1 Corintios 9:12 - Mixteco del suroeste de Tlaxiaco Oaxaca

¹² Jee retú íyó inka ñɨvɨ ya̱ íyó ni̱ꞌi̱nꞌ ráa nu̱u̱nꞌ rán ya̱ kutekuꞌ ráa jie̱ꞌe̱ꞌ xínéꞌénꞌ ráa ránoꞌó, saájee saꞌ víꞌí ka̱ꞌ íyó ni̱ꞌi̱nꞌ ráníꞌ nu̱u̱nꞌ ránoꞌó ya̱ kutekuꞌ ránꞌ résa. Soo ntu níkánꞌ ráníꞌ ya̱ taji ránú nu̱u̱nꞌ ránuꞌuꞌ ya̱ íyó ni̱ꞌi̱nꞌ ráníꞌ, chisaꞌ jiéꞌnéꞌ iniꞌ ránꞌ nɨꞌɨ, sáva ntu kasɨꞌ ránꞌ sikúténuun ránꞌ ka̱ꞌ tu̱ꞌun váꞌa jie̱ꞌe̱ꞌ Cristo.

1 Corintios 9:12 ပူးပေါင်းရင်းမြစ်များ

Génesis 24:56

Soo musúꞌ vá nkachiꞌ nu̱u̱nꞌ ráa: ―Koto chínetu rán ka̱ꞌ nuꞌuꞌ, chi I̱toꞌoꞌ nsa̱ꞌá re̱ꞌ ya̱ kene va̱ꞌa nu̱u̱nꞌ ichi váji ni̱ꞌ, saáva tají rán nikó ni̱ꞌ kɨ̱noꞌonꞌ ni̱ꞌ nu̱u̱nꞌ I̱toꞌoꞌ ni̱ꞌ ―nkachiꞌ re̱ꞌ.

Lucas 11:52

’Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e súkuáꞌa jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, chi jín rá ñujiínꞌ xínéꞌénꞌ rán jiásɨ́ꞌ rán nu̱u̱nꞌ rá ñɨvɨ sáva nkíku̱ꞌun iniꞌ ráa Tu̱ꞌun Ndiosíꞌ, ya̱ kúvi‑i nakáa ya̱ jíne‑e ichi ya̱ kuniꞌ ñɨvɨ iniꞌ Ndiosíꞌ. Jee nsiíyo rán nakáa vá chi ni maárán ntu kívɨ rán ichi vá, jee jiásɨ́ꞌ rán nu̱u̱nꞌ rá ñɨvɨ kívɨ ráa maa ―nkachiꞌ Jesús.

Hechos 18:3

Jee nkino̱o re̱ꞌ jín ráa jee nsa̱tíñú re̱ꞌ jín ráa. Chijie̱ꞌ ɨɨn nu̱u̱nꞌ ni tiñu yɨ́tíñú‑u jín ráa, ya̱ sáꞌá ráa vesayo saꞌma.

Romanos 15:22

Saáva jie̱ꞌe̱ꞌ ya̱ nsa̱ꞌá ni̱ꞌ tiñu vá kue̱ꞌe̱ꞌ íchí nchituvi‑i nuꞌuꞌ kua̱jiane̱ꞌyá ni̱ꞌ ránoꞌó.

1 Corintios 13:7

Jee ñɨvɨ ya̱ ñúnúunꞌ‑u táꞌán‑a, jee ntáká nu̱u̱nꞌ jiéꞌnéꞌ iniꞌ‑i nóꞌo‑o, jín ntáká ni kúneí iniꞌ‑i Ndiosíꞌ, jín ntáká ni íyó tu̱ꞌun neí iniꞌ‑i ya̱ na̱a̱ꞌ sikúnkuvi Ndiosíꞌ jín ñɨvɨ vá, jín ntáká ni kínóo kutú jín Ndiosíꞌ.

1 Corintios 6:7

Jee saáva, ya nstívɨ́ rán maárán jie̱ꞌe̱ꞌ ya̱ íyó tuntíxín ya̱ kántáꞌán rán nteñu maárán jín táꞌán rán jee kua̱ꞌa̱nꞌ rán nu̱u̱nꞌ te̱e nísotíñú sáva sanáaꞌ maa. ¿Á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá niváꞌa ñɨvɨ jín ránoꞌó résa? Jín, ¿á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá máñáꞌ ñɨvɨ jín rán rúja?

1 Corintios 9:14

Jee suni sukuán nta̱túníꞌ maá I̱toꞌoꞌ‑ó ya̱ rá te̱e ya̱ nákani tu̱ꞌun váꞌa jie̱ꞌe̱ꞌ Cristo, jee íyó ni̱ꞌi̱nꞌ ráa rá kutekuꞌ ráa nu̱u̱nꞌ tiñu sáꞌá ráa vá.

1 Corintios 9:15

Soo nuꞌuꞌ chi ni ntu̱náꞌ ni̱ka̱nꞌ ni̱ꞌ ya̱ taji rán nu̱u̱nꞌ ni̱ꞌ ya̱ íyó ni̱ꞌi̱nꞌ ni̱ꞌ ya̱ taji rán ya̱ kutekuꞌ ni̱ꞌ. Jee ntu tée ni̱ꞌ tu̱ꞌun yaꞌá nu̱u̱nꞌ rán sáva sukuán taji rán ya̱ kutekuꞌ ni̱ꞌ. Chi va̱ꞌa ka̱ꞌ ví nu̱u̱nꞌ nuꞌuꞌ ya̱ retánꞌ kuviꞌ ni̱ꞌ nsú ká kasɨꞌ ɨɨn ñɨvɨ nu̱u̱nꞌ nuꞌuꞌ ya̱ kúvi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ ntu níꞌínꞌ ni̱ꞌ ya̱ kutekuꞌ ni̱ꞌ nu̱u̱nꞌ rán.

1 Corintios 9:16

Soo sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, jee ntu̱ví íyó kutéyɨ́ɨ́ ni̱ꞌ jie̱ꞌe̱ꞌ ya̱ sáꞌá ni̱ꞌ maa, chi jie̱ꞌe̱ꞌ nika̱ꞌ ya̱ nte̱tuvi Ndiosíꞌ nuꞌuꞌ ya̱ saá íyó saꞌá ni̱ꞌ maa, saájee na̱ ka̱ꞌ náꞌví ni̱ꞌ retú ntu̱ví stékútu̱ꞌún ni̱ꞌ tu̱ꞌun váꞌa re̱ꞌ.

1 Corintios 9:18

Jee saáva, ¿ná ya̱ꞌvi ni̱ꞌ koo‑o rúja? Ya̱ꞌvi ni̱ꞌ kúvi yaꞌá: sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús jee ntu kéya̱ꞌvi ni̱ꞌ nu̱u̱nꞌ rán jie̱ꞌe̱ꞌ táji ni̱ꞌ nu̱u̱nꞌ rán tu̱ꞌun váꞌa vá, sáva ntu̱náꞌ ñátíñú ni̱ꞌ ya̱ íyó ni̱ꞌi̱nꞌ ni̱ꞌ ya̱ kutekuꞌ ni̱ꞌ jie̱ꞌe̱ꞌ stékútu̱ꞌún ni̱ꞌ tu̱ꞌun I̱toꞌoꞌ‑ó.

1 Corintios 9:2

Retú inka rá ñɨvɨ ntu̱ví jiáꞌayuꞌú ráa ya̱ nuꞌuꞌ nísotíñú ni̱ꞌ tiñu apóstol chúichí Cristo nuꞌuꞌ nakani ni̱ꞌ tu̱ꞌun re̱ꞌ nu̱u̱nꞌ ráa, soo nu̱u̱nꞌ ránoꞌó chi íyó nijia ya̱ kúvi ni̱ꞌ apóstol nu̱u̱nꞌ rán. Chi ránoꞌó chi, stúvi nijia rán ya̱ nísotíñú nijia ni̱ꞌ tiñu apóstol nu̱u̱nꞌ I̱toꞌoꞌ‑ó kuéntáꞌ ɨɨn seyúꞌ, chi nsi̱kívɨ ni̱ꞌ ránoꞌó xi̱ntíín re̱ꞌ.

2 Corintios 11:12

Soo kunikɨnꞌ ni̱ꞌ saꞌá ni̱ꞌ sánikua̱ꞌ sáꞌá ni̱ꞌ, sáva kasɨꞌ ni̱ꞌ ichi nu̱u̱nꞌ rá ñɨvɨ ya̱ kúvi iniꞌ ráa núne nu̱u̱nꞌ ráa kaꞌanꞌ téyɨ́ɨ́ ráa ya̱ nuún túvi ráa jín ránuꞌuꞌ.

2 Corintios 11:20

Chi yɨ́netuꞌ rán jiéꞌnéꞌ iniꞌ rán nu̱u̱nꞌ ráa retú néni ɨɨn ñɨvɨ chíꞌi‑i ránoꞌó xi̱ntíín‑i kuéntáꞌ musúꞌ saɨn kéꞌen ñɨvɨ, retú néni ɨɨn ñɨvɨ xínɨ́ꞌɨ‑ɨ ránoꞌó jín nantíñú rán, retú néni ɨɨn ñɨvɨ nééꞌ nu̱u̱nꞌ‑u ránoꞌó jie̱ꞌe̱ꞌ rá nantíñú rán, retú néni ɨɨn ñɨvɨ sáꞌá ñáꞌnú‑u maáa, retú néni ɨɨn ñɨvɨ kátúꞌ‑u nu̱u̱nꞌ rán.

2 Corintios 2:12

Jee sáá nkenta ni̱ꞌ nu̱u̱nꞌ ñuunꞌ Troas, sáva stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ I̱toꞌoꞌ‑ó Cristo, jee nsine re̱ꞌ ichi nu̱u̱nꞌ ni̱ꞌ sáva kachitu̱ꞌún ni̱ꞌ tu̱ꞌun re̱ꞌ yukuán.

2 Corintios 6:3

Jee ni ntu̱náꞌ sáꞌá ráníꞌ sáva ntu xinínkava ránꞌ ñɨvɨ sáva ntu kasɨꞌ ránꞌ tɨɨn ráa Tu̱ꞌun Ndiosíꞌ, sáva nku̱ví chikua̱chi ráa si̱kɨ̱ꞌ tiñu sáꞌá ránꞌ nu̱u̱nꞌ Ndiosíꞌ.