1 Juan 3:20 - Mixteco del suroeste de Tlaxiaco Oaxaca

²⁰ Chi retú ñúꞌún kua̱chi iniꞌ ánímaꞌ‑ó, soo kúñáꞌnú ka̱ꞌ ví Ndiosíꞌ nu̱u̱nꞌ ánímaꞌ‑ó, ya̱ kunekáꞌnú iniꞌ re̱ꞌ ka̱ꞌ yó, jee jíníꞌ re̱ꞌ nɨꞌɨ.

1 Juan 3:20 ပူးပေါင်းရင်းမြစ်များ

Juan 21:17

Jee ya̱ uníꞌ íchí nkachiꞌ re̱ꞌ nu̱u̱nꞌ Pedro: ―Simón, se̱ꞌya Jonás, ¿á ñúnúunꞌ nú nuꞌuꞌ? Jee nnu̱kuéká víꞌí iniꞌ Pedro chi ya̱ uníꞌ íchí ni̱ka̱tu̱ꞌún re̱ꞌ maa: “¿Á ñúnúunꞌ nú nuꞌuꞌ?”, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, noꞌó jíníꞌ nú nɨꞌɨ, noꞌó jíníꞌ ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí nú rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi ráa kuéntáꞌ rá lanchi ni̱ꞌ.

Juan 8:9

Soo sáá nteso̱ꞌo ráa rá tu̱ꞌun nkachiꞌ re̱ꞌ yaꞌá, jee ta ɨɨn ta ɨɨn ráa nkene ráa kua̱ꞌa̱nꞌ ráa, jee xíꞌna ka̱ꞌ rá ñɨvɨ ñáꞌnú ka̱ꞌ nkene, jee nkene ka̱ꞌ rá inka ya̱ nekuaꞌ nɨꞌɨ ráa nkene ráa kua̱ꞌa̱nꞌ ráa, jee métúꞌún ni ka̱ꞌ Jesús nkino̱o re̱ꞌ jín ñaꞌan vá ya̱ íñɨ́ ña ma̱ꞌñú rá ñɨvɨ.

Hechos 5:33

Sáá nteso̱ꞌo rá te̱e Justicia rá tu̱ꞌun vá, jee nsa̱a̱ꞌ nasɨ́kuitɨꞌ xi̱ni̱ꞌ ráa, jee nkuini ráa kaꞌniꞌ ráa rává.

Romanos 8:34

¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ.

1 Corintios 4:4

Chi jíníꞌ ni̱ꞌ ya̱ ntu̱náꞌ kua̱chi ni̱ꞌ íyó jín tiñu sáꞌá ni̱ꞌ, soo nsú jín nu̱u̱nꞌ yukuán kúvi ya̱ kino̱o na̱a̱ꞌ ni̱ꞌ nu̱u̱nꞌ Ndiosíꞌ, chi maá I̱toꞌoꞌ‑ó kúvi ya̱ sanáaꞌ jie̱ꞌe̱ꞌ nuꞌuꞌ.

Tito 3:11

Chi jíníꞌ nú ya̱ ñɨvɨ suꞌva stívɨ́‑ɨ maáa, jín ya̱ sáꞌá‑a kua̱chi, jee maáa sáꞌá kini maáa.

Hebreos 4:13

Jee ni ntu̱né íyó ni ɨɨn ya̱ nsa̱ꞌá Ndiosíꞌ ya̱ ntu túvi nijinꞌ nu̱u̱nꞌ re̱ꞌ, chisaꞌ nɨꞌɨ kuitɨꞌ núne ráa nu̱u̱nꞌ re̱ꞌ chi túvi nijinꞌ‑i néꞌyá maáréꞌ, ya̱ nu̱u̱nꞌ re̱ꞌ naku̱ꞌva‑ó kuéntáꞌ nɨꞌɨ ya̱ sáꞌá‑ó.

Hebreos 6:13

Chi sáá nchi̱sóyuꞌú Ndiosíꞌ nu̱u̱nꞌ Abraham, jee nsa̱náaꞌ re̱ꞌ nu̱u̱nꞌ tu̱ꞌun káchíꞌ re̱ꞌ nu̱u̱nꞌ súví maáréꞌ ya̱ naáꞌ kúvi‑i, chi ntu̱ví íyó inka ka̱ꞌ máá kúñáꞌnú ka̱ꞌ nsú káꞌ maáréꞌ.

1 Juan 3:19

Jie̱ꞌe̱ꞌ yaꞌá kuniꞌ‑ó ya̱ íñɨ́‑ó jín tu̱ꞌun na̱a̱ꞌ, jín jie̱ꞌe̱ꞌ yaꞌá suꞌva íyó kutú va̱ꞌa ánímaꞌ‑ó ichinúúnꞌ re̱ꞌ.

1 Juan 3:21

Ránoꞌó ya̱ ñúnúunꞌ ni̱ꞌ, retú ntu ñúꞌún kua̱chi iniꞌ ánímaꞌ‑ó, saájee kúneí iniꞌ‑ó ichinúúnꞌ Ndiosíꞌ,

1 Juan 4:4

Ránoꞌó ya̱ kúvi kuéntáꞌ se̱ꞌya ni̱ꞌ, kúvi rán ñɨvɨ Ndiosíꞌ. Jee nku̱neí rán jín rá ñɨvɨ xínáꞌví vá, ya̱ ntu xínáꞌví ráa ránoꞌó, chi máá kúñáꞌnú ka̱ꞌ ví Ta̱chi̱ꞌ Ííꞌ Ndiosíꞌ ya̱ yɨ́ꞌɨ́ iniꞌ ánímaꞌ ránoꞌó, nsú káꞌ ta̱chi̱ꞌ kúneí jín rá ñɨvɨ yɨ́ꞌɨ́ ñujiínꞌ ñɨ̱vɨ́ yaꞌá.

Apoclipsis 2:23

Jee kaꞌniꞌ ni̱ꞌ rá se̱ꞌya ña. ’Saájee ntáká rá grupo rá ñɨvɨ kúneí iniꞌ ráa nuꞌuꞌ, jee kukáꞌnú iniꞌ ráa ya̱ nuꞌuꞌ ví ya̱ kávii kuitɨꞌ jíníꞌ ni̱ꞌ nɨꞌɨ ya̱ jiáni iniꞌ antúníꞌ ñɨvɨ jín nɨꞌɨ ya̱ ñúꞌún ánímaꞌ ñɨvɨ. Jee naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ na̱ja kua̱ꞌ sáni tiñu ya̱ nsa̱ꞌá ráa.