííꞌ níꞌin sáva natavaꞌ‑a ránoꞌó nu̱u̱nꞌ kua̱chi rán sikáku‑u ránoꞌó.

1 Pedro 1:23

Chi nna̱kaku jiáá tuku rán, soo nsáꞌ nna̱kaku rán se̱ꞌya ni̱ñɨ̱ꞌ nu̱u̱nꞌ sɨꞌɨ́ ya̱ jíꞌíꞌ‑i, chisaꞌ nna̱kaku rán sáꞌá Tu̱ꞌun Ndiosíꞌ ya̱ tékúꞌ‑u jee kino̱o‑o nɨ́ɨ́nkání.

1 Pedro 3:15

Chisaꞌ ne̱ ánímaꞌ rán íyó chiñúꞌún rán Cristo jee íyó ku̱ꞌvayuꞌú rán ya̱ kúvi re̱ꞌ I̱toꞌoꞌ rán, jee sukuáni íyó satúꞌva rán maárán sáva naxiníkó váꞌa rán nu̱u̱nꞌ ntáká ñɨvɨ ya̱ jíkátu̱ꞌún‑u ránoꞌó jie̱ꞌe̱ꞌ ya̱ váꞌa ya̱ nétu rán íyó tu̱neí iniꞌ rán ya̱ saꞌá Cristo jín rán.