1 Juan 2:15 - Mixteco del suroeste de Tlaxiaco Oaxaca

¹⁵ Jee koto ñúnúunꞌ rán rá tiñu níyo iniꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa nu̱u̱nꞌ Ndiosíꞌ, ni rá nantíñú íyó iniꞌ ñɨ̱vɨ́. Jee retú néni ɨɨn ñɨvɨ ñúnúunꞌ ichi jíka rá ñɨvɨ ñɨ̱vɨ́ yaꞌá, jee ntu̱ví ñúnúunꞌ ñɨvɨ vá Tátáꞌ‑ó Ndiosíꞌ.

1 Juan 2:15 ပူးပေါင်းရင်းမြစ်များ

Mateo 4:8

Soo tukuni kua̱ꞌa̱nꞌ kui̱ꞌna̱ꞌ nnaka‑a Jesús ne̱ ɨɨn yuku máá súkún, jee yukuán nxi̱néꞌénꞌ‑e re̱ꞌ kua̱íyó rá ñuunꞌ íyó ñɨ̱vɨ́ jín rá nantíñú viiꞌ íyó nu̱u̱nꞌ rává.

Mateo 6:24

’Ni ɨɨn ñɨvɨ ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn, jee kunu̱u̱nꞌ‑u inka, áxí, kɨtíñú‑u nu̱u̱nꞌ ɨɨn, jee kuniichiꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ jín suni nu̱u̱nꞌ xu̱ꞌún.

Lucas 16:13

’Ni ɨɨn musúꞌ jee ntu kúvi kɨtíñú‑u nu̱u̱nꞌ u̱vi̱ꞌ i̱toꞌoꞌ xí tiñu, chi taꞌvi iniꞌ‑i kune̱ꞌyá‑a ɨɨn jee kunu̱u̱nꞌ‑u inka, áxí kuneenu̱u̱nꞌ‑u ɨɨn jee kuniichiꞌ iniꞌ‑i inka. Jee saáva ntu kúvi kɨtíñú rán nu̱u̱nꞌ Ndiosíꞌ, jín suni nu̱u̱nꞌ xu̱ꞌún ―nkachiꞌ Jesús.

Juan 15:19

Chi retánꞌ íñɨ́ i̱i̱ꞌ rán ichi jiáꞌnu rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ, saájee íyó kunu̱u̱nꞌ ráa ránoꞌó, kuéntáꞌ ñúnúunꞌ ráa rá ñɨvɨ íñɨ́ jín ráa. Soo jie̱ꞌe̱ꞌ ya̱ nka̱ji ni̱ꞌ ránoꞌó ya̱ nsáꞌ kɨꞌɨ rán ka̱ꞌ nu̱u̱nꞌ ñujiínꞌ ñɨvɨ ñɨ̱vɨ́ yaꞌá jee ntu káꞌ jiáꞌnu rán kuéntáꞌ jiáꞌnu ráa. Jee jie̱ꞌe̱ꞌ saáva táꞌvi iniꞌ ráa néꞌyá ráa ránoꞌó.

Romanos 12:2

Jee koto jiáꞌnu rán ka̱ꞌ sáni jiáꞌnu rá ñɨvɨ ñɨ̱vɨ́ yaꞌá vitan, chisaꞌ sama rán iniꞌ maárán nujiáá sáá jiáni antúníꞌ rán, sáva kenta kukáꞌnú iniꞌ rán ná kúvi ya̱ kuíni Ndiosíꞌ, ya̱ kúvi ya̱ váꞌa, ya̱ kúváꞌa iniꞌ re̱ꞌ néꞌyá re̱ꞌ maa, jín kúvi ya̱ naáꞌ.

Gálatas 1:10

Saájee, jín tu̱ꞌun káꞌánꞌ ni̱ꞌ yaꞌá, ¿á nánukú ni̱ꞌ ya̱ kino̱o va̱ꞌa ni̱ꞌ nu̱u̱nꞌ rá ñɨvɨ áxí nu̱u̱nꞌ Ndiosíꞌ? ¿Á nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ? ¡Ntu̱ví! Chi ré nánukú ni̱ꞌ ya̱ kuva̱ꞌa iniꞌ rá ñɨvɨ kune̱ꞌyá ráa nuꞌuꞌ, jee nsú musúꞌ jiátíñú Cristo kúvi ni̱ꞌ, nékúvi.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

1 Timoteo 6:10

Yoꞌo nta̱ká [nu̱u̱nꞌ] ya̱ níváꞌa ví ya̱ ñúnúunꞌ xu̱ꞌún. Jee sava ñɨvɨ, ya̱ kuíni víꞌí ráa maa, nxi̱nóo ráa ichi Cristo ya̱ kúneí iniꞌ‑ó. Jee suꞌva nkenta xinóꞌo víꞌí ráa maáráa.

Santiago 1:27

Jee tɨ́ɨn kuéntáꞌ Tátáꞌ‑ó Ndiosíꞌ ya̱ néñu̱ꞌun ninuꞌun‑ó re̱ꞌ, jín ya̱ saɨn iniꞌ‑ó ya̱ néñu̱ꞌun‑ó re̱ꞌ retú sáꞌá‑ó yaꞌá: ya̱ chíneí‑ó rá kuáchí nkino̱o láꞌví jín rá ñaꞌan ya̱ nkino̱o náꞌví ráa, ya̱ kúkuíꞌyáꞌ iniꞌ ráa nu̱u̱nꞌ ya̱ nóꞌo ráa, jee suni ya̱ kúmí‑ó maáó ya̱ ntu sátéꞌén‑ó ánímaꞌ‑ó jín ya̱ niváꞌa ya̱ níyo iniꞌ ñɨvɨ ñɨ̱vɨ́.

Santiago 4:4

¡Ñɨvɨ ya̱ ntu jiáꞌnu na̱a̱ꞌ nu̱u̱nꞌ Ndiosíꞌ! Retú íyó mániꞌ táꞌán rán jín ya̱ níyo iniꞌ rá ñɨvɨ ñɨ̱vɨ́ yaꞌá, ¿á ntu jíníꞌ rán, ya̱ suvivá kúvi ya̱ túfíꞌ ta̱ꞌán rán néꞌyá rán Ndiosíꞌ? Saáva néni ɨɨn ñɨvɨ ya̱ nkuna̱a̱ꞌ iniꞌ‑i koo mániꞌ táꞌán‑a jín ya̱ níyo iniꞌ rá ñɨvɨ ñɨ̱vɨ́ yaꞌá, jee nkenta‑a kúvi‑i ñɨvɨ ya̱ túfíꞌ ta̱ꞌán‑a néꞌyá‑a Ndiosíꞌ.

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

1 Juan 4:5

Suviráa yɨ́ꞌɨ́ ñujiínꞌ ñɨ̱vɨ́ yaꞌá ya̱ ntu níkɨ́nꞌ ráa Ndiosíꞌ, saáva káꞌánꞌ ráa jie̱ꞌe̱ꞌ ñujiínꞌ ñɨ̱vɨ́ yaꞌá, ya̱ ntu va̱ji ne̱ nu̱u̱nꞌ Ndiosíꞌ. Jee rá ñɨvɨ ya̱ yɨ́ꞌɨ́ ichi ñɨ̱vɨ́ yaꞌá, tésóꞌo ñáꞌnú ráa rá tu̱ꞌun káꞌánꞌ rá ñɨvɨ vá.

1 Juan 5:10

Jee ñɨvɨ ya̱ kúneí iniꞌ ráa Se̱ꞌya Ndiosíꞌ, jee ñúꞌún ya̱ naáꞌ jiáꞌa Ndiosíꞌ iniꞌ ánímaꞌ ñɨvɨ vá. Jee ñɨvɨ ya̱ ntu jínúꞌ iniꞌ ráa Ndiosíꞌ, jee nátatúꞌún ñɨvɨ vá re̱ꞌ chi ntu ínúꞌ iniꞌ ráa tu̱ꞌun na̱a̱ꞌ ya̱ njiáꞌa re̱ꞌ jie̱ꞌe̱ꞌ Se̱ꞌya re̱ꞌ.