1 Juan 3:22 - Mixteco del suroeste de Tlaxiaco Oaxaca

²² jee suni na̱ni kúvi ya̱ ka̱ka̱nꞌ‑ó nu̱u̱nꞌ re̱ꞌ, jee ni̱ꞌi̱nꞌ‑ó maa nu̱u̱nꞌ re̱ꞌ, chi síkúnkuvi‑ó ya̱ tátúníꞌ re̱ꞌ, chi sáꞌá‑ó ya̱ kúváꞌa iniꞌ re̱ꞌ néꞌyá re̱ꞌ maa.

1 Juan 3:22 ပူးပေါင်းရင်းမြစ်များ

Mateo 17:5

Jee ni káꞌánꞌ i̱i̱ꞌ ka̱ꞌ Pedro, jee nkenta vi̱ko̱ꞌ maa jiánu̱te̱ꞌ kuéntáꞌ íyó nuva ñuꞌunꞌ ñasɨꞌ‑ɨ ráa, jee nu̱u̱nꞌ vi̱ko̱ꞌ vá nkene ɨɨn ta̱chi̱yuꞌú, jee káchíꞌ‑i: ―Yaꞌá ví Se̱ꞌya ni̱ꞌ jee ñúnúunꞌ ni̱ꞌ re̱ꞌ, jee kúváꞌa iniꞌ ni̱ꞌ néꞌyá ni̱ꞌ re̱ꞌ. Tɨɨn kuéntáꞌ ñáꞌnú rá tu̱ꞌun káchíꞌ re̱ꞌ ―nkachiꞌ nusuyuꞌú vá.

Mateo 21:22

Jee ntáká ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, jee i̱nu̱ꞌ iniꞌ rán jee ni̱ꞌi̱nꞌ rán maa ―nkachiꞌ Jesús.

Marcos 11:24

Káchíꞌ ni̱ꞌ nu̱u̱nꞌ rán ya̱ nɨꞌɨ ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, i̱nu̱ꞌ iniꞌ rán ya̱ ya nni̱ꞌi̱nꞌ rán maa, jee ni̱ꞌi̱nꞌ rán maa.

Juan 14:13

Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

Juan 15:10

Jee retú ñúꞌún iniꞌ rán ya̱ sikúnkuvi rán rá tu̱ꞌun ya̱ tátúníꞌ ni̱ꞌ, jee sukuán kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó, sánikua̱ꞌ ñúꞌún iniꞌ ni̱ꞌ síkúnkuvi ni̱ꞌ rá tu̱ꞌun ya̱ nta̱túníꞌ Tátáꞌ ni̱ꞌ nu̱u̱nꞌ ni̱ꞌ, jee kínóo kutú ni̱ꞌ íñɨ́ ni̱ꞌin ni̱ꞌ nu̱u̱nꞌ tu̱ꞌun ñúnúunꞌ re̱ꞌ nuꞌuꞌ.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

Juan 6:29

Jee nna̱xiníkó Jesús nu̱u̱nꞌ ráa, jee nkachiꞌ re̱ꞌ: ―Tiñu Ndiosíꞌ ví ya̱ kuneí iniꞌ rán nuꞌuꞌ, ya̱ nchu̱ichí re̱ꞌ va̱ji ni̱ꞌ ―nkachiꞌ Jesús.

Juan 8:29

Jee Tátáꞌ ni̱ꞌ ya̱ nta̱jí re̱ꞌ nuꞌuꞌ jee íyó re̱ꞌ jín ni̱ꞌ. Jee ntu̱ví nxínóo métúꞌún re̱ꞌ nuꞌuꞌ chi sukuáni sáꞌá ni̱ꞌ tiñu ya̱ táꞌánꞌ iniꞌ re̱ꞌ néꞌyá re̱ꞌ maa ―nkachiꞌ Jesús.

Juan 9:31

Jee jíníꞌ‑ó ya̱ Ndiosíꞌ ntu̱ví tɨ́ɨn kuéntáꞌ re̱ꞌ rá tu̱ꞌun jíkánꞌ táꞌvíꞌ rá ñɨvɨ íyó kua̱chi nu̱u̱nꞌ re̱ꞌ. Soo retú ɨɨn ñɨvɨ ya̱ ñúyúꞌví iniꞌ‑i Ndiosíꞌ, jee retú saꞌá‑a ya̱ sáni kuíni re̱ꞌ, saájee tɨ́ɨn kuéntáꞌ re̱ꞌ maa.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Filipenses 4:18

Saájee nni̱ꞌi̱nꞌ ni̱ꞌ nɨꞌɨ ya̱ jíniñúꞌún ni̱ꞌ, jee kínóo ka̱ꞌ nu̱u̱nꞌ ni̱ꞌ. Íyó kue̱ꞌe̱ꞌ nu̱u̱nꞌ ni̱ꞌ, chi nni̱ꞌi̱nꞌ ni̱ꞌ ya̱ váji jín Epafrodito ya̱ ntaji rán nu̱u̱nꞌ ni̱ꞌ. Ya̱ ntaji rán nu̱u̱nꞌ ni̱ꞌ íyó kuéntáꞌ su̱jie ííꞌ jiáꞌánꞌ vi̱xi̱ꞌ ya̱ sókóꞌ rán nu̱u̱nꞌ Ndiosíꞌ. Chi ya̱ ntaji rán nu̱u̱nꞌ ni̱ꞌ kúvi ya̱ nso̱ko̱ꞌ rán nu̱u̱nꞌ re̱ꞌ, jee tɨ́ɨn kuéntáꞌ re̱ꞌ maa, chi kúváꞌa iniꞌ re̱ꞌ néꞌyá re̱ꞌ maa.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

Hebreos 13:21

Jee na̱ ka̱ꞌ sikújia Ndiosíꞌ iniꞌ rán saꞌá tu̱ꞌva re̱ꞌ ránoꞌó ntáká tiñu váꞌa sáva saꞌá rán sáni kuíni re̱ꞌ, chi sáꞌá re̱ꞌ iniꞌ‑ó tiñu kúváꞌa iniꞌ re̱ꞌ néꞌyá re̱ꞌ maa, jie̱ꞌe̱ꞌ ya̱ sáꞌá Jesucristo jín‑ó. Jee maáa vá nakuetúꞌún‑ó nɨ́ɨ́nkání ya̱ kúñáꞌnú víꞌí‑i ntáká tiempúꞌ. Sukuán koo, amén.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Santiago 4:3

Jee sáá jíkánꞌ rán maa nu̱u̱nꞌ re̱ꞌ, ntu níꞌínꞌ rán maa, chi jie̱ꞌe̱ꞌ ya̱ niváꞌa jiáni iniꞌ rán jíkánꞌ rán maa, chi jíkánꞌ rán maa sáva kuatíñú rán maa nu̱u̱nꞌ ya̱ sɨ́ɨ́ꞌ níyo iniꞌ rán.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.

1 Juan 2:3

Nu̱u̱nꞌ síkúnkuvi‑ó rá tiñu tátúníꞌ re̱ꞌ, jee suꞌva kukáꞌnú nijia iniꞌ‑ó ya̱ ma̱ni̱ꞌ‑ó jín Ndiosíꞌ.

1 Juan 5:14

Jee kúneí iniꞌ‑ó Ndiosíꞌ ya̱ retú jíkánꞌ‑ó na̱ni kúvi nu̱u̱nꞌ re̱ꞌ, ya̱ kúvi sánikua̱ꞌ kuíni re̱ꞌ, jee tésóꞌo ñáꞌnú re̱ꞌ maa.