1 Pedro 2:9 - Mixteco del suroeste de Tlaxiaco Oaxaca

⁹ Soo ránoꞌó chi kúvi rán rá ñɨvɨ nka̱ji Ndiosíꞌ, jee suni kúvi rán su̱tu̱ꞌ ya̱ yɨ́tíñú rán nu̱u̱nꞌ re̱ꞌ ya̱ maáréꞌ vá tátúníꞌ re̱ꞌ, jee kúvi rán ñɨvɨ íyó sɨ́ɨ́n yɨ́tíñú rán nu̱u̱nꞌ re̱ꞌ, jee kúvi rán ñɨvɨ maáréꞌ. Sukuán nka̱ji re̱ꞌ ránoꞌó sáva kachitu̱ꞌún rán jie̱ꞌe̱ꞌ rá tiñu máá ñáꞌnú máá viiꞌ nasɨ́kuitɨꞌ a̱nasɨ́ sáꞌá re̱ꞌ, ya̱ maáréꞌ ví ya̱ nkana re̱ꞌ ránoꞌó sáva ntavaꞌ re̱ꞌ ránoꞌó nkene rán nu̱u̱nꞌ ñu̱neenꞌ ñaꞌnu rán, jee nsi̱kívɨ re̱ꞌ ránoꞌó nu̱u̱nꞌ túúnꞌ ñuꞌunꞌ viiꞌ nasɨ́kuitɨꞌ re̱ꞌ iniꞌ ánímaꞌ rán.

1 Pedro 2:9 ပူးပေါင်းရင်းမြစ်များ

Mateo 4:16

Rá ñɨvɨ ya̱ íyó ráa nu̱u̱nꞌ ñu̱neenꞌ jee kuniꞌ ráa ñuꞌunꞌ mánasɨ́ jiánu̱te̱ꞌ Ndiosíꞌ. Jee rá ñɨvɨ vá ya̱ yɨ́ꞌɨ́ ráa nu̱u̱nꞌ ñu̱neenꞌ ya̱ ntu kúneí ráa kaku ráa nu̱u̱nꞌ ya̱ jíꞌíꞌ ráa, soo nastúúnꞌ Ndiosíꞌ ñuꞌunꞌ re̱ꞌ nu̱u̱nꞌ ráa jín tu̱ꞌun ya̱ natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

Lucas 1:79

Sáva stúúnꞌ re̱ꞌ iniꞌ ánímaꞌ rá ñɨvɨ ya̱ jiáꞌnu ráa nu̱u̱nꞌ neenꞌ ya̱ sa̱néꞌ íyó kinaanꞌ ráa. Jee sáva nachuꞌun re̱ꞌ ichi yó na̱ja kueꞌnu‑ó nu̱u̱nꞌ kuneeꞌ va̱ꞌa ñunkúún‑ó, nkachiꞌ Zacarías.

Juan 17:19

Jee yɨ́tíñú ni̱ꞌ nu̱u̱nꞌ noꞌó sáva kuvi ya̱ váꞌa nu̱u̱nꞌ ráa, sáva suni kúvi kɨtíñú ráa nu̱u̱nꞌ nú jie̱ꞌe̱ꞌ ya̱ naáꞌ.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Hechos 26:18

sava sine nú rá nchinúún ráa sáva kɨ̱ku̱ꞌun iniꞌ ráa Tu̱ꞌun Ndiosíꞌ. Jee sáva kene ráa nu̱u̱nꞌ neenꞌ, jee nakui̱ñɨ̱ꞌ ráa nu̱u̱nꞌ túúnꞌ ñuꞌunꞌ. Jee kene ráa naꞌá ta̱chi̱ꞌ kini kúñáꞌnú kúvi Satanás, jee ki̱vɨ ráa naꞌá Ndiosíꞌ. Sáva ni̱ꞌi̱nꞌ ráa ya̱ kunekáꞌnú iniꞌ Ndiosíꞌ jie̱ꞌe̱ꞌ kua̱chi ráa, jín sáva ni̱ꞌi̱nꞌ ráa ta̱ꞌvi̱ꞌ nteñu rá ñɨvɨ ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ, chi kúneí iniꞌ ráa nuꞌuꞌ.”

Hechos 26:28

Ña̱re nkachiꞌ Agripa nu̱u̱nꞌ Pablo: ―Yakuꞌ ka̱ꞌ, siínúꞌ nú iniꞌ ni̱ꞌ kuvi ni̱ꞌ cristiano, ya̱ nakunikɨnꞌ ni̱ꞌ Cristo.

Romanos 9:24

Jee maáórán suni nkana re̱ꞌ yó kɨꞌɨ‑ó nu̱u̱nꞌ re̱ꞌ, jee nsú kua̱chi nteñu rá ñɨvɨ Israel nkana re̱ꞌ ñɨvɨ chi suni rá ñɨvɨ ya̱ ntu kúvi Israel.

1 Corintios 3:17

Jee retú néni ɨɨn ñɨvɨ ya̱ stívɨ́‑ɨ veñu̱ꞌun Ndiosíꞌ, jee maá Ndiosíꞌ xináánꞌ ñɨvɨ vá. Chi nsa̱ꞌá sɨ́ɨ́n Ndiosíꞌ veñu̱ꞌun re̱ꞌ ya̱ yɨ́tíñú nu̱u̱nꞌ re̱ꞌ, jee veñu̱ꞌun re̱ꞌ vá kúvi ránoꞌó.

Efesios 1:14

Ta̱chi̱ꞌ Ííꞌ vá ví ya̱ ntaji ya̱chi̱ꞌ Ndiosíꞌ nu̱u̱nꞌ‑ó jee yukuán kúvi ya̱ naáꞌ ya̱ taji nijia re̱ꞌ ta̱ꞌvi̱ꞌ nu̱u̱nꞌ‑ó, ne̱ ki̱vɨ̱ꞌ sijínu re̱ꞌ tiñu re̱ꞌ ya̱ sikáku re̱ꞌ yó nu̱u̱nꞌ kua̱chi yó jee xinánitáꞌvíꞌ re̱ꞌ yó ya̱ kúvi‑ó ñɨvɨ re̱ꞌ. Jee sukuán níꞌínꞌ re̱ꞌ nakuetúꞌún nɨꞌɨ ñɨvɨ ya̱ viiꞌ kúñáꞌnú nasɨ́kuitɨꞌ re̱ꞌ.

Efesios 1:6

Saáva jie̱ꞌe̱ꞌ vá íyó nakuetúꞌún‑ó Ndiosíꞌ ya̱ viiꞌ kúñáꞌnú re̱ꞌ jie̱ꞌe̱ꞌ ya̱ na̱ ka̱ꞌ vá íyó mániꞌ iniꞌ re̱ꞌ jín yó jee nsi̱kútaꞌviꞌ saɨn re̱ꞌ ya̱ váꞌa nu̱u̱nꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ya̱ ñúnúunꞌ re̱ꞌ maa.

Efesios 3:21

Na̱ ka̱ꞌ viiꞌ nasɨ́kuitɨꞌ kúñáꞌnú re̱ꞌ ka̱ꞌ jín tiñu nsa̱ꞌá re̱ꞌ jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, jín jie̱ꞌe̱ꞌ ya̱ nsa̱ꞌá Cristo Jesús, jee nakuetúꞌún‑ó re̱ꞌ ntáká tiempúꞌ jín nɨ́ɨ́nkání. ¡Sukuán koo! ¡Amén!

Filipenses 3:14

Jee xíníꞌin ni̱ꞌ kɨ̱ꞌɨ̱nꞌ ni̱ꞌ ichinúúnꞌ kuéntáꞌ jínu ni̱ꞌ ɨɨn carrera, sáva kenta ni̱ꞌ nu̱u̱nꞌ nɨ́ꞌɨ, sáva kuneí ni̱ꞌ ni̱ꞌi̱nꞌ ni̱ꞌ ta̱ꞌvi̱ꞌ ya̱ ne̱ súkún nkana Ndiosíꞌ yó sáva ni̱ꞌi̱nꞌ‑ó vá jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.

Colosenses 1:13

Chi maá Ndiosíꞌ nna̱kani núne re̱ꞌ yó nsi̱káku re̱ꞌ yó xi̱ntíín kua̱chi‑ó jín xi̱ntíín Satanás, nu̱u̱nꞌ níyo kuéntáꞌ ñaꞌnu‑ó nu̱u̱nꞌ neenꞌ. Jee nna̱siáꞌa re̱ꞌ yó naꞌá Se̱ꞌya re̱ꞌ ya̱ ñúnúunꞌ re̱ꞌ, jee tátúníꞌ‑i nu̱u̱nꞌ‑ó.

2 Timoteo 1:9

Chi Ndiosíꞌ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó, jee nkana re̱ꞌ yó sáva sasɨ́ɨ́n re̱ꞌ yó ya̱ kuvi‑ó ñɨvɨ re̱ꞌ ya̱ kɨtíñú‑ó nu̱u̱nꞌ re̱ꞌ. Nsáꞌá re̱ꞌ suꞌva jín yó nsú jie̱ꞌe̱ꞌ ya̱ váꞌa nsa̱ꞌá‑ó. Soo nsi̱káku re̱ꞌ yó, chi saá nkuini re̱ꞌ, chi suni íyó mániꞌ iniꞌ re̱ꞌ néꞌyá re̱ꞌ yó, ya̱ ntu íyó ni̱ꞌi̱nꞌ‑ó maa. Jee ne̱ sáá ntiáꞌan kijiéꞌé kiko̱o ñɨ̱vɨ́ íyó mániꞌ iniꞌ re̱ꞌ néꞌyá re̱ꞌ yó ya̱ yɨ́ꞌɨ́‑ó nu̱u̱nꞌ Cristo Jesús.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

1 Pedro 1:2

Jee máá Tátáꞌ‑ó Ndiosíꞌ nka̱ji re̱ꞌ ránoꞌó, sánikua̱ꞌ nkuna̱a̱ꞌ iniꞌ re̱ꞌ ne̱ yanaꞌán jee nsásɨ́ɨ́n Ta̱chi̱ꞌ Ííꞌ re̱ꞌ ránoꞌó kɨtíñú rán nu̱u̱nꞌ Ndiosíꞌ sáva kaníjiá rán re̱ꞌ jee sáva nasánoo re̱ꞌ ránoꞌó nu̱u̱nꞌ kua̱chi rán jín ni̱ñɨ̱ꞌ Jesucristo ya̱ ñatɨ re̱ꞌ sáá níꞌiꞌ re̱ꞌ jie̱ꞌe̱ꞌ rán. Na̱ ka̱ꞌ ntántúníꞌ ka̱ꞌ koo ya̱ máníꞌ iniꞌ Ndiosíꞌ jín rán jín ya̱ kino̱o va̱ꞌa iniꞌ ánímaꞌ rán saꞌá re̱ꞌ.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

Apoclipsis 1:6

Jee nsa̱ꞌá re̱ꞌ kúvi‑ó ñɨvɨ yɨ́ꞌɨ́‑ó xi̱ntíín re̱ꞌ kúvi‑ó su̱tu̱ꞌ ya̱ sátíñú‑ó nu̱u̱nꞌ Tátáꞌ re̱ꞌ Ndiosíꞌ. Jee saáva nákuetúꞌún‑ó re̱ꞌ, jee kachiꞌ‑ó ya̱ viiꞌ víꞌí kúñáꞌnú re̱ꞌ, jee tátúníꞌ re̱ꞌ nu̱u̱nꞌ kua̱íyó nɨ́ɨ́nkání. Sukuán koo. Amén.

Apoclipsis 20:6

Jee na̱ ka̱ꞌ netuꞌ ka̱ꞌ na̱ ka̱ꞌ i̱i̱ꞌ ka̱ꞌ kuvi ɨɨn ñɨvɨ ya̱ kuvi ɨɨn rá ñɨvɨ ya̱ natekuꞌ i̱i̱ꞌ ráa ya̱ xíꞌnañúꞌún, chi ni nsáꞌ yɨ́ꞌɨ́ rá ñɨvɨ vá xi̱ntíín ñuníyɨ nsáꞌ kuviꞌ ráa ka̱ꞌ ya̱ uvíꞌ íchí ya̱ nkúnoꞌo ráa ka̱ꞌ tu̱nóꞌó kiji. Chisaꞌ kuvi ráa su̱tu̱ꞌ nu̱u̱nꞌ Ndiosíꞌ jín nu̱u̱nꞌ Cristo. Jee tatúníꞌ ráa tiñu jín re̱ꞌ ɨɨn mil (1000) kui̱ya̱ꞌ.

Apoclipsis 5:10

Jee nsa̱ꞌá nú ya̱ kɨꞌɨ ráa xi̱ntíín Ndiosíꞌ, jín ya̱ kuvi ráa su̱tu̱ꞌ re̱ꞌ ya̱ saꞌá ráa tiñu re̱ꞌ. Jee tatúníꞌ ráa tiñu re̱ꞌ iniꞌ ñɨ̱vɨ́, káchíꞌ rává jíta rává.