1 Corintios 8:1 - Mixteco del suroeste de Tlaxiaco Oaxaca

¹ Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

1 Corintios 8:1 ပူးပေါင်းရင်းမြစ်များ

Hechos 15:10

Saájee, ¿na̱kui chi kénta rán si̱kɨ̱ꞌ ya̱ sáꞌá Ndiosíꞌ, sáva síkítɨ́ꞌ rán iniꞌ re̱ꞌ? Chi jiáꞌa rán ɨɨn tiñu véi nasɨ́kuitɨꞌ nu̱u̱nꞌ rá ñɨvɨ níkɨ́nꞌ ñujiínꞌ Jesús, ya̱ ntu nkúvi kuniso‑ó maa ni rá tátáꞌ‑ó yanaꞌán.

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

Hechos 21:25

Soo rá ñɨvɨ, ya̱ ntu kúvi Israel, ya̱ ínúꞌ iniꞌ ráa tu̱ꞌun Jesús, jee ya ntee ránꞌ tu̱ꞌun nu̱u̱nꞌ ráa ya̱ ñani iniꞌ ránꞌ. Nkachiꞌ ránꞌ ya̱ kunii̱yo ráa ya̱ nka̱jíꞌ ráa ku̱ñu ya̱ nsókoꞌ nu̱u̱nꞌ rá santúꞌ ñunéꞌyúꞌ, ni ni̱ñɨ̱ꞌ, ni ku̱ñu rá kitɨ ya̱ jíꞌni ráa su̱ku̱nꞌ, ni koto sáꞌá téní ráa.

Romanos 11:25

Ránoꞌó ñanitáꞌán, kuíni ni̱ꞌ ya̱ kukáꞌnú iniꞌ rán tu̱ꞌun yaꞌá ya̱ ni̱yo yuꞌuꞌ‑u soo nstúvi Ndiosíꞌ maa nu̱u̱nꞌ‑ó. Kuíni ni̱ꞌ ya̱ kuniꞌ rán tu̱ꞌun yaꞌá, sáva nkútéyɨ́ɨ́ rán kani iniꞌ rán ya̱ níchí xi̱ni̱ꞌ rán. Chi nkuna̱a̱ꞌ iniꞌ Ndiosíꞌ ya̱ sava rá ñɨvɨ ya̱ ntu kúvi ñɨvɨ Israel kuneí iniꞌ ráa Cristo. Jee tu̱ꞌun yuꞌuꞌ vá kúvi ya̱ nkuni̱ꞌin ánímaꞌ sava rá ñɨvɨ ñuunꞌ Israel, ne̱kua̱ꞌ nɨꞌɨ rá ñɨvɨ ntu kúvi ñɨvɨ Israel ki̱vɨ ráa xi̱ntíín Ndiosíꞌ saá váji kuneí iniꞌ ráa Cristo.

Romanos 12:16

Jee nuún koo iniꞌ ɨɨn inka rán jín táꞌán rán, jee koto sáꞌá téyɨ́ɨ́ rán maárán, chisaꞌ ɨɨn nuún saꞌá rán maárán jín rá ñɨvɨ láꞌví jee ɨɨn nuún nutútú rán jín ráa. Jee koto kúkaꞌvi iniꞌ rán ya̱ tu̱ꞌva víꞌí rán ka̱ꞌ nsú káꞌ rá ñanitáꞌán rán.

Romanos 14:10

Soo noꞌó, ¿na̱ jie̱ꞌe̱ꞌ chi síjíta nú ñanitáꞌán nú résa? Áxí, ¿na̱ jie̱ꞌe̱ꞌ chi kúníichiꞌ nú néꞌyá nú ñanitáꞌán nú ranika̱ꞌ? Chi nta̱ká‑ó vá kuiñɨ‑ó ichinúúnꞌ nu̱u̱nꞌ keꞌneꞌ Ndiosíꞌ jie̱ꞌe̱ꞌ ya̱ nsa̱ꞌá‑ó.

Romanos 14:14

Jee jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ I̱toꞌoꞌ‑ó Jesús, jíníꞌ ni̱ꞌ jee ínúꞌ nijia iniꞌ ni̱ꞌ ya̱ ntu kúvi kachiꞌ‑ó ya̱ ntu íyó ninuꞌun ni ɨɨn rá nantíñú ya̱ nsa̱ꞌá Ndiosíꞌ chi íyó ninuꞌun maá maáa. Soo retú ɨɨn ñɨvɨ jiáni iniꞌ‑i ya̱ ntu íyó ninuꞌun ɨɨn tiñu áxí nantíñú, saájee stívɨ́‑ɨ maáa retú saꞌá‑a vá.

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

Romanos 14:22

Jee ya̱ ínúꞌ iniꞌ nú ya̱ yɨ́netuꞌ Ndiosíꞌ saꞌá nú maa, jee kuꞌun yuꞌuꞌ iniꞌ maánú maa jín Ndiosíꞌ. Chi na̱ ka̱ꞌ netuꞌ ka̱ꞌ kúvi ñɨvɨ ya̱ ntu síjíta ráa maáráa jie̱ꞌe̱ꞌ ya̱ jiáni iniꞌ ráa ya̱ kuvi saꞌá ráa.

Romanos 14:3

Jee ñɨvɨ ya̱ yájíꞌ nta̱ká nu̱u̱nꞌ, jee koto kúníichiꞌ‑i kune̱ꞌyá‑a ñɨvɨ ya̱ ntu yájíꞌ‑i nta̱ká nu̱u̱nꞌ vá. Jee ñɨvɨ ya̱ ntu yájíꞌ‑i nta̱ká nu̱u̱nꞌ rénákúvi‑i, jee koto síjíta‑a ñɨvɨ ya̱ yájíꞌ‑i nta̱ká nu̱u̱nꞌ rénákúvi. Chi Ndiosíꞌ nyɨ̱netuꞌ re̱ꞌ néꞌyá re̱ꞌ ñɨvɨ vá.

Romanos 15:14

Soo ránoꞌó ñanitáꞌán maáníꞌ, nuꞌuꞌ chi jínúꞌ iniꞌ ni̱ꞌ ya̱ íyó mániꞌ nasɨ́kuitɨꞌ iniꞌ rán néꞌyá rán táꞌán rán, jee jíníꞌ va̱ꞌa rán nɨꞌɨ tu̱ꞌun na̱a̱ꞌ Ndiosíꞌ ya̱ nníꞌinꞌ rán, jee kúvi náxiníꞌvɨ́ꞌ iniꞌ rán ɨɨn inka táꞌán rán saꞌá rán sáni káchíꞌ Tu̱ꞌun Ndiosíꞌ.

1 Corintios 1:5

chi jie̱ꞌe̱ꞌ yɨ́ꞌɨ́ rán nu̱u̱nꞌ Jesús jee nta̱ká nu̱u̱nꞌ nku̱kúká rán jín nɨꞌɨ tu̱ꞌun káꞌánꞌ va̱ꞌa rán jín nɨꞌɨ ya̱ jíníꞌ rán jie̱ꞌe̱ꞌ Ndiosíꞌ.

1 Corintios 10:15

Jee káꞌánꞌ ni̱ꞌ jín rán kuéntáꞌ kúvi rán ñɨvɨ ya̱ tánɨ́ꞌ xi̱ni̱ꞌ, jee sanáaꞌ ránoꞌó jie̱ꞌe̱ꞌ ya̱ káchíꞌ ni̱ꞌ retú ya̱ va̱tu̱ni káchíꞌ ni̱ꞌ, áxí, ntu̱ví.

1 Corintios 10:28

Soo retú néni ɨɨn ñɨvɨ kachiꞌ‑i nu̱u̱nꞌ rán ya̱: “Ku̱ñu ya̱ nsókoꞌ nu̱u̱nꞌ rá santúꞌ kúvi ku̱ñu vá”, jee koto yájíꞌ rán maa, chi ñɨvɨ vá nkachiꞌ maa nu̱u̱nꞌ rán jín jie̱ꞌe̱ꞌ ya̱ jiáni iniꞌ ñɨvɨ vá ya̱ kua̱chi kúvi ya̱ kajiꞌ rán ku̱ñu vá.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

1 Corintios 15:34

Naku̱ꞌun kájí iniꞌ rán jee kaka rán ichi tiñu na̱a̱ꞌ váꞌa, jee koto sáꞌá rán kua̱chi, chi sava ránoꞌó ntu̱ví jíníꞌ ráa iniꞌ Ndiosíꞌ. Jee káchíꞌ ni̱ꞌ rá tu̱ꞌun yaꞌá sukuán sáva koo tu̱nkánuun nu̱u̱nꞌ rán.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

1 Corintios 4:6

Jee saáva ránoꞌó, ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá jie̱ꞌe̱ꞌ nuꞌuꞌ jín jie̱ꞌe̱ꞌ Apolos sáva kúvi ɨɨn ichi váꞌa nu̱u̱nꞌ rán, sáva sáá tésóꞌo ránú jie̱ꞌe̱ꞌ ránuꞌuꞌ jee kutu̱ꞌva rán ya̱ koto jiáꞌa rán ka̱ꞌ nu̱u̱nꞌ tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ sáva ntu kani téyíí iniꞌ rán jie̱ꞌe̱ꞌ ɨɨn ñɨvɨ jee kuniichiꞌ rán rá inka ka̱ꞌ.

1 Corintios 5:2

Jee súka̱ꞌ sukuán kúvi, jee ránoꞌó chi jiáni téyɨ́ɨ́ iniꞌ rán. ¿Á ntu váꞌa ka̱ꞌ retánꞌ jiáni iniꞌ rán tu̱ꞌun ñúkuíꞌyáꞌ iniꞌ, jín ya̱ tavaꞌ rán te̱e vá nteñu rán ya̱ nsa̱ꞌá tiñu yaꞌá résa?

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

1 Corintios 8:2

Jee retú néni ɨɨn ñɨvɨ jiáni iniꞌ‑i ya̱ jíníꞌ va̱ꞌa‑a, soo ntu̱ví chi ni ntiáꞌan kuniꞌ va̱ꞌa‑a sáá íyó kuniꞌ va̱ꞌa‑a.

1 Corintios 8:4

Saájee káchíꞌ ni̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ. Jee jíníꞌ‑ó ya̱ ntu̱náꞌ kúvi rá nantíñú nsa̱ꞌá jín naꞌá íyó iniꞌ ñɨ̱vɨ́ yaꞌá ya̱ néñu̱ꞌun ñɨvɨ, chi ntu̱ví íyó inka ka̱ꞌ ndiosíꞌ chi métúꞌún Ndiosíꞌ tékúꞌ ni vá íyó.

1 Corintios 8:7

Soo nsú nɨꞌɨ rá ñɨvɨ jíníꞌ ráa yaꞌá, jee sava ráa nka̱an ráa néñu̱ꞌun ráa rá nantíñú nsa̱ꞌá jín naꞌá ne̱ ntiáꞌan ji̱nu̱ꞌ iniꞌ ráa Cristo, jee ne̱ vitan jiáni iniꞌ ráa ya̱ néñu̱ꞌun ñɨvɨ rá nantíñú nsa̱ꞌá jín naꞌá sáá yájíꞌ ñɨvɨ neyu ya̱ sókóꞌ rá ñɨvɨ nu̱u̱nꞌ‑u. Jee táyáꞌ iniꞌ ráa chi ntiáꞌan kujia iniꞌ ráa jín Tu̱ꞌun Ndiosíꞌ, jee retú yájíꞌ ráa maa jee ñúkuáchi iniꞌ ráa chi káꞌvi iniꞌ ráa sáꞌá ráa kua̱chi.

Efesios 4:16

Jee kúvi ntáká‑ó kuéntáꞌ yɨkɨkúñu re̱ꞌ, ya̱ náketáꞌán kutú nɨꞌɨ jín rá nu̱u̱nꞌ ñútáꞌán jín rá tu̱chi fuersáꞌ, jee nunuún iniꞌ ntáká‑ó. Jee sáá nuún chíneí táꞌán va̱ꞌa‑ó sánikua̱ꞌ tiñu kúvi sáꞌá ta ɨɨn‑ó, jee sukuán síkújia iniꞌ táꞌán‑ó ka̱ꞌ sáva sikuéꞌnu‑ó táꞌán‑ó jín tu̱ꞌun ñúnúunꞌ táꞌán.

Colosenses 2:18

Jee koto jiáꞌa rán ya̱ xináꞌví ni ɨɨn ñɨvɨ ránoꞌó ya̱ kasɨꞌ ráa ni̱ꞌi̱nꞌ rán ta̱ꞌvi̱ꞌ rán, chi yɨ́tuvi ráa ya̱ xtúvi láꞌví ráa iniꞌ rán, jín ya̱ kuneñu̱ꞌun ráa rá najiáꞌáꞌ ííꞌ Ndiosíꞌ. Jee kíní ráa maáráa nu̱u̱nꞌ tiñu ya̱ ntu jíníꞌ kájíkuitɨꞌ ráa. Jee jiáni ka̱ꞌá téyɨ́ɨ́ iniꞌ ráa, chi antúníꞌ ráa yɨ́ꞌɨ́ xi̱ntíín ya̱ níyo néꞌén iniꞌ ráa, ya̱ ntu yɨ́ꞌɨ́‑ɨ naꞌá Ndiosíꞌ.

Apoclipsis 2:14

’Soo súka̱ꞌ sukuán íyó soo íyó yakuꞌ kua̱chi si̱kɨ̱ꞌ rán nu̱u̱nꞌ ni̱ꞌ. Chi nteñu ránoꞌó íyó sava rá ñɨvɨ ya̱ jínúꞌ iniꞌ ráa níkɨ́nꞌ ráa tu̱ꞌun ya̱ nxi̱néꞌénꞌ Balaam. Chi ne̱ tiempúꞌ yanaꞌán jee suvire̱ꞌ nxi̱néꞌénꞌ re̱ꞌ Balac na̱ja saꞌá máñáꞌ‑a sáva sikívɨ‑ɨ rá ñɨvɨ Israel nu̱u̱nꞌ kua̱chi, ya̱ kajiꞌ ráa rá nantíñú nso̱ko̱ꞌ nu̱u̱nꞌ rá santúꞌ ñunéꞌyúꞌ, jín ya̱ jiáꞌnu ráa jín tiñu téní.

Apoclipsis 2:20

’Soo súka̱ꞌ sukuán íyó soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ. Chi yɨ́netuꞌ rán néꞌyá rán nu̱u̱nꞌ ɨɨn ñaꞌan naní Jezabel ya̱ káchíꞌ ña nika̱ꞌ ya̱ kúvi ña ñaꞌan ya̱ nákani ña tu̱ꞌun kéne yuꞌú Ndiosíꞌ, soo ntu̱ví. Jee xínéꞌénꞌ ña jee xínáꞌví ña rá musúꞌ ni̱ꞌ ya̱ yɨ́tíñú ráa nu̱u̱nꞌ ni̱ꞌ, sáva saꞌá téní ráa, jín ya̱ kajiꞌ ráa rá sókóꞌ ñɨvɨ nu̱u̱nꞌ rá santúꞌ ñunéꞌyúꞌ.