1 Corintios 7:31 - Mixteco del suroeste de Tlaxiaco Oaxaca

³¹ Jee rá ñɨvɨ ya̱ jítú iniꞌ ráa rá nantíñú íyó iniꞌ ñɨ̱vɨ́, jee kueꞌnu ráa kuéntáꞌ retánꞌ ntu̱ví jítú iniꞌ ráa jie̱ꞌe̱ꞌ rá nantíñú vá. Ñúꞌún iniꞌ‑ó suꞌva chi nɨꞌɨ ya̱ íyó néꞌyá‑ó iniꞌ ñɨ̱vɨ́ yaꞌá jee yatin kenta naanꞌ‑a.

1 Corintios 7:31 ပူးပေါင်းရင်းမြစ်များ

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

1 Corintios 7:30

Jee rá ñɨvɨ ya̱ jiáku iniꞌ, jee nsáꞌ nukuíꞌyáꞌ iniꞌ ráa jie̱ꞌe̱ꞌ vá ya̱ kuéntáꞌ retánꞌ ntu̱ví íyó tu̱ꞌun jiáku iniꞌ ráa. Jee rá ñɨvɨ ya̱ íyó tu̱ꞌun kúsɨ́ɨꞌ iniꞌ, jee nsáꞌ naniꞌvɨꞌ iniꞌ ráa jie̱ꞌe̱ꞌ vá ya̱ kuéntáꞌ retánꞌ ntu̱ví kúsɨ́ɨꞌ iniꞌ ráa. Jee rá ñɨvɨ ya̱ kéꞌen nantíñú, jee saꞌá ráa ya̱ kuéntáꞌ retánꞌ nsú nantíñú ráa ví‑i.

1 Corintios 9:18

Jee saáva, ¿ná ya̱ꞌvi ni̱ꞌ koo‑o rúja? Ya̱ꞌvi ni̱ꞌ kúvi yaꞌá: sáá stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús jee ntu kéya̱ꞌvi ni̱ꞌ nu̱u̱nꞌ rán jie̱ꞌe̱ꞌ táji ni̱ꞌ nu̱u̱nꞌ rán tu̱ꞌun váꞌa vá, sáva ntu̱náꞌ ñátíñú ni̱ꞌ ya̱ íyó ni̱ꞌi̱nꞌ ni̱ꞌ ya̱ kutekuꞌ ni̱ꞌ jie̱ꞌe̱ꞌ stékútu̱ꞌún ni̱ꞌ tu̱ꞌun I̱toꞌoꞌ‑ó.

Hebreos 12:27

Jee tu̱ꞌun yaꞌá ya̱ káchíꞌ ya̱ “ɨɨn íchí ka̱ꞌ”, stúvi‑i nu̱u̱nꞌ‑ó ya̱ siíyo Ndiosíꞌ ntáká rá nantíñú ya̱ kúvi kajiaꞌ, ya̱ kúvi rá nantíñú nsa̱ꞌá re̱ꞌ, sáva saꞌá re̱ꞌ ya̱ kino̱o kutú nɨ́ɨ́nkání ya̱ ntu kúvi kajiaꞌ.

Santiago 4:14

Soo suvirán ni ntu jíníꞌ rán ná kuvi ki̱vɨ̱ꞌ steñu̱ꞌún. ¿Ná kúvi ya̱ kunoꞌo jín rán ichinúúnꞌ? Chi kúvi rán kuéntáꞌ vi̱ko̱ꞌ ya̱ kítúvi ɨɨnúún ni jee kuíre núñúꞌún‑u.

1 Pedro 1:24

Chi káchíꞌ nu̱u̱nꞌ Tutuꞌ Ííꞌ ya̱: Ntáká ñɨvɨ ñɨ̱vɨ́ kúvi ráa kuéntáꞌ yu̱ku̱ꞌ, jee ntáká ya̱ viiꞌ íyó ñɨvɨ kúvi kuéntáꞌ itaꞌ yúkú, chi náchi yu̱ku̱ꞌ, jee jiétéꞌ itaꞌ.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

1 Juan 2:17

Jee ñɨ̱vɨ́ chi kua̱nɨꞌɨ‑ɨ, jín rá íyó iniꞌ‑i ya̱ níyo iniꞌ‑ó. Soo ñɨvɨ ya̱ sáꞌá sánikua̱ꞌ kuíni Ndiosíꞌ kino̱o kutú‑u jín re̱ꞌ nɨ́ɨ́nkání.