1 Juan 3:11 - Mixteco del suroeste de Tlaxiaco Oaxaca

¹¹ Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.

1 Juan 3:11 ပူးပေါင်းရင်းမြစ်များ

Juan 13:4

Jee sáá nkuvi nku̱xíní, jee nna̱kuiñɨꞌ re̱ꞌ, jee nxi̱tá re̱ꞌ saꞌma níji re̱ꞌ, jee nkeꞌen re̱ꞌ ɨɨn saꞌma xínáchi jee niꞌniꞌ re̱ꞌ maa chi̱ji re̱ꞌ.

Juan 15:12

Jee yaꞌá kúvi máá tu̱ꞌun ya̱ tátúníꞌ ni̱ꞌ nu̱u̱nꞌ rán ya̱: Kunu̱u̱nꞌ rán inka rá táꞌán rán, kuéntáꞌ ñúnúunꞌ ni̱ꞌ ránoꞌó.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

1 Tesalonicenses 4:9

Jee ntu jíniñúꞌún ránú ya̱ tee ráníꞌ tutuꞌ nu̱u̱nꞌ ránoꞌó sáva kunu̱u̱nꞌ rán rá ñanitáꞌán, ya̱ kúneí iniꞌ ráa Jesús. Chi máá maá Ndiosíꞌ xínéꞌénꞌ ránoꞌó sáva kunu̱u̱nꞌ rán ɨɨn inka rán.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

1 Juan 1:5

Yaꞌá ví tu̱ꞌun ya̱ nteso̱ꞌo ránꞌ ya̱ nxi̱néꞌénꞌ Jesús ránuꞌuꞌ, jee yaꞌá káchítu̱ꞌún ránꞌ nu̱u̱nꞌ ránoꞌó ya̱: Ndiosíꞌ ví ñuꞌunꞌ nu̱u̱nꞌ‑ó, chi na̱a̱ꞌ nasɨ́kuitɨꞌ re̱ꞌ, jee ntu̱ví íyó ni ɨɨn tiñu neenꞌ jín re̱ꞌ chi ntu̱ví íyó re̱ꞌ jín ni ɨɨn ya̱ niváꞌa.

1 Juan 4:11

Ránoꞌó ya̱ ñúnúunꞌ ni̱ꞌ, nu̱u̱nꞌ nñunu̱u̱nꞌ Ndiosíꞌ yó suꞌva, jee suni íyó kunu̱u̱nꞌ‑ó ɨɨn inka táꞌán‑ó.

1 Juan 4:21

Jee tu̱ꞌun yaꞌá nta̱túníꞌ Jesús nu̱u̱nꞌ‑ó ya̱: ɨɨn ñɨvɨ ya̱ ñúnúunꞌ‑u Ndiosíꞌ, jee suni kunu̱u̱nꞌ‑u ñanitáꞌán‑a.

1 Juan 4:7

Ránoꞌó ya̱ ñúnúunꞌ ni̱ꞌ, kunu̱u̱nꞌ‑ó ɨɨn inka táꞌán‑ó chi tu̱ꞌun ñúnúunꞌ vá ví ya̱ va̱ji nu̱u̱nꞌ Ndiosíꞌ. Jee nta̱ká ñɨvɨ ya̱ ñúnúunꞌ ráa táꞌán ráa, jee nna̱kaku ráa nsa̱ꞌá Ndiosíꞌ sáva kuvi nijia ráa se̱ꞌya re̱ꞌ, jee ma̱ni̱ꞌ ráa jín re̱ꞌ.

2 Juan 1:5

Nánáꞌ, vitan jee jíkánꞌ táꞌvíꞌ ni̱ꞌ nu̱u̱nꞌ nú ya̱ kunu̱u̱nꞌ‑ó ɨɨn inka táꞌán‑ó. Nsú tiñu jiáá ví yaꞌá ya̱ tátúníꞌ Ndiosíꞌ, chisaꞌ suvi‑i kúvi tu̱ꞌun ya̱ nníꞌinꞌ‑ó ne̱ tiempúꞌ xíꞌnañúꞌún ya̱ nka̱jiéꞌé ni̱nu̱ꞌ iniꞌ‑ó.