1 Corintios 9:7 - Mixteco del suroeste de Tlaxiaco Oaxaca

⁷ ¿Né ɨɨn soldado sátíñú saɨn jee tékúꞌ re̱ꞌ xu̱ꞌún veꞌi maáréꞌ rúsa? Áxí, ¿né ɨɨn te̱e ya̱ tée re̱ꞌ tataꞌ uva jee ntu̱ví yájíꞌ re̱ꞌ ya̱ vixíꞌ vá rúja? Áxí, ¿né ɨɨn ñɨvɨ ya̱ kúmí‑i rá lanchi jee ntu̱ví jíꞌi‑i xu̱kui rátíꞌ rúja? Ntu̱ví íyó sukuán.

1 Corintios 9:7 ပူးပေါင်းရင်းမြစ်များ

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Timoteo 1:18

Noꞌó, Timoteo, ya̱ kúvi kuéntáꞌ se̱ꞌya ni̱ꞌ. Tiñu yaꞌá tétíñú ni̱ꞌ noꞌó, sánikua̱ꞌ tu̱ꞌun nna̱kani sava rá ñanitáꞌán‑ó ya̱ nkene yuꞌú Ndiosíꞌ. Tétíñú ni̱ꞌ noꞌó, sáva nunasɨ́ nú sikúnkuvi va̱ꞌa nú tiñu vá, kuéntáꞌ kántáꞌán va̱ꞌa ɨɨn soldado.

1 Timoteo 6:12

Núnasɨ́ nú saꞌá nú fesáꞌ kunikɨnꞌ va̱ꞌa nú Cristo, ya̱ kúneí iniꞌ‑ó, kuéntáꞌ ɨɨn te̱e síkɨ́ sáꞌá fesáꞌ. Jee kuꞌun iniꞌ nú, ya̱ taji Ndiosíꞌ ta̱ꞌvi̱ꞌ nu̱u̱nꞌ nú, ya̱ kutekuꞌ nú nɨ́ɨ́nkání jín re̱ꞌ, chi jie̱ꞌe̱ꞌ yaꞌá vá nkana re̱ꞌ noꞌó. Jee suni jie̱ꞌe̱ꞌ yaꞌá, njia̱ꞌayuꞌú va̱ꞌa nú, ya̱ kúneí iniꞌ nú Cristo, ichinúúnꞌ kue̱ꞌe̱ꞌ ñɨvɨ, ya̱ kuvi stúvi ráa maa.

2 Timoteo 4:7

Nnu̱nasɨ́ ni̱ꞌ nka̱ntáꞌán ni̱ꞌ nu̱u̱nꞌ tiñu váꞌa re̱ꞌ. Jee kuéntáꞌ te̱e jínu va̱ꞌa carrera, nku̱neí ni̱ꞌ nsi̱jínu ni̱ꞌ ya̱ nsi̱kúnkuvi ni̱ꞌ ne̱ nu̱u̱nꞌ nɨ́ꞌɨ tiñu ya̱ ntaji Ndiosíꞌ nu̱u̱nꞌ ni̱ꞌ. Jee nnikɨnꞌ ni̱ꞌin ni̱ꞌ tu̱ꞌun kúneí iniꞌ‑ó.

1 Pedro 5:2

Saáva kumí váꞌa rán rá ñɨvɨ ya̱ kúvi ráa kuéntáꞌ lanchi Ndiosíꞌ ya̱ néen kuéntáꞌ rán ráa, jee nsú ɨɨn kuéntáꞌ tétuvi ví ya̱ saꞌá rán maa, chisaꞌ ne̱ koo iniꞌ rán saꞌá rán maa sáni kuíni Ndiosíꞌ, jee nsú jie̱ꞌe̱ꞌ ya̱ koo u̱ꞌvi̱ꞌ iniꞌ rán ni̱ꞌi̱nꞌ rán xu̱ꞌún saꞌá rán maa, chisaꞌ ne̱ kuꞌun káñá iniꞌ rán saꞌá rán maa.