1 Juan 3:16 - Mixteco del suroeste de Tlaxiaco Oaxaca

¹⁶ Suꞌva jee jíníꞌ‑ó na̱sa kúvi ya̱ tu̱ꞌun kunu̱u̱nꞌ‑ó, chi Jesús nna̱sokoꞌ re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Jee suni suꞌva maáó ni ka̱ꞌ íyó nasokoꞌ‑ó maáó jie̱ꞌe̱ꞌ rá ñanitáꞌán‑ó ya̱ kúneí iniꞌ ráa Jesús, sú kuviꞌ‑ó.

1 Juan 3:16 ပူးပေါင်းရင်းမြစ်များ

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Juan 10:11

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Chi te̱e ya̱ náka va̱ꞌa re̱ꞌ rá lanchi re̱ꞌ asúnika̱ꞌ ne̱ kuviꞌ re̱ꞌ jie̱ꞌe̱ꞌ rátíꞌ ya̱ náka va̱ꞌa re̱ꞌ rátíꞌ.

Juan 10:15

Kuéntáꞌ Tátáꞌ ni̱ꞌ, chi jíníꞌ va̱ꞌa re̱ꞌ iniꞌ nuꞌuꞌ, jee suni jíníꞌ ni̱ꞌ iniꞌ Tátáꞌ ni̱ꞌ. Jee ku̱ꞌva ni̱ꞌ maáníꞌ kuviꞌ ni̱ꞌ sáva sikáku ni̱ꞌ rá ñɨvɨ ni̱ꞌ ya̱ kúvi ráa kuéntáꞌ lanchi ni̱ꞌ.

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Juan 3:16

’Chi na̱ ka̱ꞌ vá ñúnúunꞌ ka̱ꞌ Ndiosíꞌ ñɨvɨ ñɨ̱vɨ́, saáva njia̱ꞌa re̱ꞌ Se̱ꞌya métúꞌún re̱ꞌ nkiji‑i, sáva nta̱ká rá ñɨvɨ ya̱ kúneí iniꞌ ráa maa, jee nsáꞌ kɨ̱naanꞌ ráa, chisaꞌ kutekuꞌ ráa nɨ́ɨ́nkání jín re̱ꞌ.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

Romanos 16:4

Njia̱ꞌa ráa maáráa jie̱ꞌe̱ꞌ nuꞌuꞌ súka̱ꞌ kuviꞌ ráa, nékúvi. Jee nsú kua̱chi kuitɨꞌ maáníꞌ vá jiáꞌa ya̱ kútaꞌviꞌ ni̱ꞌ nu̱u̱nꞌ ráa, chisaꞌ suni jiáꞌa ya̱ kútaꞌviꞌ ne̱ nta̱ká rá ñɨvɨ yɨ́ꞌɨ́ ráa nu̱u̱nꞌ Cristo ya̱ ntu kúvi ráa ñɨvɨ Israel ya̱ kútútú ráa ntáká rá ñuunꞌ.

Romanos 5:8

Soo stúvi Ndiosíꞌ ya̱ ñúnúunꞌ re̱ꞌ yó, chi ni̱ꞌi̱ꞌ Cristo jie̱ꞌe̱ꞌ‑órán ne̱ sáá kúvi i̱i̱ꞌ‑ó ñɨvɨ kua̱chi.

2 Corintios 4:12

Saájee sátíñú re̱ꞌ iniꞌ ránuꞌuꞌ sáva ɨɨn ni íyó iniꞌ ránꞌ kuviꞌ ránꞌ jie̱ꞌe̱ꞌ tiñu sáꞌá ránꞌ nu̱u̱nꞌ re̱ꞌ, soo jie̱ꞌe̱ꞌ yaꞌá satíñú re̱ꞌ iniꞌ ránú níꞌínꞌ rán kutekuꞌ rán nɨ́ɨ́nkání jín re̱ꞌ.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Efesios 5:25

Jee rá te̱e ya̱ kúvi yɨɨ́, íyó kunu̱u̱nꞌ ráa ñasɨ́ꞌɨ́ ráa, kuéntáꞌ kua̱ꞌ nñunu̱u̱nꞌ Cristo yó ya̱ kúneí iniꞌ‑ó re̱ꞌ, jee nna̱ku̱ꞌva re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó.

Filipenses 2:17

Retú kaꞌniꞌ rá ñɨvɨ Roma nuꞌuꞌ, suꞌva nasokoꞌ ni̱ꞌ maáníꞌ nu̱u̱nꞌ Ndiosíꞌ. Jee suꞌva sikétáꞌán ni̱ꞌ maáníꞌ jín ya̱ násokoꞌ rán maárán nu̱u̱nꞌ re̱ꞌ, ya̱ sáꞌá rán tiñu re̱ꞌ chi kúneí iniꞌ rán re̱ꞌ. Saáva sú kaꞌniꞌ ráa nuꞌuꞌ, jee sɨ̱ɨ̱ꞌ koo iniꞌ ánímaꞌ ni̱ꞌ, jee kúsɨ́ɨꞌ iniꞌ ni̱ꞌ jín nta̱ká rán.

Filipenses 2:30

Chi jie̱ꞌe̱ꞌ tiñu Cristo, nkenta re̱ꞌ ya̱ yatin kuviꞌ re̱ꞌ. Chi ñeꞌneꞌ iniꞌ re̱ꞌ kuviꞌ re̱ꞌ, sáva ñasɨꞌ re̱ꞌ nu̱u̱nꞌ rán jín tiñu chi nchi̱neí re̱ꞌ nuꞌuꞌ ya̱ ntu kúvi saꞌá rán jín nuꞌuꞌ.

1 Tesalonicenses 2:8

Na̱ ka̱ꞌ ñunkúún víꞌí iniꞌ ránꞌ néꞌyá ránꞌ ka̱ꞌ ránoꞌó, jee kúváꞌa víꞌí iniꞌ ránꞌ táji ránꞌ nu̱u̱nꞌ ránoꞌó tu̱ꞌun váꞌa Ndiosíꞌ. Jee nsú kua̱chi ntaji ránꞌ tu̱ꞌun vá ni, chi suni nku̱sɨ̱ɨ̱ꞌ víꞌí iniꞌ ránꞌ nneeꞌ ránꞌ jín ránoꞌó jee nchi̱neí táꞌán ránꞌ jín ránoꞌó. Chi nkenta ñúnúunꞌ ránꞌ ránoꞌó.

Tito 2:13

Jee síkújia re̱ꞌ iniꞌ‑ó kueꞌnu‑ó suꞌva ni nétu‑ó ki̱vɨ̱ꞌ ya̱ nikó Jesucristo, ya̱ na̱ ka̱ꞌ netuꞌ ka̱ꞌ kúvi‑ó, ya̱ íyó tu̱neí iniꞌ‑ó. Jee ne̱ tu̱u̱nꞌ nasɨ́kuitɨꞌ tu̱vi re̱ꞌ sáá nikó re̱ꞌ, chi Ndiosíꞌ máá ñáꞌnú nu̱u̱nꞌ nɨꞌɨ ví re̱ꞌ, jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

1 Pedro 1:18

Chi ya̱ jíníꞌ rán ya̱ nchu̱náán Ndiosíꞌ sáva nsi̱káku re̱ꞌ ránoꞌó nna̱kani núne re̱ꞌ ránoꞌó nu̱u̱nꞌ rá ñujiínꞌ ka̱ꞌá ñaꞌnu rán nékúvi ya̱ nchuꞌun rá tátáꞌ rán maárán. Soo nsú jín nantíñú ya̱ kɨ̱naanꞌ kuéntáꞌ oro áxí plata nchu̱náán re̱ꞌ sáva nna̱kani núne re̱ꞌ ránoꞌó,

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

1 Pedro 3:18

Chi suni íyó nijia ya̱ Cristo nnoꞌo re̱ꞌ jee ɨɨn íchíni ni̱ꞌi̱ꞌ re̱ꞌ nchu̱náán re̱ꞌ nu̱u̱nꞌ rá kua̱chi rá ñɨvɨ íyótiñu‑u nɨ́ɨ́nkání. Súka̱ꞌ te̱e na̱a̱ꞌ kúvi re̱ꞌ ntu kuáchi re̱ꞌ, soo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rá ñɨvɨ ya̱ ntu kúvi ñɨvɨ na̱a̱ꞌ, sáva na̱siáꞌa re̱ꞌ yó nu̱u̱nꞌ Ndiosíꞌ. Jee súka̱ꞌ ni̱ꞌi̱ꞌ nijia re̱ꞌ sáá ntekuꞌ re̱ꞌ jín yɨkɨkúñu re̱ꞌ, soo nna̱tekuꞌ i̱i̱ꞌ tuku re̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

1 Juan 2:9

Jee ñɨvɨ ya̱ káchíꞌ ya̱ íñɨ́‑ɨ nu̱u̱nꞌ túúnꞌ ñuꞌunꞌ re̱ꞌ, soo táꞌvi iniꞌ‑i néꞌyá‑a ñanitáꞌán‑a ya̱ kúneí iniꞌ vá Jesús, jee ñɨvɨ vá íñɨ́ i̱i̱ꞌ nu̱u̱nꞌ neenꞌ ne̱ vitan.

Apoclipsis 1:5

Jee Jesús ya̱ kúvi Cristo síkúnkuvi na̱a̱ꞌ re̱ꞌ ya̱ jiáꞌa re̱ꞌ ya̱ naáꞌ jie̱ꞌe̱ꞌ Ndiosíꞌ. Jee xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jee nkene re̱ꞌ nteñu rá níyɨ, kuéntáꞌ se̱ꞌya nkaku xíꞌnañúꞌún ya̱ kúñáꞌnú ka̱ꞌ. Jee kúñáꞌnú re̱ꞌ tátúníꞌ re̱ꞌ nu̱u̱nꞌ ntáká rá te̱e tátúníꞌ iniꞌ ñɨ̱vɨ́ yaꞌá. Jee maáréꞌ ví ya̱ ñúnúunꞌ re̱ꞌ yó, chi ñatɨ re̱ꞌ ni̱ñɨ̱ꞌ re̱ꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi yó, jee nna̱kani núne re̱ꞌ yó nu̱u̱nꞌ kua̱chi‑ó.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.