1 Corintios 7:7 - Mixteco del suroeste de Tlaxiaco Oaxaca

⁷ Soo káꞌvi iniꞌ ni̱ꞌ ya̱ réáꞌ va̱ꞌa retánꞌ nɨꞌɨ ñɨvɨ koo ráa kuéntáꞌ nuꞌuꞌ ya̱ ntu náka ni̱ꞌ ñaꞌan. Soo ta ɨɨn ɨɨn ñɨvɨ ni̱ꞌi̱nꞌ‑i sɨ́ɨ́n sɨ́ɨ́n ta̱ꞌvi̱ꞌ nu̱u̱nꞌ Ndiosíꞌ chineí re̱ꞌ ráa. Chi nu̱u̱nꞌ ɨɨn ñɨvɨ jiáꞌa Ndiosíꞌ ɨɨn ta̱ꞌvi̱ꞌ chíneí re̱ꞌ maa sáva kuvi kuneeꞌ náꞌví‑i, jee nu̱u̱nꞌ inka ñɨvɨ jiáꞌa re̱ꞌ sɨ́ɨ́n sɨ́ɨ́n ta̱ꞌvi̱ꞌ chíneí re̱ꞌ maa sáva kuvi tana̱ꞌá‑a.

1 Corintios 7:7 ပူးပေါင်းရင်းမြစ်များ

Génesis 30:34

Jee nna̱xiníkó Labán: ―Va̱tu̱ni, kuvi sánikua̱ꞌ tu̱ꞌun káchíꞌ nú ―nkachiꞌ Labán.

Hechos 26:29

Saájee nkachiꞌ Pablo: ―Á yakuꞌ ka̱ꞌ áxí kue̱ꞌe̱ꞌ, jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ nsú kua̱chi maánú, chi ne̱ jín nɨꞌɨ rá ñɨvɨ tésóꞌo nuꞌuꞌ vitan, kenta kuvi ráa [cristiano] kuéntáꞌ maáníꞌ, soo súnika̱ꞌ nsáꞌ kúnuꞌniꞌ rán kua̱ꞌ nnuꞌniꞌ ni̱ꞌ.

Romanos 12:6

Jee suni sukuán íyó sɨ́ɨ́n sɨ́ɨ́n rá ta̱ꞌvi̱ꞌ‑ó sáni nsi̱kútaꞌviꞌ Ndiosíꞌ nu̱u̱nꞌ ta ɨɨn ɨɨn‑ó chíneí re̱ꞌ sáꞌá‑ó tiñu re̱ꞌ. Retú ni̱ꞌi̱nꞌ nú ta̱ꞌvi̱ꞌ ya̱ nakani nú tu̱ꞌun kene yuꞌú Ndiosíꞌ, saꞌá maa sánikua̱ꞌ chúkúꞌva Ndiosíꞌ jiáꞌa re̱ꞌ ya̱ kúneí iniꞌ nú re̱ꞌ.

1 Corintios 12:11

Jee ntáká rá tiñu yaꞌá, jee métúꞌún ni Ta̱chi̱ꞌ Ííꞌ Ndiosíꞌ ví ya̱ sáꞌá maa jee suni maá Ta̱chi̱ꞌ Ííꞌ vá ví ya̱ sájiáꞌ maa nu̱u̱nꞌ ta ɨɨn ɨɨn‑ó sánikua̱ꞌ kuíni maáa.

1 Corintios 12:4

Jee sɨ́ɨ́n sɨ́ɨ́n ta̱ꞌvi̱ꞌ íyó ya̱ níꞌínꞌ ta ɨɨn ɨɨn‑ó sáni tiñu chíneí re̱ꞌ saꞌá ta ñɨvɨ, soo ɨɨn ni Ta̱chi̱ꞌ Ííꞌ jiáꞌa rá ta̱ꞌvi̱ꞌ vá.

1 Corintios 7:8

Soo káchíꞌ ni̱ꞌ nu̱u̱nꞌ rá ñɨvɨ ya̱ ntiáꞌan tana̱ꞌá, jín nu̱u̱nꞌ rá ñaꞌan ya̱ nkino̱o náꞌví, ya̱ íyó va̱ꞌa retánꞌ kino̱o ráa kuneeꞌ náꞌví ráa kuéntáꞌ suni nééꞌ nuꞌuꞌ.

1 Corintios 9:15

Soo nuꞌuꞌ chi ni ntu̱náꞌ ni̱ka̱nꞌ ni̱ꞌ ya̱ taji rán nu̱u̱nꞌ ni̱ꞌ ya̱ íyó ni̱ꞌi̱nꞌ ni̱ꞌ ya̱ taji rán ya̱ kutekuꞌ ni̱ꞌ. Jee ntu tée ni̱ꞌ tu̱ꞌun yaꞌá nu̱u̱nꞌ rán sáva sukuán taji rán ya̱ kutekuꞌ ni̱ꞌ. Chi va̱ꞌa ka̱ꞌ ví nu̱u̱nꞌ nuꞌuꞌ ya̱ retánꞌ kuviꞌ ni̱ꞌ nsú ká kasɨꞌ ɨɨn ñɨvɨ nu̱u̱nꞌ nuꞌuꞌ ya̱ kúvi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ ntu níꞌínꞌ ni̱ꞌ ya̱ kutekuꞌ ni̱ꞌ nu̱u̱nꞌ rán.

1 Corintios 9:5

Jee, ¿á nsáꞌ íyó kuvi kunaka ráníꞌ ñasɨ́ꞌɨ́ ya̱ jínúꞌ iniꞌ ráa tu̱ꞌun jie̱ꞌe̱ꞌ Jesús sáva kutáꞌán ráa jín ránꞌ ré né núꞌ kua̱ꞌa̱nꞌ ránꞌ, kuéntáꞌ íyó ñasɨ́ꞌɨ́ rá inka ka̱ꞌ rá tée kúvi apóstol, jín rá te̱e ya̱ kúvi ñaniꞌ I̱toꞌoꞌ‑ó, jín suni Pedro rúja?