1 Corintios 9:1 - Mixteco del suroeste de Tlaxiaco Oaxaca

¹ ¿Á nsáꞌ íyó núne ni̱ꞌ ya̱ íyó ni̱ꞌi̱nꞌ ni̱ꞌ jie̱ꞌe̱ꞌ tiñu sáꞌá ni̱ꞌ rúja? Jee, ¿á nsáꞌ kúvi ni̱ꞌ najiáꞌáꞌ Cristo ya̱ nísotíñú ni̱ꞌ tiñu apóstol chúichí re̱ꞌ nuꞌuꞌ nákani ni̱ꞌ tu̱ꞌun váꞌa re̱ꞌ rúja? Jee, ¿á nsáꞌ niniꞌ ni̱ꞌ maá I̱toꞌoꞌ‑ó Jesús rúja? Jee, ¿á nsú ránoꞌó kúvi tiñu nsa̱ꞌá ni̱ꞌ jín I̱toꞌoꞌ‑ó, ya̱ nsi̱kívɨ ni̱ꞌ ránoꞌó xi̱ntíín I̱toꞌoꞌ‑ó rúja?

1 Corintios 9:1 ပူးပေါင်းရင်းမြစ်များ

Hechos 13:2

Ni néñu̱ꞌun ráa I̱toꞌoꞌ‑ó, jee nééꞌ niteꞌ ráa, jee nkachiꞌ Ta̱chi̱ꞌ Ííꞌ Ndiosíꞌ nu̱u̱nꞌ ráa suꞌva: ―Sasɨ́ɨ́n rán Bernabé jín Saulo, sáva saꞌá ráa tiñu ya̱ nkana ni̱ꞌ ráa saꞌá ráa.

Hechos 14:14

Soo Bernabé jín Pablo, ya̱ kúvi ráa apóstol, sáá nteso̱ꞌo ráa ya̱ kuneñu̱ꞌun rá ñɨvɨ ráa, jee nna̱tá ráa saꞌma ráa, sáva xtúvi ráa ya̱ kúkuíꞌyáꞌ iniꞌ ráa. Jee numíjiꞌíꞌ nki̱vɨ ráa nteñu rá ñɨvɨ, jee nka̱najíín ráa:

Hechos 14:4

Soo kue̱ꞌe̱ꞌ rá ñɨvɨ ñuunꞌ sɨ́ɨ́n sɨ́ɨ́n jiáni iniꞌ ráa. Sava ráa íñɨ́ jín rá ñɨvɨ Israel. Jee rá inka ka̱ꞌ íñɨ́ jín rá te̱e nísotíñú apóstol.

Hechos 23:11

Yakuááꞌ ki̱vɨ̱ꞌ steñu̱ꞌún yukuán ntu̱vi I̱toꞌoꞌ‑ó nu̱u̱nꞌ Pablo, jee nkachiꞌ‑i nu̱u̱nꞌ re̱ꞌ: ―Neí koo iniꞌ nú, chi kuéntáꞌ nna̱stúvi nú ya̱ naáꞌ jie̱ꞌe̱ꞌ ni̱ꞌ Jerusalén, sukuán íyó nastúvi nú ya̱ naáꞌ jie̱ꞌe̱ꞌ ni̱ꞌ ñuunꞌ Roma.

Hechos 9:15

Soo nkachiꞌ I̱toꞌoꞌ‑ó nu̱u̱nꞌ re̱ꞌ: ―Kuáꞌán. Chi kúvi re̱ꞌ te̱e nka̱ji ni̱ꞌ sáva kuatíñú ni̱ꞌ maa, sáva kɨ̱ꞌɨ̱nꞌ re̱ꞌ jín tu̱ꞌun jie̱ꞌe̱ꞌ ni̱ꞌ nu̱u̱nꞌ rá ñɨvɨ ntu kúvi Israel, jín nu̱u̱nꞌ rá te̱e ya̱ tátúníꞌ nu̱u̱nꞌ rá ñuunꞌ, jín nu̱u̱nꞌ rá se̱ꞌya tataꞌ ñɨvɨ Israel.

Hechos 9:17

Saájee ña̱ꞌa̱nꞌ Ananías jee nki̱vɨ re̱ꞌ veꞌi nu̱u̱nꞌ nééꞌ Saulo. Jee nchi̱só re̱ꞌ naꞌá re̱ꞌ nu̱u̱nꞌ‑u, jee nkachiꞌ re̱ꞌ: ―Ñaniꞌ, Saulo. I̱toꞌoꞌ‑ó, Jesús, ntu̱vi re̱ꞌ nu̱u̱nꞌ nú iniꞌ ichi váji nú. Jee maáréꞌ nta̱jí re̱ꞌ nuꞌuꞌ, sáva kuvi nu̱nijínꞌ nchinúún nú, jee sáva chitú Ta̱chi̱ꞌ Ííꞌ satíñú‑u iniꞌ noꞌó ―nkachiꞌ Ananías.

Hechos 9:3

I̱ña̱jée kua̱ꞌa̱nꞌ re̱ꞌ nu̱u̱nꞌ ñuunꞌ Damasco. Jee sáá nku̱yatin re̱ꞌ ñuunꞌ vá, sa̱naanꞌ kuitɨꞌ ñanu̱te̱ꞌ ɨɨn nuva ñuꞌunꞌ ne̱ súkún nchuꞌun ti̱yu̱ꞌ‑u re̱ꞌ.

Hechos 9:5

Jee ni̱ka̱tu̱ꞌún Saulo: ―¿Né ɨɨn kúvi nú, I̱toꞌoꞌ ni̱ꞌ? Jee nna̱xiníkó ta̱chi̱ꞌ yuꞌú vá: ―Maáníꞌ kúvi Jesús, ya̱ jíto u̱ꞌvi̱ꞌ nú. [Xínóꞌo nú maánú, kuéntáꞌ ɨɨn sa̱na̱ꞌ ya̱ jiáñúꞌ yátá ti̱ꞌ xi̱ni̱ꞌ tu̱xíi ñɨvɨ tájí ti̱ꞌ.]

Romanos 1:1

Nuꞌuꞌ Pablo, ya̱ kúvi ni̱ꞌ musúꞌ ya̱ sáꞌá ni̱ꞌ tiñu Cristo Jesús, jín ya̱ nkana re̱ꞌ nuꞌuꞌ kuvi ni̱ꞌ najiáꞌáꞌ re̱ꞌ ya̱ kunisotíñú ni̱ꞌ tiñu apóstol ya̱ chúichí re̱ꞌ nuꞌuꞌ, chi nsa̱ꞌá sɨ́ɨ́n re̱ꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa Ndiosíꞌ.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 11:13

Soo káchíꞌ ni̱ꞌ nu̱u̱nꞌ ránoꞌó ya̱ ntu kúvi rán ñɨvɨ ñuunꞌ Israel: Jie̱ꞌe̱ꞌ ya̱ níso ni̱ꞌ tiñu apóstol ya̱ nchu̱ichí Cristo sáva kachitu̱ꞌún ni̱ꞌ tu̱ꞌun re̱ꞌ nu̱u̱nꞌ ránoꞌó ya̱ ntu̱ví kúvi rán ñɨvɨ Israel, jee nákuetúꞌún ni̱ꞌ tiñu ya̱ ntaji Cristo nu̱u̱nꞌ ni̱ꞌ.

1 Corintios 1:1

Nuꞌuꞌ Pablo, ya̱ nkana Ndiosíꞌ nuꞌuꞌ sáva kuvi ni̱ꞌ najiáꞌáꞌ Jesús sánikua̱ꞌ kuíni Ndiosíꞌ, sáva kuniso ni̱ꞌ tiñu apóstol ya̱ máá Jesús chúichí re̱ꞌ nuꞌuꞌ nákani ni̱ꞌ tu̱ꞌun jie̱ꞌe̱ꞌ re̱ꞌ. Jesús kúvi re̱ꞌ maá Cristo [ya̱ ñaniꞌ Ndiosíꞌ sáva natavaꞌ re̱ꞌ ñɨvɨ nu̱u̱nꞌ kua̱chi sikáku re̱ꞌ ráa]. Nuꞌuꞌ jín ñaniꞌ‑ó Sóstenes

1 Corintios 10:29

Soo ntu káchíꞌ ni̱ꞌ ya̱ koto yájíꞌ rán maa sáva nkúkua̱chi iniꞌ rán retú kajiꞌ rán maa, chi ya jíníꞌ rán ya̱ nsú kua̱chi ví‑i, chisaꞌ káchíꞌ ni̱ꞌ sukuán jie̱ꞌe̱ꞌ inka ñɨvɨ ya̱ jiáni iniꞌ‑i ya̱ kua̱chi kúvi vá retú saꞌá rán maa. Soo sú íñɨ́ núne ni̱ꞌ kajiꞌ ni̱ꞌ ya̱ kuíni iniꞌ maáníꞌ jee, ¿na̱ kuvi chi sánáaꞌ ñɨvɨ si̱kɨ̱ꞌ nuꞌuꞌ jie̱ꞌe̱ꞌ vá chi jiáni iniꞌ‑i ya̱ kua̱chi kúvi vá retú saꞌá ni̱ꞌ maa rúja?

1 Corintios 10:30

Jee retú jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ yájíꞌ ni̱ꞌ, ¿na̱ jie̱ꞌe̱ꞌ chi chíkuáchi ñɨvɨ si̱kɨ̱ꞌ ni̱ꞌ jie̱ꞌe̱ꞌ ya̱ yájíꞌ ni̱ꞌ ya̱ jiáꞌa ni̱ꞌ kútaꞌviꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ vá résa?

1 Corintios 11:16

Jee retú íyó ñɨvɨ ya̱ ntu̱ví nánu iniꞌ‑i jie̱ꞌe̱ꞌ rá tu̱ꞌun ya̱ nkachiꞌ ni̱ꞌ ya̱ kuíni‑i kantátúꞌun‑u jie̱ꞌe̱ꞌ tu̱ꞌun yaꞌá, soo ránuꞌuꞌ, jín ni rá inka ka̱ꞌ grupo ñɨvɨ ya̱ jínúꞌ iniꞌ ráa Ndiosíꞌ, ni ntu̱ví íyó na̱ inka ka̱ꞌ ñujiínꞌ ya̱ na̱sa koo.

1 Corintios 3:6

Chi núvíꞌ ráníꞌ nste̱kútu̱ꞌún ránꞌ Tu̱ꞌun Ndiosíꞌ, jee nuꞌuꞌ chi kuéntáꞌ ntaji ni̱ꞌ tataꞌ sáꞌá jee Apolos chi nxi̱náváꞌ re̱ꞌ nute nu̱u̱nꞌ rá nikɨn, soo Ndiosíꞌ ví ya̱ síkuéꞌnu ránoꞌó jín tu̱ꞌun re̱ꞌ.

1 Corintios 9:19

Chi sú íñɨ́ núne ni̱ꞌ ya̱ ntu yɨ́ꞌɨ́ ni̱ꞌ xi̱ntíín ni ɨɨn ñɨvɨ, soo sáꞌá ni̱ꞌ maáníꞌ kuéntáꞌ ɨɨn musúꞌ kéꞌen ñɨvɨ nu̱u̱nꞌ ntáká rá ñɨvɨ ya̱ yɨ́tíñú ni̱ꞌ nu̱u̱nꞌ ráa, sáva ni̱ꞌi̱nꞌ ni̱ꞌ kue̱ꞌe̱ꞌ víꞌí ka̱ꞌ rá ñɨvɨ sáva kaníjiá ráa ji̱nu̱ꞌ iniꞌ ráa Cristo.

2 Corintios 10:7

Jee ránoꞌó chi kua̱chi kuitɨꞌ néꞌyá rán na̱sa túvi nijinꞌ ránuꞌuꞌ. Soo retú néni ɨɨn ñɨvɨ ínúꞌ iniꞌ‑i ya̱ yɨ́ꞌɨ́‑ɨ nu̱u̱nꞌ Cristo, jee maáa íyó kani va̱ꞌa tuku iniꞌ‑i, chi sánikua̱ꞌ yɨ́ꞌɨ́‑ɨ nu̱u̱nꞌ Cristo, suni sukuán yɨ́ꞌɨ́ ránuꞌuꞌ nu̱u̱nꞌ Cristo.

2 Corintios 11:5

Soo jiáni iniꞌ ni̱ꞌ ya̱ ni ɨɨn nu̱u̱nꞌ ntu núun ka̱ꞌ kúvi ni̱ꞌ nu̱u̱nꞌ rá te̱e vá ya̱ jiáni iniꞌ ñɨvɨ ya̱ kúvi ráa apóstol kúñáꞌnú ka̱ꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 1:1

Maáníꞌ, Pablo tée ni̱ꞌ nu̱u̱nꞌ tutuꞌ yaꞌá. Níso ni̱ꞌ tiñu apóstol, ya̱ chúichí Ndiosíꞌ stekútu̱ꞌún ni̱ꞌ tu̱ꞌun re̱ꞌ. Nsú rá ñɨvɨ ví ya̱ nchu̱ichí nuꞌuꞌ ni ya̱ nsáꞌ ñani ñɨvɨ nuꞌuꞌ kunisotíñú ni̱ꞌ. Chi maá Jesús ya̱ kúvi Cristo jín Tátáꞌ‑ó ya̱ kúvi Ndiosíꞌ ñani ráa nuꞌuꞌ. Jee Ndiosíꞌ ví ya̱ nxi̱nátekuꞌ i̱i̱ꞌ re̱ꞌ Jesús nteñu rá níꞌiꞌ jee nxi̱nákóo re̱ꞌ yɨkɨkúñu‑u jee tékúꞌ‑u.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

1 Tesalonicenses 2:6

Ni ntu̱náꞌ núkú ránꞌ ya̱ nakuetúꞌún ñɨvɨ ránuꞌuꞌ, ni ya̱ nakuetúꞌún rán ránuꞌuꞌ, ni ya̱ nakuetúꞌún inka ñɨvɨ ránuꞌuꞌ. Sú níso ránꞌ tiñu apóstol, ya̱ nchu̱ichí Cristo, jee kúvi tetuvi ráníꞌ ránoꞌó ya̱ koto rán ránuꞌuꞌ,

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.