1 Pedro 2:1 - Mixteco del suroeste de Tlaxiaco Oaxaca

¹ Jee saáva, xinóo rán ntáká rá tiñu níváꞌa ñúꞌún iniꞌ rán saꞌá rán, jín ntáká tu̱ꞌun xínáꞌví káꞌánꞌ rán, jín ya̱ sansuꞌva íyó rán, jín tiñu sáꞌá u̱ꞌvi̱ꞌ iniꞌ, jín ntáká tu̱ꞌun níváꞌa káꞌánꞌ si̱kɨ̱ꞌ táꞌán rán.

1 Pedro 2:1 ပူးပေါင်းရင်းမြစ်များ

Mateo 15:7

¡Te̱e sansuꞌva ni kuvi rán! Máá nááꞌ vá nkachiꞌ Isaías sáá nna̱kani re̱ꞌ tu̱ꞌun nkene yuꞌú Ndiosíꞌ yanaꞌán, jie̱ꞌe̱ꞌ ránoꞌó suꞌva:

Mateo 23:28

Jee suni sukuán íyó rán nu̱u̱nꞌ nijinꞌ rán, chi stúvi rán ya̱ te̱e na̱a̱ꞌ kúvi rán nu̱u̱nꞌ rá ñɨvɨ, soo ichi iniꞌ rán ñúꞌún chitú tu̱ꞌun sansuꞌva kúvi rán jín tu̱ꞌun níváꞌa.

Mateo 24:51

jee xe̱e̱nꞌ xinóꞌo re̱ꞌ maa jee naskánitáꞌán re̱ꞌ maa kɨ̱ꞌɨ̱nꞌ‑ɨ nu̱u̱nꞌ kunoꞌo‑o jín rá ñɨvɨ sansuꞌva jee yukuán kunaꞌyuꞌ ráa ne̱ kaꞌñɨꞌ nu̱ꞌun ráa.

Mateo 7:5

¡Ñɨvɨ sansuꞌva kúvi nú! Xíꞌna ka̱ꞌ maánú tavaꞌ kuꞌlu yutun yɨ́ꞌɨ́ nchinúún noꞌó, saájee kuvi kune̱ꞌyá kájí nú sáva tavaꞌ ya̱ká lúlí yánká yɨ́ꞌɨ́ nchinúún ñanitáꞌán nú.

Marcos 12:15

Soo ya̱ jíníꞌ re̱ꞌ ya̱ te̱e sansuꞌva ví ráa, jee nkachiꞌ re̱ꞌ nu̱u̱nꞌ ráa: ―¿Na̱kui chi jítotúníꞌ rán nuꞌuꞌ? Taji rán ɨɨn xu̱ꞌún ka̱a nu̱u̱nꞌ ni̱ꞌ sáva kune̱ꞌyá ni̱ꞌ maa.

Lucas 11:44

’Jee, ¡na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín ránoꞌó fariseo, chi te̱e sansuꞌva kúvi rán, chi kúvi rán kuéntáꞌ ñáñá rá ni̱yɨ ya̱ ntu túvi nijinꞌ nééꞌ‑e, jee jíka ñɨvɨ jiáñúꞌ‑u nu̱u̱nꞌ‑u jee ntu jíníꞌ ráa vá ―nkachiꞌ Jesús.

Lucas 12:1

Jee ni ya̱ kúvi sukuán, jee nku̱tútú ntántúníꞌ mil rá ñɨvɨ kue̱ꞌe̱ꞌ, jee ne̱ nákuniꞌi táꞌán ráa ya̱ta̱ꞌ ɨɨn inka rá táꞌán ráa. Jee nka̱jiéꞌé Jesús káchíꞌ re̱ꞌ xíꞌna ka̱ꞌ nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ, jee nkachiꞌ re̱ꞌ nu̱u̱nꞌ ráa: ―Kumí rán maárán koto tɨ́ɨn rán rá tu̱ꞌun káꞌánꞌ rá te̱e fariseo, chi te̱e sansuꞌva kúvi ráa jee kuéntáꞌ kua̱ꞌ levadura, chi jiéténuun tu̱ꞌun ráa nu̱u̱nꞌ rá ñɨvɨ jee kenta nuún kuvi ráa ñɨvɨ sansuꞌva, kuéntáꞌ kua̱ꞌ sáꞌá levadura sáá xínáa‑a chi̱ji ñujien.

Lucas 6:42

Jee saáva, ¿na̱ja kuvi kachiꞌ nú nu̱u̱nꞌ ñanitáꞌán nú: “Ñaniꞌ, taji ya̱ nuꞌuꞌ tavaꞌ ya̱ká lúlí yánká yɨ́ꞌɨ́ nchinúún nú”, soo ni maánú ntu néꞌyá nú kuꞌlu yɨ́ꞌɨ́ nchinúún noꞌó rúja? ¡Ñɨvɨ sansuꞌva kúvi nú! Xíꞌna ka̱ꞌ tavaꞌ kuꞌlu yutun yɨ́ꞌɨ́ nchinúún noꞌó, saájee kuvi kune̱ꞌyá kájí nú sáva tavaꞌ ya̱ká lúlí yánká yɨ́ꞌɨ́ nchinúún ñanitáꞌán nú.

Juan 1:47

Jee sáá niniꞌ Jesús Natanael ya̱ váji kuyatin‑i, jee nkaꞌanꞌ re̱ꞌ jie̱ꞌe̱ꞌ‑e: ―Yaꞌá ví nijia ɨɨn se̱ꞌya tataꞌ ñuunꞌ Israel ya̱ kúvi te̱e na̱a̱ꞌ, ya̱ ntu ñúꞌún tu̱ntúꞌún tuꞌva yuꞌú re̱ꞌ ―nkachiꞌ Jesús.

Romanos 1:29

Jee chítú ráa jín ntáká tiñu ya̱ ntu íyó na̱a̱ꞌ, [jín kúkuáchi ráa jín ñɨvɨ ya̱ ntu ntánáꞌá jín ráa], máá kánéꞌí ví ráa, máá kuíni víꞌí ráa ka̱ꞌ, manúniváꞌa sáꞌá ráa, chítú ráa jín máá tiñu uꞌvi iniꞌ ráa, sáꞌá ráa ni̱yɨ, sáꞌá ráa tuntíxín, máñáꞌ ráa, sukuáni ñúꞌún niva̱ꞌa iniꞌ ráa, máá tuntúꞌún káꞌánꞌ xi̱ni̱ꞌ táꞌán ráa,

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

1 Corintios 5:8

Saájee saꞌá‑ó viko vá soo nsú jín levadura túꞌú jín nsú jín levadura ya̱ kúvi ya̱ sáꞌá úꞌvi iniꞌ jín ya̱ niváꞌa, chisaꞌ jín i̱xta̱tíláꞌ ya̱ ntu yɨ́ꞌɨ́ levadura ya̱ kúvi ya̱ saɨn jiáꞌnu‑ó jín na̱a̱ꞌ jiáꞌnu‑ó.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

Efesios 4:31

Jee siíyo rán ntáká tu̱ꞌun ñútáꞌvi ñúꞌún iniꞌ rán, jín rá tu̱ꞌun kítɨ́ꞌ iniꞌ rán, jín rá tu̱ꞌun xe̱e̱nꞌ iniꞌ rán, jín rá kánajíín nu̱u̱nꞌ táꞌán rán, jín rá ténúunꞌ táꞌán rán, jín ntáká ka̱ꞌ rá inka tu̱ꞌun niváꞌa íyó.

1 Tesalonicenses 2:3

Chi tu̱ꞌun káchítu̱ꞌún ráníꞌ nsáꞌ váji‑i nu̱u̱nꞌ tu̱ꞌun kúsanaanꞌ, ni nsáꞌ váji‑i nu̱u̱nꞌ tu̱ꞌun jiáni néꞌí iniꞌ ránꞌ, ni nsáꞌ váji‑i nu̱u̱nꞌ ya̱ xínáꞌví ránꞌ ránoꞌó.

1 Timoteo 3:11

Suni sukuán, rá ñaꞌan íyó kueꞌnu ñáꞌnú ráña, jee íyó kuvi ráa rá ñaꞌan, ya̱ ntu sátúꞌún ráña si̱kɨ̱ꞌ inka ñɨvɨ, jín ya̱ ntu jíꞌi víꞌí ráña nixiꞌ, jín ya̱ sukuáni síkúnkuvi ráña nɨꞌɨ ya̱ káchíꞌ ráña ya̱ kúvi kuneí iniꞌ ñɨvɨ ráña.

Tito 2:3

Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

Santiago 1:21

Saáva íyó siyo rán nta̱ká tiñu ntu̱ví íyó ninuꞌun jín rá niváꞌa ya̱ kúkueꞌeꞌ, jee koo vi̱ta iniꞌ rán jee tɨɨn rán Tu̱ꞌun Ndiosíꞌ nchuꞌun re̱ꞌ iniꞌ ánímaꞌ rán, chi tu̱ꞌun vá ya̱ íyó fuersáꞌ ííꞌ níꞌin sáva natavaꞌ‑a ránoꞌó nu̱u̱nꞌ kua̱chi rán sikáku‑u ránoꞌó.

Santiago 3:14

Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva.

Santiago 4:11

Ránoꞌó ñaniꞌ jín ku̱ꞌva, koto kákuíyuꞌú rán si̱kɨ̱ꞌ ɨɨn inka rán. Chi ɨɨn ñɨvɨ ya̱ káꞌánꞌ niva̱ꞌa si̱kɨ̱ꞌ ñaniꞌ‑i, áxí sánáaꞌ‑a si̱kɨ̱ꞌ ñaniꞌ‑i, jee suni káꞌánꞌ niva̱ꞌa ñɨvɨ vá si̱kɨ̱ꞌ tu̱ꞌun ley nta̱túníꞌ Ndiosíꞌ, jee káchíꞌ‑i ya̱ ntu íyó na̱a̱ꞌ tu̱ꞌun ley vá, [chi káchíꞌ tu̱ꞌun ley vá ya̱ íyó kunu̱u̱nꞌ‑ó ñanitáꞌán‑ó]. Jee retú sáꞌá nú si̱kɨ̱ꞌ tu̱ꞌun ley, jee ntu síkúnkuvi nú ya̱ káchíꞌ tu̱ꞌun vá, chisaꞌ sáꞌá nú maánú te̱e jiéꞌnéꞌ kua̱chi.

Santiago 4:5

Áxí, ¿á káꞌvi iniꞌ rán ya̱ ka̱ꞌá káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ: “Ta̱chi̱ꞌ Ííꞌ ya̱ nchuꞌun Ndiosíꞌ iniꞌ yó sáva kuꞌun‑u iniꞌ yó, suvivá nééꞌ nu̱u̱nꞌ‑u yó ne̱ ñúꞌún kuíñɨ́ iniꞌ‑i yó”?

Santiago 5:9

Ránoꞌó ñaniꞌ jín ku̱ꞌva, koto násóyu̱ꞌú rán nu̱u̱nꞌ ɨɨn inka táꞌán rán, sáva ntu kúnáaꞌ kua̱chi si̱kɨ̱ꞌ rán. Kune̱ꞌyá rán, Ndiosíꞌ ya̱ suvire̱ꞌ vá jiéꞌnéꞌ kua̱chi yatin niji re̱ꞌ, kuéntáꞌ ya ñúneen re̱ꞌ yuvéꞌí.

1 Pedro 2:16

Nna̱kani núne Cristo ránoꞌó nu̱u̱nꞌ xinóꞌo Ndiosíꞌ ránoꞌó jie̱ꞌe̱ꞌ kua̱chi rán, saáva kueꞌnu na̱a̱ꞌ rán jee koto jiátíñú rán ya̱ íñɨ́ núne rán sáva tee rán nanísi̱kɨ̱ꞌ saꞌá rán ya̱ niváꞌa, chisaꞌ kueꞌnu rán sáni íyó kueꞌnu rá musúꞌ Ndiosíꞌ ya̱ yɨ́ꞌɨ́ rán xi̱ntíín re̱ꞌ.

1 Pedro 2:22

Chi [Cristo jee]: ni ɨɨn kuitɨꞌ kua̱chi ntu nsáꞌá re̱ꞌ, jee ni ɨɨn tu̱ꞌun xínáꞌví ntu nyɨ́ꞌɨ yuꞌú re̱ꞌ.

1 Pedro 3:10

Káchíꞌ nu̱u̱nꞌ Tutuꞌ Ííꞌ ya̱: Ñɨvɨ ya̱ ñúnúunꞌ‑u kutekuꞌ‑u, jee kuíni‑i ya̱ koo va̱ꞌa rá ki̱vɨ̱ꞌ tékúꞌ‑u nakaꞌnu‑u yáá‑a nkaꞌanꞌ‑a rá tu̱ꞌun níváꞌa, jín ya̱ koto kene tu̱ꞌun xínáꞌví yuꞌú‑u.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.

1 Pedro 4:4

Jee vitan jee kúsɨ́ɨ́n iniꞌ rá ñɨvɨ ya̱ ránoꞌó ntu kútáꞌán rán ká jín ráa ntu sáꞌá rán ka̱ꞌ rá tiñu néꞌí níváꞌa ntántúníꞌ jín ráa, jee saáva ténúunꞌ ráa ránoꞌó.

Apoclipsis 14:5

Jee ni ntu nkaꞌanꞌ kuitɨꞌ ráa tu̱ntúꞌún, chi kúvi ráa ñɨvɨ na̱a̱ꞌ ya̱ íyó noo ánímaꞌ ráa ya̱ ntu kúvi chikua̱chi ñɨvɨ ráa [sáá íñɨ́ ráa ichinúúnꞌ nu̱u̱nꞌ tátúníꞌ Ndiosíꞌ].