1 Juan 5:7 - Mixteco del suroeste de Tlaxiaco Oaxaca

⁷ Chi [ne̱ antivɨ́ nu̱u̱nꞌ nééꞌ Ndiosíꞌ] íyó u̱ni̱ꞌ ya̱ jiáꞌa ráa ya̱ naáꞌ jie̱ꞌe̱ꞌ tu̱ꞌun yaꞌá: [máá Tátáꞌ‑ó Ndiosíꞌ, jín máá Jesús, ya̱ naní tu̱ꞌun vá, jín Ta̱chi̱ꞌ Ííꞌ re̱ꞌ. Jee ni núníꞌ ráa yaꞌá ɨɨn nuún ni jiáꞌa ráa ya̱ naáꞌ.]

1 Juan 5:7 ပူးပေါင်းရင်းမြစ်များ

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 18:16

Soo retú ntu̱ví íyó mániꞌ iniꞌ‑i kaníjiá‑a jie̱ꞌe̱ꞌ ya̱ káchíꞌ nú nu̱u̱nꞌ‑u, saájee kɨ̱ꞌɨ̱nꞌ nú jín ɨɨn áxí u̱vi̱ꞌ ñɨvɨ nu̱u̱nꞌ‑u, sáva koo u̱vi̱ꞌ áxí u̱ni̱ꞌ ñɨvɨ ya̱ naku̱ꞌva ráa ya̱ nááꞌ jie̱ꞌe̱ꞌ ntáká tu̱ꞌun ya̱ káꞌánꞌ nú jín‑i ya̱ íyó nijia si̱kɨ̱ꞌ‑i.

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Juan 1:1

Ne̱ xíꞌnañúꞌún ya̱ ne̱ ntiáꞌan kiko̱o ñɨ̱vɨ́, jee ya̱ íyó re̱ꞌ ya̱ kúvi re̱ꞌ Tu̱ꞌun. Jee maáréꞌ ya̱ kúvi re̱ꞌ Tu̱ꞌun ya̱ nééꞌ re̱ꞌ jín Ndiosíꞌ, jee maáréꞌ ya̱ kúvi Tu̱ꞌun vá kúvi re̱ꞌ Ndiosíꞌ.

Juan 10:30

Chi nuꞌuꞌ jín Tátáꞌ ni̱ꞌ, jee ɨɨn ni̱ꞌ kúvi ránꞌ ―nkachiꞌ Jesús.

Juan 12:28

Tátáꞌ ni̱ꞌ, stúvi nú ya̱ kúñáꞌnú nasɨ́kuitɨꞌ nú ―nkachiꞌ Jesús. Saájee nkiji ɨɨn ta̱chi̱yuꞌú ne̱ antivɨ́ súkún jee nkachiꞌ‑i: ―Ya nstúvi ni̱ꞌ ya̱ kúñáꞌnú nasɨ́kuitɨꞌ ni̱ꞌ jee tukuni stúvi ni̱ꞌ maa ―nkachiꞌ Ndiosíꞌ.

Juan 14:17

Máá Ta̱chi̱ꞌ Ííꞌ Ndiosíꞌ ví ya̱ chuichí re̱ꞌ, jee xínéꞌénꞌ‑e ya̱ naáꞌ jie̱ꞌe̱ꞌ Ndiosíꞌ. Jee rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ Ndiosíꞌ, jee ntu̱ví kúvi ni̱ꞌi̱nꞌ ráa maa, chi ntu̱ví néꞌyá nijinꞌ ráa maa, jee ni ntu̱ví jíníꞌ ráa iniꞌ‑i. Soo ránoꞌó chi ya̱ jíníꞌ rán iniꞌ‑i chi ya̱ íyó‑o jín rán jee kɨꞌɨ‑ɨ iniꞌ rán.

Juan 15:26

’Jee chuichí ni̱ꞌ ɨɨn ya̱ kiji re̱ꞌ ne̱ nu̱u̱nꞌ Tátáꞌ ni̱ꞌ, jee chineí chituvi re̱ꞌ nachuꞌun neí re̱ꞌ iniꞌ ánímaꞌ rán, jee suvire̱ꞌ kúvi Ta̱chi̱ꞌ Ííꞌ ya̱ xínéꞌénꞌ re̱ꞌ tu̱ꞌun na̱a̱ꞌ. Jee sáá kene re̱ꞌ ne̱ nu̱u̱nꞌ maá Tátáꞌ ni̱ꞌ kiji re̱ꞌ jee ku̱ꞌva re̱ꞌ ya̱ naáꞌ jie̱ꞌe̱ꞌ nuꞌuꞌ.

Juan 5:26

Chi kuéntáꞌ sáꞌá máá Tátáꞌ ni̱ꞌ ya̱ kutekuꞌ ñɨvɨ jín re̱ꞌ, jee ntaji re̱ꞌ ya̱ maáníꞌ saꞌá ya̱ kutekuꞌ ñɨvɨ.

Juan 8:18

Saáva nuꞌuꞌ ví ya̱ jiáꞌa ya̱ naáꞌ jie̱ꞌe̱ꞌ maáníꞌ. Jee Tátáꞌ ni̱ꞌ ya̱ nchu̱ichí re̱ꞌ nuꞌuꞌ ví ya̱ jiáꞌa re̱ꞌ ya̱ naáꞌ jie̱ꞌe̱ꞌ nuꞌuꞌ ―nkachiꞌ Jesús.

Juan 8:54

Saájee nna̱xiníkó Jesús: ―Retánꞌ nuꞌuꞌ nákuetúꞌún ni̱ꞌ maáníꞌ jee ntu̱náꞌ yɨ́yáꞌvi ya̱ nákuetúꞌún ni̱ꞌ maáníꞌ. Maá Tátáꞌ ni̱ꞌ kúvi ya̱ nákuetúꞌún re̱ꞌ nuꞌuꞌ. Jee maáréꞌ kúvi ya̱ káchíꞌ rán ya̱ Ndiosíꞌ rán kúvi re̱ꞌ.

Hechos 2:33

Saáva Ndiosíꞌ nxi̱náa re̱ꞌ Jesús nu̱u̱nꞌ kúñáꞌnú‑u ya̱ nééꞌ‑e ichi kuáꞌá re̱ꞌ. Jee Ndiosíꞌ, Tááꞌ Jesús, njia̱ꞌa re̱ꞌ tiñu nu̱u̱nꞌ Jesús ya̱ tetíñú‑u Ta̱chi̱ꞌ Ííꞌ, sáni nchi̱sóyuꞌú re̱ꞌ, sáva sikúténuun‑u Ta̱chi̱ꞌ Ííꞌ nu̱u̱nꞌ rá ñɨvɨ. Jee yaꞌá ví ya̱ néꞌyá rán jín ya̱ tésóꞌo rán.

Hechos 5:32

Jee ránuꞌuꞌ niniꞌ ránꞌ maa jee nástúvi ránꞌ ya̱ naáꞌ jie̱ꞌe̱ꞌ vá. Jee suni nástúvi Ta̱chi̱ꞌ Ííꞌ Ndiosíꞌ maa. Chi Ndiosíꞌ jiáꞌa re̱ꞌ Ta̱chi̱ꞌ Ííꞌ re̱ꞌ nu̱u̱nꞌ rá ñɨvɨ káníjiá ráa re̱ꞌ ―nkachiꞌ Pedro jín rá inka apóstol chúichí Ndiosíꞌ.

2 Corintios 13:14

Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús ya̱ kúvi Cristo kune̱ꞌyá re̱ꞌ nta̱ká ránoꞌó, jín ya̱ kunu̱u̱nꞌ Ndiosíꞌ nta̱ká rán, jín ya̱ koo nkáꞌnú Ta̱chi̱ꞌ Ííꞌ Ndiosíꞌ jín rán. Sukuán koo. Amén.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

1 Juan 5:6

Jee suvire̱ꞌ kúvi Jesús ya̱ nkiji re̱ꞌ jee túvi ya̱ kúvi re̱ꞌ Cristo sáá ña̱nuté re̱ꞌ jín nute, jee ñatɨ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ nu̱u̱nꞌ kurúsiꞌ jie̱ꞌe̱ꞌ‑ó. Jee nsáꞌ kua̱chi kuitɨꞌ ña̱nuté re̱ꞌ jín nute, chisaꞌ suni ñatɨ ni̱ñɨ̱ꞌ re̱ꞌ nu̱u̱nꞌ kurúsiꞌ. Jee máá Ta̱chi̱ꞌ Ííꞌ Ndiosíꞌ ví ya̱ jiáꞌa ya̱ naáꞌ jie̱ꞌe̱ꞌ yaꞌá, chi mánitu̱ꞌun íyó na̱a̱ꞌ ñúꞌún iniꞌ re̱ꞌ.

1 Juan 5:8

Jee íyó u̱ni̱ꞌ iniꞌ ñɨ̱vɨ́ yaꞌá ya̱ jiáꞌa ráa ya̱ naáꞌ ya̱ máá Se̱ꞌya Ndiosíꞌ ví Jesús: máá Ta̱chi̱ꞌ Ííꞌ Ndiosíꞌ, jín nute ya̱ ña̱nuté Jesús, jín ni̱ñɨ̱ꞌ re̱ꞌ ya̱ ñatɨ‑ɨ. Jee ni núníꞌ ráa yaꞌá ɨɨn nuún ni jiáꞌa ráa ya̱ naáꞌ.

Apoclipsis 19:13

Jee ñúꞌún re̱ꞌ ɨɨn saꞌma nñu̱náji ni̱ñɨ̱ꞌ, jee naní re̱ꞌ Tu̱ꞌun Ndiosíꞌ.