1 Pedro 1:8 - Mixteco del suroeste de Tlaxiaco Oaxaca

⁸ Maáréꞌ ví ya̱ ñúnúunꞌ rán re̱ꞌ súnika̱ꞌ ntu jíníꞌ jínúunꞌ rán re̱ꞌ, jee jínúꞌ iniꞌ rán re̱ꞌ sú ntu néꞌyá rán re̱ꞌ vitan jee ne̱ sɨ̱ɨ̱ꞌ kúvi iniꞌ rán kúsɨ́ɨꞌ iniꞌ rán ya̱ ntántúníꞌ nasɨ́kuitɨꞌ viiꞌ ya̱ ni ntu kúvi ni̱ꞌi̱nꞌ rán ka̱ꞌ tu̱ꞌun na̱ja vá kachiꞌ rán maa.

1 Pedro 1:8 ပူးပေါင်းရင်းမြစ်များ

Mateo 10:37

Jee néni ɨɨn ñɨvɨ ya̱ ñúnúunꞌ‑u ka̱ꞌ tátáꞌ‑a áxí nánáꞌ‑a, nsú káꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ, jee néni ɨɨn ñɨvɨ ya̱ ñúnúunꞌ‑u ka̱ꞌ se̱ꞌya yɨ́ɨ́‑ɨ áxí se̱ꞌya sɨ́ꞌɨ́‑ɨ, nsú káꞌ ya̱ ñúnúunꞌ nuꞌuꞌ, jee nsú ñɨvɨ ya̱ íyó ni̱ꞌi̱nꞌ‑i ya̱ kɨꞌɨ‑ɨ xi̱ntíín ni̱ꞌ.

Juan 14:15

’Retú ñúnúunꞌ rán nuꞌuꞌ, jee kaníjiá rán sikúnkuvi rán rá tu̱ꞌun ya̱ nta̱túníꞌ ni̱ꞌ nu̱u̱nꞌ rán.

Juan 14:21

Chi néni ɨɨn ñɨvɨ ya̱ ñúꞌún iniꞌ‑i tu̱ꞌun ya̱ nta̱túníꞌ ni̱ꞌ jee sikúnkuvi‑i vá, jee ñɨvɨ yukuán ví ya̱ ñúnúunꞌ‑u nuꞌuꞌ, jee kunu̱u̱nꞌ Tátáꞌ ni̱ꞌ maa, jee nuꞌuꞌ kunu̱u̱nꞌ ni̱ꞌ maa, jee stúvi ni̱ꞌ na̱sa iniꞌ ni̱ꞌ nu̱u̱nꞌ ñɨvɨ vá ―nkachiꞌ Jesús.

Juan 14:24

Jee ɨɨn ñɨvɨ ya̱ ntu̱ví ñúnúunꞌ‑u nuꞌuꞌ, jee ni ntu̱ví síkúnkuvi‑i tu̱ꞌun ni̱ꞌ. Jee rá tu̱ꞌun ya̱ tésóꞌo rán ya̱ káchíꞌ ni̱ꞌ, jee nsú tu̱ꞌun maáníꞌ kúvi‑i, chisaꞌ tu̱ꞌun maá Tátáꞌ ni̱ꞌ ya̱ nchu̱ichí re̱ꞌ nuꞌuꞌ kúvi rá tu̱ꞌun ya̱ káchíꞌ ni̱ꞌ.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

Juan 20:29

Jee nkachiꞌ Jesús nu̱u̱nꞌ re̱ꞌ: ―Tomás, ¿á jínúꞌ iniꞌ nú chi niniꞌ nú nuꞌuꞌ? Na̱ ka̱ꞌ netuꞌ ka̱ꞌ kúvi rá ñɨvɨ ya̱ ntu néꞌyá ráa nuꞌuꞌ jee kúneí iniꞌ ránuꞌuꞌ.

Juan 8:42

Saájee nkachiꞌ Jesús nu̱u̱nꞌ ráa: ―Jee retánꞌ Ndiosíꞌ kúvi re̱ꞌ Tátáꞌ rán, jee kunu̱u̱nꞌ rán nuꞌuꞌ nékúvi. Chi nuꞌuꞌ, jee ne̱ nu̱u̱nꞌ Ndiosíꞌ nkene ni̱ꞌ va̱ji ni̱ꞌ. Jee nsú jie̱ꞌe̱ꞌ nkuini maáníꞌ jee va̱ji ni, chisaꞌ maáréꞌ nta̱jí re̱ꞌ nuꞌuꞌ va̱ji ni̱ꞌ.

Hechos 16:34

Jee nkeꞌen re̱ꞌ ráa kua̱ꞌa̱nꞌ jín re̱ꞌ veꞌi re̱ꞌ. Njia̱ꞌa re̱ꞌ nyajiꞌ ráa. Jee nku̱sɨ̱ɨ̱ꞌ iniꞌ re̱ꞌ jín rá táꞌán veꞌi re̱ꞌ chi ni̱nu̱ꞌ iniꞌ ráa Ndiosíꞌ.

Romanos 14:17

Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

1 Corintios 16:22

Retú néni ɨɨn ñɨvɨ ntu ñúnúunꞌ‑u I̱toꞌoꞌ‑ó, ¡kosoni̱nu ñɨvɨ vá! ¡I̱toꞌoꞌ‑ó neꞌenꞌ!

2 Corintios 1:22

Jee suni ntaji Ndiosíꞌ Ta̱chi̱ꞌ Ííꞌ re̱ꞌ kɨꞌɨ‑ɨ iniꞌ ánímaꞌ‑ó. Yukuán vá kúvi seyúꞌ ya̱ ntee re̱ꞌ ya̱ stúvi re̱ꞌ ya̱ kúvi‑ó ñɨvɨ re̱ꞌ. Ta̱chi̱ꞌ Ííꞌ re̱ꞌ ví ya̱ táji ya̱chi̱ꞌ re̱ꞌ nu̱u̱nꞌ‑ó ya̱ stúvi ya̱ naáꞌ ya̱ ni̱ꞌi̱nꞌ‑ó nɨꞌɨ ta̱ꞌvi̱ꞌ ya̱ táji Ndiosíꞌ nu̱u̱nꞌ‑ó ichinúúnꞌ ka̱ꞌ.

2 Corintios 12:4

Nsiíyo Cristo re̱ꞌ ña̱ꞌa̱nꞌ re̱ꞌ nu̱u̱nꞌ antivɨ́. Jee yukuán nteso̱ꞌo re̱ꞌ rá tu̱ꞌun ya̱ ntu kúvi kachiꞌ ni ɨɨn ñɨvɨ maa, jee jíníi̱yo Ndiosíꞌ kachiꞌ ñɨvɨ maa.

2 Corintios 4:18

Ntu tɨ́ɨn kuéntáꞌ‑ó rá túvi néꞌyá‑ó ñɨ̱vɨ́ yaꞌá. Chisaꞌ tɨ́ɨn kuéntáꞌ‑ó ya̱ viiꞌ kúñáꞌnú ka̱ꞌ ya̱ ntu túvi néꞌyá‑ó. Chi ya̱ túvi néꞌyá‑ó tiñu núún ni ví‑i. Soo rá tiñu ya̱ ntu̱ví túvi nijinꞌ néꞌyá‑ó, jee suvi‑i ví ya̱ koo nɨ́ɨ́nkání.

2 Corintios 5:7

Chi níkɨ́nꞌ‑ó jiáꞌnu‑ó sáni kuíni re̱ꞌ jie̱ꞌe̱ꞌ kúneí iniꞌ‑ó re̱ꞌ, jee nsú jie̱ꞌe̱ꞌ ya̱ túvi néꞌyá‑ó ñɨ̱vɨ́ yaꞌá.

2 Corintios 9:15

¡Kútaꞌviꞌ‑ó nu̱u̱nꞌ Ndiosíꞌ!, chi ntaji re̱ꞌ nu̱u̱nꞌ‑ó ɨɨn ta̱ꞌvi̱ꞌ maá ñáꞌnú nasɨ́kuitɨꞌ ka̱ꞌ, ya̱ ntu níꞌínꞌ‑ó na̱ja kachiꞌ‑ó maa.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

Filipenses 1:25

Jee jíníꞌ na̱a̱ꞌ nijia ni̱ꞌ yaꞌá. Saáva jíníꞌ ni̱ꞌ, ya̱ kino̱o ni̱ꞌ kutekuꞌ ni̱ꞌ ka̱ꞌ jín nta̱ká rán, sáva sikuéꞌnu ni̱ꞌ ka̱ꞌ ránoꞌó sáva kuneí iniꞌ rán Jesús, jín sáva koo sɨ̱ɨ̱ꞌ ka̱ꞌ iniꞌ ánímaꞌ rán jie̱ꞌe̱ꞌ kúneí iniꞌ rán re̱ꞌ.

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

Filipenses 4:4

Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.

Hebreos 11:1

Soo vitan jee, ya̱ ínúꞌ iniꞌ‑ó kúneí iniꞌ‑ó Ndiosíꞌ, yukuán kúvi ya̱ kúnáaꞌ nijia iniꞌ‑ó ya̱ ni̱ꞌi̱nꞌ‑ó ntáká ya̱ íyó tu̱neí iniꞌ‑ó nétu‑ó ni̱ꞌi̱nꞌ‑ó ya̱ saꞌá Ndiosíꞌ jín‑ó. Jee suni yukuán kúvi ya̱ ne̱ yuchí kúkáꞌnú iniꞌ‑ó ya̱ íyó sú ntiáꞌan kuniꞌ jínúunꞌ‑ó maa vitan.

Hebreos 11:27

Jee jie̱ꞌe̱ꞌ ya̱ ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, jee nkene re̱ꞌ nu̱u̱nꞌ ñuunꞌ Egipto, jee ntu nyúꞌví re̱ꞌ ya̱ ki̱tɨ̱ꞌ iniꞌ te̱e tátúníꞌ Egipto, chi ni̱ñɨ ni̱ꞌin re̱ꞌ nsi̱kúnkuvi re̱ꞌ ya̱ nkachiꞌ Ndiosíꞌ kuéntáꞌ retánꞌ néꞌyá jínúunꞌ re̱ꞌ Ndiosíꞌ ya̱ ntu túvi kune̱ꞌyá‑ó.

1 Pedro 1:6

Jee jie̱ꞌe̱ꞌ vá ví ya̱ kusɨ̱ɨ̱ꞌ víꞌí iniꞌ rán, asúnika̱ꞌ sáá íyó koo tu̱nkuíꞌyáꞌ iniꞌ rán vitan jie̱ꞌe̱ꞌ kéꞌín tu̱nóꞌó táꞌánꞌ rán yakuꞌ ni tióꞌ.

1 Pedro 2:7

Jee nu̱u̱nꞌ ránoꞌó, ya̱ kúneí iniꞌ rán ínúꞌ iniꞌ rán re̱ꞌ, jee yɨ́yáꞌvi víꞌí‑i. Soo nu̱u̱nꞌ rá ñɨvɨ ya̱ ntu jínúꞌ iniꞌ ráa re̱ꞌ, jee káchíꞌ Ndiosíꞌ: Yu̱u̱ꞌ ya̱ nku̱ichi iniꞌ rá ñɨvɨ sáꞌá veꞌi, jee yu̱u̱ꞌ vá nkenta kúvi‑i máá yu̱u̱ꞌ máá ñáꞌnú ka̱ꞌ ya̱ jiáꞌa ku̱ꞌva.

1 Pedro 5:4

Saájee sáá nenta nijinꞌ maáréꞌ ya̱ néen kuéntáꞌ re̱ꞌ yó ya̱ kúñáꞌnú re̱ꞌ nu̱u̱nꞌ nɨꞌɨ rá te̱e néen kuéntáꞌ ráa rá ñɨvɨ Ndiosíꞌ, jee ni̱ꞌi̱nꞌ rán ta̱ꞌvi̱ꞌ taji re̱ꞌ nu̱u̱nꞌ rán ya̱ viiꞌ nasɨ́kuitɨꞌ kúñáꞌnú rán ya̱ ntu náánꞌ‑a.