1 Juan 2:7 - Mixteco del suroeste de Tlaxiaco Oaxaca

⁷ Ránoꞌó ya̱ ñúnúunꞌ ni̱ꞌ kuéntáꞌ ñaniꞌ ni̱ꞌ, nsú tu̱ꞌun ya̱ tátúníꞌ jiáá re̱ꞌ ví ya̱ tée ni̱ꞌ nu̱u̱nꞌ rán, chisaꞌ tu̱ꞌun ya̱ nta̱túníꞌ re̱ꞌ ne̱ yanaꞌán ya̱ ya nni̱ꞌi̱nꞌ rán ne̱ xíꞌnañúꞌún ya̱ ni̱nu̱ꞌ iniꞌ rán kúvi‑i. Jee tu̱ꞌun vá kúvi ya̱ nteso̱ꞌo rán ne̱ ki̱vɨ̱ꞌ nka̱jiéꞌé ni̱nu̱ꞌ iniꞌ rán.

1 Juan 2:7 ပူးပေါင်းရင်းမြစ်များ

Mateo 5:43

’Jee nteso̱ꞌo rán rá tu̱ꞌun ya̱ káchíꞌ ya̱: “Íyó kunu̱u̱nꞌ ñanitáꞌán nú, jee taꞌvi iniꞌ nú kune̱ꞌyá nú ñɨvɨ túfíꞌ ta̱ꞌán jín nú.”

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Hechos 17:19

Jee ntɨɨn ráa maa kua̱na̱ka ráa maa nu̱u̱nꞌ nútútú rá te̱e nísotíñú, naní Areópago. Jee jíkátu̱ꞌún ráa maa: ―¿Á kuvi kukáꞌnú iniꞌ ránꞌ tu̱ꞌun jiáá yaꞌá, ya̱ xínéꞌénꞌ nú?

Hebreos 6:9

Soo ránoꞌó ñanitáꞌán, ya̱ ñúnúunꞌ ni̱ꞌ, jee súka̱ꞌ sukuán káꞌánꞌ ráníꞌ jín rán, soo ne̱ yuchí kúkáꞌnú iniꞌ ráníꞌ ya̱ koo va̱ꞌa ka̱ꞌ jín ránoꞌó kútáꞌán‑a jín ya̱ nátavaꞌ Ndiosíꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó.

1 Juan 2:24

Chuꞌun va̱ꞌa rán iniꞌ ánímaꞌ rán tu̱ꞌun ya̱ ya nteso̱ꞌo rán ne̱ xíꞌnañúꞌún ya̱ ni̱nu̱ꞌ iniꞌ rán. Jee retú tu̱ꞌun nteso̱ꞌo rán ne̱ xíꞌnañúꞌún kínóo kutú‑u ñúꞌún iniꞌ ánímaꞌ rán, saájee suni kino̱o kutú rán yɨ́ꞌɨ́ rán nu̱u̱nꞌ Se̱ꞌya Ndiosíꞌ jín nu̱u̱nꞌ maá Tátáꞌ‑ó Ndiosíꞌ.

1 Juan 3:11

Chi yaꞌá kúvi tu̱ꞌun ya̱ nteso̱ꞌo rán ne̱ nka̱jiéꞌé nku̱neí iniꞌ rán Jesús ne̱ xíꞌnañúꞌún, ya̱ kunu̱u̱nꞌ‑ó ɨɨn inka táꞌán‑ó.

1 Juan 3:2

Ránoꞌó ya̱ ñúnúunꞌ ni̱ꞌ, vitan jee se̱ꞌya Ndiosíꞌ kúvi‑ó. Soo ntiáꞌan tu̱vi ná kúvi ya̱ koo maáó tiempúꞌ ichinúúnꞌ. Soo jíníꞌ‑ó ya̱ sáá kitu̱vi Jesús niji re̱ꞌ, jee nuún koo‑ó jín re̱ꞌ kuéntáꞌ íyó maáréꞌ, chi kuniꞌ‑ó re̱ꞌ sánikua̱ꞌ íyó nijia re̱ꞌ.

1 Juan 3:21

Ránoꞌó ya̱ ñúnúunꞌ ni̱ꞌ, retú ntu ñúꞌún kua̱chi iniꞌ ánímaꞌ‑ó, saájee kúneí iniꞌ‑ó ichinúúnꞌ Ndiosíꞌ,

1 Juan 3:23

Jee yaꞌá kúvi tiñu ya̱ tátúníꞌ re̱ꞌ: ya̱ kuneí iniꞌ‑ó Se̱ꞌya re̱ꞌ Jesucristo, jín ya̱ kunu̱u̱nꞌ‑ó ɨɨn inka táꞌán‑ó, sánikua̱ꞌ nta̱túníꞌ re̱ꞌ nu̱u̱nꞌ‑ó.

1 Juan 4:1

Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.

1 Juan 4:11

Ránoꞌó ya̱ ñúnúunꞌ ni̱ꞌ, nu̱u̱nꞌ nñunu̱u̱nꞌ Ndiosíꞌ yó suꞌva, jee suni íyó kunu̱u̱nꞌ‑ó ɨɨn inka táꞌán‑ó.

1 Juan 4:21

Jee tu̱ꞌun yaꞌá nta̱túníꞌ Jesús nu̱u̱nꞌ‑ó ya̱: ɨɨn ñɨvɨ ya̱ ñúnúunꞌ‑u Ndiosíꞌ, jee suni kunu̱u̱nꞌ‑u ñanitáꞌán‑a.

1 Juan 4:7

Ránoꞌó ya̱ ñúnúunꞌ ni̱ꞌ, kunu̱u̱nꞌ‑ó ɨɨn inka táꞌán‑ó chi tu̱ꞌun ñúnúunꞌ vá ví ya̱ va̱ji nu̱u̱nꞌ Ndiosíꞌ. Jee nta̱ká ñɨvɨ ya̱ ñúnúunꞌ ráa táꞌán ráa, jee nna̱kaku ráa nsa̱ꞌá Ndiosíꞌ sáva kuvi nijia ráa se̱ꞌya re̱ꞌ, jee ma̱ni̱ꞌ ráa jín re̱ꞌ.