1 Corintios 9:3 - Mixteco del suroeste de Tlaxiaco Oaxaca

³ Jee tu̱ꞌun yaꞌá kúvi tu̱ꞌun ya̱ nama ni̱ꞌ maáníꞌ nu̱u̱nꞌ rá ñɨvɨ ya̱ kákuíyuꞌú ráa jie̱ꞌe̱ꞌ ni̱ꞌ.

1 Corintios 9:3 ပူးပေါင်းရင်းမြစ်များ

Lucas 12:11

’Jee sáá kɨ̱na̱siáꞌa rá ñɨvɨ ránoꞌó iniꞌ rá veꞌi sinagoga ichinúúnꞌ rá te̱e jiéꞌnéꞌ kua̱chi jín rá te̱e nísotíñú, jee koto nániꞌvɨꞌ iniꞌ rán na̱ja naxiníkó rán ni ná kúvi ya̱ kachiꞌ rán nama rán maárán ni ná kúvi ya̱ kaꞌanꞌ rán.

Hechos 22:1

―¡Ránoꞌó ñaniꞌ jín tátáꞌ! ¡Teso̱ꞌo rán ya̱ kachiꞌ ni̱ꞌ, ya̱ nama ni̱ꞌ maáníꞌ nu̱u̱nꞌ rán!

Hechos 25:16

Jee nna̱xiníkó ni̱ꞌ nu̱u̱nꞌ ráa, ya̱ ntu íyó ñujiínꞌ rá te̱e Roma, ya̱ naku̱ꞌva ráa ni ɨɨn te̱e xíkóñáꞌán rá ñɨvɨ, ya̱ ntiáꞌan kuiñɨ‑ɨ kune̱ꞌyá‑a nu̱u̱nꞌ rá ñɨvɨ xíkóñáꞌán maa, jee nama‑a maáa jie̱ꞌe̱ꞌ kua̱chi ya̱ xíkóñáꞌán ráa maa.

1 Corintios 14:37

Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.

1 Corintios 9:2

Retú inka rá ñɨvɨ ntu̱ví jiáꞌayuꞌú ráa ya̱ nuꞌuꞌ nísotíñú ni̱ꞌ tiñu apóstol chúichí Cristo nuꞌuꞌ nakani ni̱ꞌ tu̱ꞌun re̱ꞌ nu̱u̱nꞌ ráa, soo nu̱u̱nꞌ ránoꞌó chi íyó nijia ya̱ kúvi ni̱ꞌ apóstol nu̱u̱nꞌ rán. Chi ránoꞌó chi, stúvi nijia rán ya̱ nísotíñú nijia ni̱ꞌ tiñu apóstol nu̱u̱nꞌ I̱toꞌoꞌ‑ó kuéntáꞌ ɨɨn seyúꞌ, chi nsi̱kívɨ ni̱ꞌ ránoꞌó xi̱ntíín re̱ꞌ.

1 Corintios 9:4

Jee, ¿á nsáꞌ íyó níꞌinꞌ ráníꞌ kajiꞌ ránꞌ jee koꞌo ránꞌ [ya̱ táji ñɨvɨ nu̱u̱nꞌ ráníꞌ jie̱ꞌe̱ꞌ ya̱ sáꞌá ránꞌ tiñu Ndiosíꞌ] rúja?

2 Corintios 13:10

Saáva tée ni̱ꞌ rá tu̱ꞌun yaꞌá ni íyó íká ni̱ꞌ nu̱u̱nꞌ rán, sáva nkóo xichiꞌ ni̱ꞌ ránoꞌó sánikua̱ꞌ tiñu níso ni̱ꞌ, sáá kuneeꞌ ni̱ꞌ jín rán. Ntaji I̱toꞌoꞌ‑ó tiñu vá nu̱u̱nꞌ ni̱ꞌ, sáva sikújia ni̱ꞌ iniꞌ ránoꞌó, jee nsú sáva xináánꞌ ni̱ꞌ ránoꞌó.

2 Corintios 13:3

Nu̱u̱nꞌ nánukú rán ya̱ naáꞌ ya̱ jiátíñú Cristo nuꞌuꞌ sáva káꞌánꞌ re̱ꞌ tu̱ꞌun re̱ꞌ. Suvire̱ꞌ ntu táyáꞌ iniꞌ re̱ꞌ sáá sáꞌá re̱ꞌ tiñu nu̱u̱nꞌ rán. Chisaꞌ íyó nasɨ́kuitɨꞌ fuersáꞌ ííꞌ níso re̱ꞌ jín tiñu sáꞌá re̱ꞌ nteñu rán.

2 Corintios 13:5

Kototúníꞌ rán maárán, sáva kuniꞌ rán retú máá naáꞌ nijia kúneí iniꞌ rán Cristo. Kototúníꞌ rán maárán. ¿Á ntu tɨ́ɨn kuéntáꞌ rán ya̱ yɨ́ꞌɨ́ Cristo iniꞌ rán rúja? Áxí, ¿á ni̱ta rán ntu kéne na̱a̱ꞌ ya̱ máá naáꞌ nijia kúneí iniꞌ rán Cristo rúja?

Filipenses 1:17

Soo rá inka ñaniꞌ yaꞌá sáꞌá maa chi ñúnúunꞌ ráa nuꞌuꞌ, chi jíníꞌ ráa, ya̱ sáá váji ni̱ꞌ sáꞌá Ndiosíꞌ sáva nama ni̱ꞌ tu̱ꞌun váꞌa Cristo.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

2 Timoteo 4:16

Jee sáá nnama ni̱ꞌ maáníꞌ ichinúúnꞌ rá te̱e jiéꞌnéꞌ kua̱chi ya̱ xíꞌnañúꞌún, jee ni ɨɨn ñɨvɨ ntu nnákuíñɨꞌ ráa jín ni̱ꞌ, chi nta̱ká ráa nxi̱nóo métúꞌún nuꞌuꞌ. Varéáꞌ ntɨ́ɨn kuéntáꞌ Ndiosíꞌ maa si̱kɨ̱ꞌ ráa.