1 Corintios 8:9 - Mixteco del suroeste de Tlaxiaco Oaxaca

⁹ Soo sú íyó núne yájíꞌ rán ku̱ñu vá, kumí rán maárán sáva nsáꞌ kenta sikíninkava ya̱ yájíꞌ rán maa rá ñanitáꞌán rán ya̱ táyáꞌ iniꞌ ráa ntiáꞌan kujia va̱ꞌa iniꞌ ráa nu̱u̱nꞌ Tu̱ꞌun Ndiosíꞌ.

1 Corintios 8:9 ပူးပေါင်းရင်းမြစ်များ

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Romanos 15:1

Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni.

1 Corintios 10:24

Chi ni ɨɨn koto núkú‑u saꞌá‑a ya̱ váꞌa maáa, chisaꞌ nukú saꞌá ya̱ váꞌa nu̱u̱nꞌ inka ñɨvɨ.

1 Corintios 10:28

Soo retú néni ɨɨn ñɨvɨ kachiꞌ‑i nu̱u̱nꞌ rán ya̱: “Ku̱ñu ya̱ nsókoꞌ nu̱u̱nꞌ rá santúꞌ kúvi ku̱ñu vá”, jee koto yájíꞌ rán maa, chi ñɨvɨ vá nkachiꞌ maa nu̱u̱nꞌ rán jín jie̱ꞌe̱ꞌ ya̱ jiáni iniꞌ ñɨvɨ vá ya̱ kua̱chi kúvi ya̱ kajiꞌ rán ku̱ñu vá.

1 Corintios 10:29

Soo ntu káchíꞌ ni̱ꞌ ya̱ koto yájíꞌ rán maa sáva nkúkua̱chi iniꞌ rán retú kajiꞌ rán maa, chi ya jíníꞌ rán ya̱ nsú kua̱chi ví‑i, chisaꞌ káchíꞌ ni̱ꞌ sukuán jie̱ꞌe̱ꞌ inka ñɨvɨ ya̱ jiáni iniꞌ‑i ya̱ kua̱chi kúvi vá retú saꞌá rán maa. Soo sú íñɨ́ núne ni̱ꞌ kajiꞌ ni̱ꞌ ya̱ kuíni iniꞌ maáníꞌ jee, ¿na̱ kuvi chi sánáaꞌ ñɨvɨ si̱kɨ̱ꞌ nuꞌuꞌ jie̱ꞌe̱ꞌ vá chi jiáni iniꞌ‑i ya̱ kua̱chi kúvi vá retú saꞌá ni̱ꞌ maa rúja?

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

1 Corintios 8:10

Chi maánú ya̱ jíníꞌ nú ya̱ nsú kua̱chi kúvi ya̱ kajiꞌ ku̱ñu vá, soo retú yájíꞌ nú ku̱ñu iniꞌ veꞌi nu̱u̱nꞌ néñu̱ꞌun ráa rá santúꞌ ñunéꞌyúꞌ, jee ɨɨn rá ñanitáꞌán nú ya̱ táyáꞌ iniꞌ ráa tu̱ꞌun jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ‑i nu̱u̱nꞌ Tu̱ꞌun Ndiosíꞌ, jee retú kuniꞌ‑i noꞌó nééꞌ nú yájíꞌ nú yukuán, jee, ¿á nsáꞌ sikúvi nú iniꞌ‑i kajiꞌ‑i ku̱ñu ya̱ nsókoꞌ nu̱u̱nꞌ rá nantíñú vá ya̱ ntu kúvi Ndiosíꞌ, súka̱ꞌ jiáni iniꞌ‑i ya̱ kua̱chi kúvi‑i rúja?

1 Corintios 8:12

Jee sáá sukuán sáꞌá rán kua̱chi nu̱u̱nꞌ rá ñanitáꞌán rán, chi sáꞌá rán ya̱ ñúꞌún kuáchi iniꞌ ráa chi káꞌvi iniꞌ ráa ya̱ sáꞌá ráa kua̱chi jie̱ꞌe̱ꞌ táyáꞌ iniꞌ ráa ya̱ ntiáꞌan kujia va̱ꞌa iniꞌ ráa jín Tu̱ꞌun Ndiosíꞌ, jee suni sukuán sáꞌá rán kua̱chi nu̱u̱nꞌ Cristo.

1 Corintios 9:22

Jee sáá nééꞌ ni̱ꞌ jín rá ñaniꞌ‑ó ya̱ táyáꞌ iniꞌ tu̱jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ ráa nu̱u̱nꞌ Tu̱ꞌun Ndiosíꞌ, jee suni sukuán jiáꞌnu ni̱ꞌ sáni jiáꞌnu maáráa ya̱ táyáꞌ iniꞌ, sáva ni̱ꞌi̱nꞌ ni̱ꞌ ya̱ sijínúꞌ ni̱ꞌ iniꞌ ráa tu̱ꞌun vá. Jee sukuán násaꞌá ni̱ꞌ maáníꞌ, chi jiáꞌnu ni̱ꞌ sánikua̱ꞌ jiáꞌnu ntáká nu̱u̱nꞌ ñɨvɨ, sáva sú na̱ja ka̱ꞌ kuneí sijínúꞌ ni̱ꞌ iniꞌ sava ráa ji̱nu̱ꞌ iniꞌ ráa Jesús jee natavaꞌ re̱ꞌ ráa nu̱u̱nꞌ kua̱chi ráa sikáku re̱ꞌ ráa.

2 Corintios 11:21

Jee kúkanuun ni̱ꞌ ya̱ káchíꞌ ni̱ꞌ ya̱ táyáꞌ iniꞌ ránꞌ ntu tiɨ́kɨ́ iniꞌ ráníꞌ saꞌá ránꞌ sukuán. Soo na̱ni jie̱ꞌe̱ꞌ ya̱ kíji iniꞌ néni ɨɨn ñɨvɨ káꞌánꞌ téyɨ́ɨ́‑ɨ, sunisaá nuꞌuꞌ kíji iniꞌ ni̱ꞌ, sú kuéntáꞌ káꞌánꞌ naanꞌ ni̱ꞌ.

2 Corintios 11:29

Retú táyáꞌ iniꞌ ɨɨn ñɨvɨ, jee ne̱ jíꞌín ni̱ꞌ táyáꞌ iniꞌ ni̱ꞌ jie̱ꞌe̱ꞌ‑e. Jee retú xinínkava ɨɨn ñɨvɨ inka ñɨvɨ nu̱u̱nꞌ kua̱chi, jee káyúꞌ xi̱ni̱ꞌ ni̱ꞌ.

2 Corintios 6:3

Jee ni ntu̱náꞌ sáꞌá ráníꞌ sáva ntu xinínkava ránꞌ ñɨvɨ sáva ntu kasɨꞌ ránꞌ tɨɨn ráa Tu̱ꞌun Ndiosíꞌ, sáva nku̱ví chikua̱chi ráa si̱kɨ̱ꞌ tiñu sáꞌá ránꞌ nu̱u̱nꞌ Ndiosíꞌ.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.

1 Pedro 2:16

Nna̱kani núne Cristo ránoꞌó nu̱u̱nꞌ xinóꞌo Ndiosíꞌ ránoꞌó jie̱ꞌe̱ꞌ kua̱chi rán, saáva kueꞌnu na̱a̱ꞌ rán jee koto jiátíñú rán ya̱ íñɨ́ núne rán sáva tee rán nanísi̱kɨ̱ꞌ saꞌá rán ya̱ niváꞌa, chisaꞌ kueꞌnu rán sáni íyó kueꞌnu rá musúꞌ Ndiosíꞌ ya̱ yɨ́ꞌɨ́ rán xi̱ntíín re̱ꞌ.

2 Pedro 2:19

Chísóyuꞌú ráa ya̱ kuiñɨ núne rá ñɨvɨ ya̱ kuvi saꞌá rá ñɨvɨ vá néni ɨɨn tiñu ya̱ kúvi iniꞌ maá rá ñɨvɨ vá, soo maáráa chi kúvi ráa musúꞌ ya̱ yɨ́ꞌɨ́ ráa xi̱ntíín ya̱ níyo néꞌí iniꞌ ráa. Chi kúvi ñɨvɨ musúꞌ ya̱ yɨ́ꞌɨ́‑ɨ xi̱ntíín ne̱ ni ɨɨn ya̱ kúneí vá jín‑i.

Apoclipsis 2:14

’Soo súka̱ꞌ sukuán íyó soo íyó yakuꞌ kua̱chi si̱kɨ̱ꞌ rán nu̱u̱nꞌ ni̱ꞌ. Chi nteñu ránoꞌó íyó sava rá ñɨvɨ ya̱ jínúꞌ iniꞌ ráa níkɨ́nꞌ ráa tu̱ꞌun ya̱ nxi̱néꞌénꞌ Balaam. Chi ne̱ tiempúꞌ yanaꞌán jee suvire̱ꞌ nxi̱néꞌénꞌ re̱ꞌ Balac na̱ja saꞌá máñáꞌ‑a sáva sikívɨ‑ɨ rá ñɨvɨ Israel nu̱u̱nꞌ kua̱chi, ya̱ kajiꞌ ráa rá nantíñú nso̱ko̱ꞌ nu̱u̱nꞌ rá santúꞌ ñunéꞌyúꞌ, jín ya̱ jiáꞌnu ráa jín tiñu téní.