1 Juan 2:14 - Mixteco del suroeste de Tlaxiaco Oaxaca

¹⁴ Ntee ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Ntee ni̱ꞌ nu̱u̱nꞌ ránoꞌó rá te̱e súchí, chi neí iniꞌ rán, jee kínóo kutú Tu̱ꞌun Ndiosíꞌ ñúꞌún iniꞌ ánímaꞌ rán, jee nku̱neí rán jín kui̱ꞌna̱ꞌ kúñáꞌnú.

1 Juan 2:14 ပူးပေါင်းရင်းမြစ်များ

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

Juan 5:38

Jee ni ntu ñúꞌún tu̱ꞌun re̱ꞌ iniꞌ rán, chi nuꞌuꞌ ya̱ nchu̱ichí re̱ꞌ va̱ji ni̱ꞌ, jee ni ntu jínúꞌ iniꞌ rán nuꞌuꞌ.

Juan 8:31

Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

Juan 8:37

Jíníꞌ ni̱ꞌ ya̱ ichiyúkúnꞌ kéne nu̱u̱nꞌ Abraham kúvi rán, soo sú sukuán íyó jee níꞌvɨ́ꞌ iniꞌ rán kaꞌniꞌ rán nuꞌuꞌ, chi ntu̱ví jiáꞌa rán ki̱vɨ tu̱ꞌun káchíꞌ ni̱ꞌ iniꞌ ánímaꞌ rán.

Efesios 6:10

Jee íyó inka ka̱ꞌ jie̱ꞌe̱ꞌ tu̱ꞌun kachiꞌ ni nu̱u̱nꞌ ránoꞌó, rá ñaniꞌ ni̱ꞌ jín rá ku̱ꞌva ni̱ꞌ ya̱ yɨ́ꞌɨ́ rán nu̱u̱nꞌ Cristo, íyó koo neí iniꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó, jee nachuꞌun neí rán iniꞌ rán jín fuersáꞌ ííꞌ mánasɨ́ ni̱ꞌin níso re̱ꞌ.

Filipenses 4:13

Kuvi kuiñɨ ni̱ꞌ nu̱u̱nꞌ nta̱ká ya̱ nóꞌo ni̱ꞌ, chi yɨ́ꞌɨ́ ni̱ꞌ nu̱u̱nꞌ Cristo, ya̱ násáneí re̱ꞌ iniꞌ nuꞌuꞌ.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

Colosenses 3:16

Saájee íyó kuꞌun kutú nasɨ́kuitɨꞌ ka̱ꞌ tu̱ꞌun jie̱ꞌe̱ꞌ Cristo iniꞌ ánímaꞌ rán, jee suꞌva xinéꞌénꞌ rán jee nakutíñú rán nu̱u̱nꞌ rá táꞌán rán jín nta̱ká tu̱ꞌun níchí. Jee ne̱ jín ánímaꞌ rán kata rán nu̱u̱nꞌ rá yaaꞌ Tu̱ꞌun Ndiosíꞌ naní salmo, jín rá yaaꞌ himno ya̱ nákuetúꞌún rán Cristo, jín rá yaaꞌ ííꞌ jie̱ꞌe̱ꞌ Ndiosíꞌ, jee nakuatáꞌví rán re̱ꞌ.

2 Timoteo 2:1

Saáva noꞌó, ya̱ kúvi kuéntáꞌ se̱ꞌya maáníꞌ, chuneí iniꞌ nú jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, ya̱ yɨ́ꞌɨ́‑ó nu̱u̱nꞌ Cristo Jesús.

Hebreos 8:10

“Jee saáva suꞌva koo tratúꞌ ya̱ saꞌá ni̱ꞌ jín rá ñɨvɨ ñuunꞌ Israel, ne̱ retú nkenta rá ki̱vɨ̱ꞌ yukuán”, káchíꞌ I̱toꞌoꞌ‑ó. “Chuꞌun ni̱ꞌ ley ni̱ꞌ iniꞌ antúníꞌ ráa. Jee suni chuꞌun ni̱ꞌ maa iniꞌ ráa kuéntáꞌ tee ni̱ꞌ maa iniꞌ ánímaꞌ ráa. Jee kuvi ni̱ꞌ Ndiosíꞌ ráa jee kuvi ráa ñɨvɨ ni̱ꞌ.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

1 Juan 1:10

Jee ré káchíꞌ‑ó ya̱ ntu nsáꞌá‑ó kua̱chi, jee nátatúꞌún‑ó re̱ꞌ, jee ntu̱ví ñúꞌún tu̱ꞌun re̱ꞌ iniꞌ‑ó.

1 Juan 2:13

Tée ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Tée ni̱ꞌ nu̱u̱nꞌ ránoꞌó, rá te̱e súchí, chi nku̱neí rán jín kui̱ꞌna̱ꞌ kúñáꞌnú ya̱ ntu kúvi sikúvi re̱ꞌ iniꞌ ránoꞌó nu̱u̱nꞌ kua̱chi. Tée ni̱ꞌ nu̱u̱nꞌ ránoꞌó rá kuáchí lúlí, chi ma̱ni̱ꞌ rán jín Tátáꞌ‑ó Ndiosíꞌ.

2 Juan 1:2

chi tu̱ꞌun na̱a̱ꞌ ñúꞌún kutú iniꞌ ánímaꞌ‑ó, jee kuꞌun‑u iniꞌ‑ó nɨ́ɨ́nkání.

3 Juan 1:3

Chi nnusɨ̱ɨ̱ꞌ víꞌí iniꞌ ni̱ꞌ sáá nkiji sava rá ñanitáꞌán‑ó, jee ntaji ráa tu̱ꞌun na̱a̱ꞌ nu̱u̱nꞌ ni̱ꞌ ya̱ síkúnkuvi na̱a̱ꞌ nú tu̱ꞌun na̱a̱ꞌ, chi jíka nú jín tu̱ꞌun na̱a̱ꞌ Jesús.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”