1 Corintios 8:4 - Mixteco del suroeste de Tlaxiaco Oaxaca

⁴ Saájee káchíꞌ ni̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ. Jee jíníꞌ‑ó ya̱ ntu̱náꞌ kúvi rá nantíñú nsa̱ꞌá jín naꞌá íyó iniꞌ ñɨ̱vɨ́ yaꞌá ya̱ néñu̱ꞌun ñɨvɨ, chi ntu̱ví íyó inka ka̱ꞌ ndiosíꞌ chi métúꞌún Ndiosíꞌ tékúꞌ ni vá íyó.

1 Corintios 8:4 ပူးပေါင်းရင်းမြစ်များ

Marcos 12:29

Nna̱xiníkó Jesús nu̱u̱nꞌ‑u: ―Tu̱ꞌun máá ñáꞌnú ka̱ꞌ ya̱ tátúníꞌ Ndiosíꞌ kúvi yaꞌá: “¡Teso̱ꞌo ñɨvɨ nación Israel! ¡I̱toꞌoꞌ‑ó Ndiosíꞌ! ¡I̱toꞌoꞌ‑ó ví métúꞌún Ndiosíꞌ ya̱ íyó!

Hechos 14:15

―¡Ránoꞌó tátáꞌ! ¿Na̱chi sáꞌá rán rá tiñu yaꞌá! Suni ñɨvɨ ví ránuꞌuꞌ, kuéntáꞌ ránoꞌó. Stékútu̱ꞌún ránꞌ nu̱u̱nꞌ rán ya̱ íyó nikó iniꞌ rán rá ñujiínꞌ ka̱ꞌá sáꞌá rán, ya̱ néñu̱ꞌun rán rá nantíñú ya̱ ntu kúvi Ndiosíꞌ, jee ntu íyótiñu‑u. Jee kunikɨnꞌ rán Ndiosíꞌ, ya̱ tékúꞌ. Nsa̱ꞌá re̱ꞌ súkún jín ñuꞌun jín nteñúꞌún jín nɨꞌɨ ya̱ íyó nu̱u̱nꞌ rává.

Hechos 15:20

Soo tee‑ó tu̱ꞌun kɨ̱ꞌɨ̱nꞌ nu̱u̱nꞌ ráa. Kachiꞌ‑ó nu̱u̱nꞌ tutuꞌ ya̱ chusává ráa maáráa nka̱jíꞌ ráa ku̱ñu sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ chi sáꞌá‑a ya̱ ntu̱ví ninuꞌun ráa nu̱u̱nꞌ Ndiosíꞌ, jín ya̱ chusává saꞌá téní ráa, jín ya̱ chusává ráa maáráa nu̱u̱nꞌ ku̱ñu rá kitɨ ya̱ jíꞌni ráa su̱ku̱nꞌ, jín ya̱ chusává ráa maáráa kajiꞌ ráa ni̱ñɨ̱ꞌ.

Hechos 19:26

Néꞌyá rán jee tésóꞌo rán, ya̱ Pablo vá nsi̱ínúꞌ re̱ꞌ iniꞌ kue̱ꞌe̱ꞌ ñɨvɨ xinóo ráa rá santúꞌ, chi káchíꞌ‑i ya̱ nsú ndiosíꞌ ví rá santúꞌ sáꞌá ñɨvɨ. Nsú kua̱chi ñuunꞌ Éfeso nsa̱ꞌá re̱ꞌ suꞌva, chi suni yatin nɨꞌɨ ñuunꞌ tɨɨn Asia nsa̱ꞌá re̱ꞌ maa.

1 Corintios 8:1

Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

1 Corintios 8:10

Chi maánú ya̱ jíníꞌ nú ya̱ nsú kua̱chi kúvi ya̱ kajiꞌ ku̱ñu vá, soo retú yájíꞌ nú ku̱ñu iniꞌ veꞌi nu̱u̱nꞌ néñu̱ꞌun ráa rá santúꞌ ñunéꞌyúꞌ, jee ɨɨn rá ñanitáꞌán nú ya̱ táyáꞌ iniꞌ ráa tu̱ꞌun jiáni iniꞌ ráa jie̱ꞌe̱ꞌ ya̱ ntiáꞌan kujia iniꞌ‑i nu̱u̱nꞌ Tu̱ꞌun Ndiosíꞌ, jee retú kuniꞌ‑i noꞌó nééꞌ nú yájíꞌ nú yukuán, jee, ¿á nsáꞌ sikúvi nú iniꞌ‑i kajiꞌ‑i ku̱ñu ya̱ nsókoꞌ nu̱u̱nꞌ rá nantíñú vá ya̱ ntu kúvi Ndiosíꞌ, súka̱ꞌ jiáni iniꞌ‑i ya̱ kua̱chi kúvi‑i rúja?

1 Corintios 8:11

Jee sukuán sijíta nú ñanitáꞌán nú ya̱ táyáꞌ iniꞌ‑i jie̱ꞌe̱ꞌ ya̱ sáꞌá nú tiñu ya̱ jíníꞌ nú ya̱ íyó núne saꞌá nú maa. Jee kúvi‑i ñanitáꞌán‑ó jie̱ꞌe̱ꞌ ni̱ꞌi̱ꞌ Cristo.

Gálatas 4:8

Soo ne̱ ntiáꞌan kuni rán iniꞌ Ndiosíꞌ, nneñu̱ꞌun rán na̱ni kúvi ya̱ ntu kúvi ndiosíꞌ nijia. Jee sátíñú ka̱ꞌá rán nu̱u̱nꞌ ráa kuéntáꞌ ɨɨn musúꞌ kéꞌen ñɨvɨ.

Efesios 4:6

Jee métúꞌún ni Ndiosíꞌ íyó, ya̱ kúvi Tátáꞌ nu̱u̱nꞌ ntáká‑ó, ya̱ maáréꞌ vá yósóꞌ nu̱u̱nꞌ kua̱íyó kuitɨꞌ‑ó, jee sáꞌá re̱ꞌ tiñu ya̱ kúvi ntáká‑ó, jee yɨ́ꞌɨ́ re̱ꞌ iniꞌ ntáká‑ó.

1 Timoteo 1:17

Saáva íyó saꞌá ñáꞌnú nɨꞌɨ ñɨvɨ nu̱u̱nꞌ Ndiosíꞌ, ya̱ kúñáꞌnú re̱ꞌ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Jee ni nsáꞌ jíꞌíꞌ re̱ꞌ. Jee maáréꞌ ví ya̱ ntu túvi kune̱ꞌyá‑ó. Métúꞌún Ndiosíꞌ vá kúvi re̱ꞌ. Íyó nakuetúꞌún nɨꞌɨ ñɨvɨ nɨ́ɨ́nkání ya̱ viiꞌ nasɨ́kuitɨꞌ kúñáꞌnú re̱ꞌ. Suꞌva koo. Amén.

1 Timoteo 2:5

Chi kua̱chi ɨɨn Ndiosíꞌ ni íyó. Jee íyó kua̱chi ɨɨn ni ya̱ saꞌá‑a ya̱ nakama̱ni̱ꞌ ñɨvɨ jín Ndiosíꞌ. Máá Cristo Jesús ví te̱e vá.

Judas 1:25

Jee métúꞌún Ndiosíꞌ ví Ndiosíꞌ jee [níchí re̱ꞌ], jee síkáku re̱ꞌ yó nátavaꞌ re̱ꞌ yó nu̱u̱nꞌ kua̱chi‑ó, jie̱ꞌe̱ꞌ ya̱ nsa̱ꞌá re̱ꞌ jín I̱toꞌoꞌ‑ó Jesús ya̱ ya níso re̱ꞌ tiñu ya̱ kúvi re̱ꞌ máá Cristo. Jee na̱ ka̱ꞌ nákuetúꞌún‑ó Ndiosíꞌ, jee kúñáꞌnú víꞌí re̱ꞌ, jee níso re̱ꞌ fuersáꞌ ííꞌ nasɨ́kuitɨꞌ, jee tátúníꞌ re̱ꞌ tiñu nu̱u̱nꞌ nɨꞌɨ, [ne̱ yanaꞌán jín] ne̱ vitan, jín nɨ́ɨ́nkání. Sukuán koo. Amén.