1 Juan 4:17 - Mixteco del suroeste de Tlaxiaco Oaxaca

¹⁷ Jee jín yaꞌá jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó, sáva ne̱ yuchí kúkáꞌnú iniꞌ‑ó ki̱vɨ̱ꞌ keꞌneꞌ re̱ꞌ kua̱chi ñɨvɨ ñɨ̱vɨ́, chi sáni jiáꞌnu Jesús, suꞌva jiáꞌnu‑ó ñɨ̱vɨ́ yaꞌá.

1 Juan 4:17 ပူးပေါင်းရင်းမြစ်များ

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Mateo 11:22

Soo káchíꞌ ni̱ꞌ nu̱u̱nꞌ ránoꞌó ya̱ ki̱vɨ̱ꞌ kiji keꞌneꞌ Ndiosíꞌ rá kua̱chi, sú kunoꞌo nasɨ́kuitɨꞌ rá ñɨvɨ ñuunꞌ Tiro jín Sidón soo kunoꞌo ráa yakuꞌ ka̱ꞌ nsú káꞌ kua̱ꞌ xe̱e̱nꞌ nasɨ́kuitɨꞌ ka̱ꞌ kunoꞌo ránoꞌó ñɨvɨ ñuunꞌ Corazín jín Betsaida.

Mateo 11:24

Soo káchíꞌ ni̱ꞌ nu̱u̱nꞌ ránoꞌó ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ Capernaum ―nkachiꞌ Jesús.

Mateo 12:36

Soo káchíꞌ ni̱ꞌ nu̱u̱nꞌ rán ki̱vɨ̱ꞌ koo juiciúꞌ jee naku̱ꞌva ñɨvɨ kuéntáꞌ jie̱ꞌe̱ꞌ ntáká tu̱ꞌun nékáíyó káꞌánꞌ‑a.

Juan 15:20

’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó.

Juan 17:22

Jee suni kuéntáꞌ ntaji nú tiñu kúñáꞌnú nu̱u̱nꞌ nuꞌuꞌ, jee suni sukuán njia̱ꞌa ni tiñu kúñáꞌnú nu̱u̱nꞌ ráa kuniso ráa, sáva ɨɨn ni kuvi ráa, kuéntáꞌ maánú jín nuꞌuꞌ.

Romanos 8:29

Chi rá ñɨvɨ vá ya̱ jíníꞌ ya̱chi̱ꞌ re̱ꞌ nka̱ji ya̱chi̱ꞌ re̱ꞌ nékúvi, jee sunisaá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ kuneen ráa iniꞌ Se̱ꞌya re̱ꞌ, sáva kuvi‑i Se̱ꞌya ñáꞌnú ya̱ kosoꞌ‑o nu̱u̱nꞌ kue̱ꞌe̱ꞌ ñaniꞌ‑i jín ku̱ꞌva‑a.

Hebreos 9:27

Jee sukuán kuéntáꞌ kua̱ꞌ saá íyó va̱ji ya̱ níní kuviꞌ rá ñɨvɨ ɨɨn ni íchí, jee kuíre suni kiji tiñu ya̱ keꞌneꞌ Ndiosíꞌ kua̱chi.

Santiago 2:13

Chi ki̱vɨ̱ꞌ sanáaꞌ re̱ꞌ kua̱chi, jee nsáꞌ kunáꞌví iniꞌ re̱ꞌ kune̱ꞌyá re̱ꞌ ñɨvɨ ya̱ ntu nkúnáꞌví iniꞌ‑i nne̱ꞌyá‑a ñanitáꞌán‑a. Jee ñɨvɨ ya̱ nku̱náꞌví iniꞌ nne̱ꞌyá‑a ñanitáꞌán‑a jee kusɨ̱ɨ̱ꞌ iniꞌ‑i ya̱ kunáꞌví iniꞌ re̱ꞌ kune̱ꞌyá re̱ꞌ maa ki̱vɨ̱ꞌ sanáaꞌ re̱ꞌ kua̱chi.

Santiago 2:22

Jee jíníꞌ nú, ya̱ kúneí iniꞌ Abraham Ndiosíꞌ ví ya̱ nsa̱ꞌá‑a ya̱ saꞌá re̱ꞌ tiñu váꞌa. Jee jie̱ꞌe̱ꞌ tiñu váꞌa nsa̱ꞌá re̱ꞌ nchu̱chítú ya̱ jíjia iniꞌ re̱ꞌ kúneí iniꞌ re̱ꞌ Ndiosíꞌ.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

2 Pedro 3:7

Soo súkún jín ñɨ̱vɨ́ íyó vitan, jee jín máá tu̱ꞌun yuꞌuꞌ Ndiosíꞌ ya̱ ya íyó tu̱ꞌva tatúníꞌ re̱ꞌ sáva ka̱yu̱ꞌ ráa ki̱vɨ̱ꞌ sanáaꞌ re̱ꞌ kua̱chi jee xináánꞌ re̱ꞌ rá ñɨvɨ ya̱ ntu níkɨ́nꞌ ráa ichi Ndiosíꞌ.

1 Juan 2:28

Jee vitan ra, ránoꞌó ya̱ kúvi rán kuéntáꞌ se̱ꞌya ni̱ꞌ, kino̱o kutú rán kɨꞌɨ rán nu̱u̱nꞌ Cristo sáva sáá kitu̱vi re̱ꞌ sáá niji re̱ꞌ ñɨ̱vɨ́ yaꞌá, jee kuneí iniꞌ‑ó kuiñɨ‑ó ichinúúnꞌ re̱ꞌ, jee nkúkanuun‑ó nu̱u̱nꞌ re̱ꞌ sáá niji re̱ꞌ.

1 Juan 2:5

Soo néni ɨɨn ñɨvɨ ya̱ síkúnkuvi ráa tu̱ꞌun re̱ꞌ, jee ñɨvɨ yaꞌá máá naáꞌ nijia ya̱ nijia iniꞌ ráa ñúnúunꞌ ráa Ndiosíꞌ, jee jie̱ꞌe̱ꞌ yaꞌá jíníꞌ‑ó ya̱ yɨ́ꞌɨ́‑ó nu̱u̱nꞌ re̱ꞌ.

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

1 Juan 3:1

Kune̱ꞌyá rán ya̱ na̱ka̱ꞌ váꞌ ñúnúunꞌ ka̱ꞌ Tátáꞌ‑ó Ndiosíꞌ yó ya̱ se̱ꞌya re̱ꞌ káꞌánꞌ re̱ꞌ yó, jee suvi kúvi nijia‑ó. Jee rá ñɨvɨ jiáꞌnu ñujiínꞌ ñɨ̱vɨ́ yaꞌá ntu̱ví tɨ́ɨn kuéntáꞌ ráa ya̱ kúvi‑ó se̱ꞌya Ndiosíꞌ, chi ntu jíníꞌ ráa re̱ꞌ.

1 Juan 3:3

Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.

1 Juan 3:7

Ránoꞌó, ya̱ kúvi kuéntáꞌ se̱ꞌya ni̱ꞌ, koto jiáꞌa rán xináꞌví ni ɨɨn ñɨvɨ ránoꞌó, chi ñɨvɨ ya̱ sáꞌá náaꞌ jee ñɨvɨ na̱a̱ꞌ kúvi‑i, kuéntáꞌ na̱a̱ꞌ maáréꞌ.

1 Juan 4:12

Ni ɨɨn ñɨvɨ ni ntiáꞌan né kuniꞌ kuitɨꞌ‑ɨ Ndiosíꞌ. Soo nu̱u̱nꞌ ñúnúunꞌ‑ó ɨɨn inka táꞌán‑ó, jee kínóo kutú Ndiosíꞌ yɨ́ꞌɨ́‑ɨ iniꞌ yó, jee sáꞌá re̱ꞌ ya̱ jíjia iniꞌ‑ó jín tu̱ꞌun ñúnúunꞌ ñúꞌún iniꞌ‑ó vá.