1 Juan 2:24 - Mixteco del suroeste de Tlaxiaco Oaxaca

²⁴ Chuꞌun va̱ꞌa rán iniꞌ ánímaꞌ rán tu̱ꞌun ya̱ ya nteso̱ꞌo rán ne̱ xíꞌnañúꞌún ya̱ ni̱nu̱ꞌ iniꞌ rán. Jee retú tu̱ꞌun nteso̱ꞌo rán ne̱ xíꞌnañúꞌún kínóo kutú‑u ñúꞌún iniꞌ ánímaꞌ rán, saájee suni kino̱o kutú rán yɨ́ꞌɨ́ rán nu̱u̱nꞌ Se̱ꞌya Ndiosíꞌ jín nu̱u̱nꞌ maá Tátáꞌ‑ó Ndiosíꞌ.

1 Juan 2:24 ပူးပေါင်းရင်းမြစ်များ

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Lucas 9:44

―Chuso̱ꞌo vava̱ꞌa rán rá tu̱ꞌun yaꞌá ya̱ káchíꞌ ni̱ꞌ nu̱u̱nꞌ rán, chi nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, va̱kuyatin naku̱ꞌva ɨɨn ñɨvɨ nuꞌuꞌ xi̱ntíín rá te̱e ya̱ jíníꞌ u̱ꞌvi̱ꞌ ráa nuꞌuꞌ ―nkachiꞌ Jesús.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

Juan 6:56

Chi ɨɨn ñɨvɨ ya̱ yájíꞌ‑i yɨkɨkúñu ni̱ꞌ jee jíꞌi‑i ni̱ñɨ̱ꞌ ni̱ꞌ, jee kínóo‑o yɨ́ꞌɨ́‑ɨ nu̱u̱nꞌ ni̱ꞌ, jee kínóo ni̱ꞌ yɨ́ꞌɨ́ ni̱ꞌ nu̱u̱nꞌ maáa.

Juan 8:25

Saájee ni̱ka̱tu̱ꞌún ráa Jesús: ―Noꞌó, ¿né ɨɨn kúvi nú résa? ―nkachiꞌ ráa. Saájee nkachiꞌ re̱ꞌ nu̱u̱nꞌ ráa: ―Ne̱ ya̱ xíꞌnañúꞌún nkachiꞌ ni̱ꞌ né ɨɨn kúvi ni̱ꞌ nu̱u̱nꞌ rán.

Filipenses 4:15

Jee ránoꞌó ñɨvɨ ñuunꞌ Filipos, suni jíníꞌ rán, ya̱ sáá nste̱kútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús nu̱u̱nꞌ rán ya̱ xíꞌnañúꞌún, jee sáá nkene ni̱ꞌ kua̱ꞌa̱nꞌ ni̱ꞌ rá ñuunꞌ tɨ́ɨn Macedonia, nu̱u̱nꞌ nééꞌ rán, jee jíníꞌ rán ya̱ métúꞌún maárán ví ya̱ ntaji ya̱ niniñúꞌún ni̱ꞌ ña̱xi̱nꞌ ni̱ꞌ, jee ni ɨɨn inka grupo ñɨvɨ ya̱ kúneí iniꞌ ráa Jesús ntu nchi̱neí táꞌán ráa jín ni̱ꞌ suꞌva.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

Hebreos 2:1

Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

1 Juan 2:7

Ránoꞌó ya̱ ñúnúunꞌ ni̱ꞌ kuéntáꞌ ñaniꞌ ni̱ꞌ, nsú tu̱ꞌun ya̱ tátúníꞌ jiáá re̱ꞌ ví ya̱ tée ni̱ꞌ nu̱u̱nꞌ rán, chisaꞌ tu̱ꞌun ya̱ nta̱túníꞌ re̱ꞌ ne̱ yanaꞌán ya̱ ya nni̱ꞌi̱nꞌ rán ne̱ xíꞌnañúꞌún ya̱ ni̱nu̱ꞌ iniꞌ rán kúvi‑i. Jee tu̱ꞌun vá kúvi ya̱ nteso̱ꞌo rán ne̱ ki̱vɨ̱ꞌ nka̱jiéꞌé ni̱nu̱ꞌ iniꞌ rán.

1 Juan 3:24

Jee ñɨvɨ ya̱ síkúnkuvi ya̱ tátúníꞌ Ndiosíꞌ, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ, jín suni máá Ndiosíꞌ kínóo kutú re̱ꞌ yɨ́ꞌɨ́ re̱ꞌ iniꞌ‑i. Jee jie̱ꞌe̱ꞌ ya̱ ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó, saáva jíníꞌ‑ó ya̱ kínóo kutú re̱ꞌ yɨ́ꞌɨ́ re̱ꞌ iniꞌ‑ó.

1 Juan 4:13

Jee jín yaꞌá jíníꞌ‑ó ya̱ kínóo kutú‑ó yɨ́ꞌɨ́‑ó nu̱u̱nꞌ re̱ꞌ, jín ya̱ maáréꞌ chi kínóo kutú re̱ꞌ yɨ́ꞌɨ́ re̱ꞌ iniꞌ‑ó, chi ntaji re̱ꞌ Ta̱chi̱ꞌ Ííꞌ re̱ꞌ yɨ́ꞌɨ́‑ɨ iniꞌ‑ó.

1 Juan 4:15

Jee néni ɨɨn ñɨvɨ ya̱ jiáꞌayuꞌú ya̱ Se̱ꞌya Ndiosíꞌ ví Jesús, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ.

1 Juan 4:16

Jee jíníꞌ‑ó jee ínúꞌ iniꞌ‑ó ya̱ ñúnúunꞌ Ndiosíꞌ yó. Chi mánitu̱ꞌun ñúnúunꞌ ñúꞌún iniꞌ Ndiosíꞌ. Jee ñɨvɨ kínóo kutú‑u nu̱u̱nꞌ mánitu̱ꞌun ñúnúunꞌ‑u, jee suvivá kínóo kutú‑u yɨ́ꞌɨ́‑ɨ nu̱u̱nꞌ re̱ꞌ, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá.

2 Juan 1:2

chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.

3 Juan 1:3

Chi nnusɨ̱ɨ̱ꞌ víꞌí iniꞌ ni̱ꞌ sáá nkiji sava rá ñanitáꞌán‑ó, jee ntaji ráa tu̱ꞌun na̱a̱ꞌ nu̱u̱nꞌ ni̱ꞌ ya̱ síkúnkuvi na̱a̱ꞌ nú tu̱ꞌun na̱a̱ꞌ, chi jíka nú jín tu̱ꞌun na̱a̱ꞌ Jesús.

Apoclipsis 3:11

’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Apoclipsis 3:3

Jee naku̱ꞌun iniꞌ rán tu̱ꞌun na̱a̱ꞌ ya̱ nníꞌinꞌ rán ya̱ nteso̱ꞌo rán, jee kunikɨnꞌ rán maa, jee nakani iniꞌ rán. Chi retú ntu̱ví íyó nito rán maárán, jee sa̱naanꞌ ni kenta ni̱ꞌ nu̱u̱nꞌ rán kuéntáꞌ kua̱ꞌ ɨɨn ya̱ kuíꞌná jee xinóꞌo ni̱ꞌ ránoꞌó, jee ni nsáꞌ kuniꞌ rán ná hora kenta ni̱ꞌ.