1 Corintios 7:30 - Mixteco del suroeste de Tlaxiaco Oaxaca

³⁰ Jee rá ñɨvɨ ya̱ jiáku iniꞌ, jee nsáꞌ nukuíꞌyáꞌ iniꞌ ráa jie̱ꞌe̱ꞌ vá ya̱ kuéntáꞌ retánꞌ ntu̱ví íyó tu̱ꞌun jiáku iniꞌ ráa. Jee rá ñɨvɨ ya̱ íyó tu̱ꞌun kúsɨ́ɨꞌ iniꞌ, jee nsáꞌ naniꞌvɨꞌ iniꞌ ráa jie̱ꞌe̱ꞌ vá ya̱ kuéntáꞌ retánꞌ ntu̱ví kúsɨ́ɨꞌ iniꞌ ráa. Jee rá ñɨvɨ ya̱ kéꞌen nantíñú, jee saꞌá ráa ya̱ kuéntáꞌ retánꞌ nsú nantíñú ráa ví‑i.

1 Corintios 7:30 ပူးပေါင်းရင်းမြစ်များ

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Lucas 6:21

’Na̱ ka̱ꞌ netuꞌ ka̱ꞌ kúvi ránoꞌó ñɨvɨ ya̱ vitan jíꞌíꞌ rán so̱ko, chi koo ya̱ kajiꞌ rán ne̱ kuvi iniꞌ rán. ’Na̱ ka̱ꞌ netuꞌ ka̱ꞌ kúvi ránoꞌó ya̱ vitan náꞌyúꞌ rán, chi kiji ya̱ ne̱ kue̱ku̱ꞌ rán.

Lucas 6:25

’¡Na̱ ka̱ꞌ náꞌví ka̱ꞌ ránoꞌó ñɨvɨ ya̱ vitan jee ne̱ kúvi iniꞌ rán yájíꞌ rán!, chi kiji ya̱ kujiꞌiꞌ rán so̱ko. ’¡Na̱ ka̱ꞌ náꞌví ka̱ꞌ ránoꞌó ñɨvɨ ya̱ ne̱ jiákúꞌ rán vitan!, chi kiji ya̱ koo tu̱nkuíꞌyáꞌ iniꞌ rán jee kunaꞌyuꞌ rán.

Juan 16:22

Jee suni sukuán ntañúꞌún kúkuéká iniꞌ rán, soo tukuni nakuniꞌ ni̱ꞌ ránoꞌó, jee kusɨ̱ɨ̱ꞌ nasɨ́kuitɨꞌ iniꞌ ánímaꞌ rán. Jee ni ɨɨn ntu̱náꞌ kuvi sííyo ya̱ kúsɨ́ɨꞌ iniꞌ rán.

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

1 Corintios 7:31

Jee rá ñɨvɨ ya̱ jítú iniꞌ ráa rá nantíñú íyó iniꞌ ñɨ̱vɨ́, jee kueꞌnu ráa kuéntáꞌ retánꞌ ntu̱ví jítú iniꞌ ráa jie̱ꞌe̱ꞌ rá nantíñú vá. Ñúꞌún iniꞌ‑ó suꞌva chi nɨꞌɨ ya̱ íyó néꞌyá‑ó iniꞌ ñɨ̱vɨ́ yaꞌá jee yatin kenta naanꞌ‑a.

Apoclipsis 18:7

Jee sánikua̱ꞌ kútéyɨ́ɨ́ víꞌí‑i ya̱ kúká víꞌí jiáꞌnu‑u jín nɨꞌɨ ya̱ kúmí‑i, jee sánikua̱ꞌ kútéyɨ́ɨ́‑ɨ sukuán suni sukuán naxinóꞌo rán maa ne̱ koo tu̱nkuéká iniꞌ‑i. Chi jiáni iniꞌ ánímaꞌ‑a, jee káchíꞌ‑i: “Nééꞌ ni̱ꞌ tátúníꞌ ni̱ꞌ kúvi ni̱ꞌ ɨɨn reina, jee ntu nóꞌo ni̱ꞌ kuéntáꞌ ɨɨn ñaꞌan náꞌví, jee ni nsáꞌ kunoꞌo ni̱ꞌ tu̱nkuéká iniꞌ”, káchíꞌ‑i.

Apoclipsis 7:17

Chi maáréꞌ ya̱ kúvi re̱ꞌ Lanchi Lúlí Ndiosíꞌ ya̱ íñɨ́ ma̱ꞌñú teyuꞌ nu̱u̱nꞌ nééꞌ Ndiosíꞌ tátúníꞌ‑i jee kúmí re̱ꞌ ráa kuéntáꞌ lanchi re̱ꞌ kúvi ráa. Jee kunaka re̱ꞌ ráa kɨ̱ꞌɨ̱nꞌ re̱ꞌ jín ráa nu̱u̱nꞌ kéne nute ya̱ sáꞌá ya̱ kutekuꞌ ráa jín re̱ꞌ. Jee sijíchíꞌ Ndiosíꞌ nɨꞌɨ ntenúúnꞌ nchinúún ráa.