1 Corintios 6:9 - Mixteco del suroeste de Tlaxiaco Oaxaca

⁹ ¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,

1 Corintios 6:9 ပူးပေါင်းရင်းမြစ်များ

Génesis 19:5

Jee nka̱najíín ráa xi̱ni̱ꞌ Lot jee nkachiꞌ ráa: ―¿Né núꞌ íyó rá te̱e ntiaaꞌ nu̱u̱nꞌ nú yakuááꞌ vitan? ¡Tavaꞌ ráa!, sáva tɨɨn xe̱e̱nꞌ ránꞌ ráa ―nkachiꞌ ráa.

Mateo 19:29

Jee ntáká ñɨvɨ ya̱ nxi̱nóo ráa, á veꞌi‑i, á ñaniꞌ‑i, á ku̱ꞌva‑a, á ku̱ꞌvi̱ꞌ‑i, á tátáꞌ‑a, á nánáꞌ‑a, á ñasɨ́ꞌɨ́‑ɨ, á se̱ꞌya‑a, á ñuꞌun‑u, jie̱ꞌe̱ꞌ yɨ́tíñú‑u nu̱u̱nꞌ nuꞌuꞌ, jee ni̱ꞌi̱nꞌ ráa sientúꞌ (100) víꞌí ka̱ꞌ ya̱ taji Ndiosíꞌ, nsú káꞌ kua̱ꞌ nxi̱nóo ráa, jee suni ni̱ꞌi̱nꞌ ráa nanitáꞌvíꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ.

Mateo 25:34

’Saájee nuꞌuꞌ ya̱ kúvi ni̱ꞌ ya̱ tátúníꞌ nu̱u̱nꞌ nɨꞌɨ jee kachiꞌ ni̱ꞌ nu̱u̱nꞌ rá ñɨvɨ íñɨ́ ichi kuáꞌá ni̱ꞌ: “Neꞌenꞌ ránoꞌó, ya̱ netuꞌ kúvi rán nsa̱ꞌá Tátáꞌ ni̱ꞌ, jee ni̱ꞌi̱nꞌ rán ta̱ꞌvi̱ꞌ ya̱ váꞌa ya̱ yɨ́ꞌɨ́ rán xi̱ntíín re̱ꞌ tátúníꞌ re̱ꞌ nu̱u̱nꞌ rán ya̱ ya íyó túꞌva‑a ne̱ sáá nka̱jiéꞌé ña̱ko̱o ñɨ̱vɨ́ yaꞌá nsa̱ꞌá re̱ꞌ.

Lucas 21:8

Saájee nkachiꞌ re̱ꞌ: ―Kumí rán maárán ya̱ ni ntu̱náꞌ xináꞌví ñɨvɨ ránoꞌó. Chi kue̱ꞌe̱ꞌ ñɨvɨ káñunkúún kachiꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ jee kachiꞌ ráa: “Nuꞌuꞌ ví Cristo”, jee suni kachiꞌ ráa ya̱: “Ya nku̱yatin tiempúꞌ”, ñani Ndiosíꞌ kiji ni̱ꞌ tatúníꞌ ni̱ꞌ ñɨ̱vɨ́, soo koto níkɨ́nꞌ rán ráa.

Hechos 20:32

’Vitan jee xínóo ni̱ꞌ ránoꞌó naꞌá Ndiosíꞌ sáva nachituvi re̱ꞌ ránoꞌó, jín xi̱ntíín tu̱ꞌun re̱ꞌ jie̱ꞌe̱ꞌ íyó mániꞌ iniꞌ re̱ꞌ, ya̱ kúvi sikújia tu̱ꞌun vá ránoꞌó kúneí iniꞌ rán Jesús, jín ya̱ kuvi saꞌá‑a ya̱ ni̱ꞌi̱nꞌ rán ta̱ꞌvi̱ꞌ, ya̱ ku̱ꞌva re̱ꞌ nu̱u̱nꞌ nɨꞌɨ rá ñɨvɨ ya̱ nsásɨ́ɨ́n re̱ꞌ ráa sáva kɨꞌɨ ráa nu̱u̱nꞌ re̱ꞌ.

Hechos 24:25

Jee sáá nákani Pablo jie̱ꞌe̱ꞌ ya̱ íyó kino̱o na̱a̱ꞌ ñɨvɨ nu̱u̱nꞌ Ndiosíꞌ, jín jie̱ꞌe̱ꞌ ya̱ íyó nakeꞌen‑ó maáó, jín jie̱ꞌe̱ꞌ ya̱ koo ɨɨn ki̱vɨ̱ꞌ sanáaꞌ Ndiosíꞌ jie̱ꞌe̱ꞌ rá kua̱chi nɨꞌɨ rá ñɨvɨ, jee nyu̱ꞌví Félix, jee nkachiꞌ re̱ꞌ nu̱u̱nꞌ‑u: ―Kuáꞌán ntañúꞌún. Jee sáá íyó tiempúꞌ ni̱ꞌ, jee kana ni̱ꞌ nó.

Romanos 1:18

Chi nstúvi Ndiosíꞌ nu̱u̱nꞌ‑ó ya̱ kítɨ́ꞌ iniꞌ re̱ꞌ jee va̱ji ne̱ antivɨ́ ya̱ xinóꞌo re̱ꞌ ntáká ñɨvɨ ntu sáꞌá ñáꞌnú ráa nu̱u̱nꞌ re̱ꞌ jín ya̱ ntu kínóo na̱a̱ꞌ ráa nu̱u̱nꞌ Ndiosíꞌ. Chi jín rá tiñu niva̱ꞌa sáꞌá ráa jiáxin ráa tu̱ꞌun na̱a̱ꞌ re̱ꞌ.

1 Corintios 15:33

Koto jiáꞌa rán xináꞌví rá ñɨvɨ ránoꞌó jín tu̱ꞌun káꞌánꞌ ráa, chi: “Retú jíka nú jín rá ñɨvɨ kánéꞌén, jee stívɨ́ ráa ránoꞌó nu̱u̱nꞌ ñujiínꞌ váꞌa jíka rán.”

1 Corintios 15:50

Jee ránoꞌó ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán, ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee nsáꞌ ni̱ꞌi̱nꞌ‑i ki̱vɨ‑ɨ nu̱u̱nꞌ tátúníꞌ Ndiosíꞌ. Jee suni yɨkɨkúñu‑ó ya̱ ti̱vɨ́‑ɨ, jee ntu̱ví ni̱ꞌi̱nꞌ‑i ki̱vɨ‑ɨ nu̱u̱nꞌ nsáꞌ ti̱vɨ́‑ɨ ka̱ꞌ.

1 Corintios 3:16

¿Á ntu̱ví jíníꞌ ránú ya̱ kúvi rán veñu̱ꞌun maá Ndiosíꞌ jín ya̱ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ ánímaꞌ rán rúja?

1 Corintios 5:1

Jee ya̱ nááꞌ kúvi nijia ya̱ nni̱ꞌi̱nꞌ ni̱ꞌ tu̱ꞌun ya̱ íyó ɨɨn te̱e nteñu ránú ya̱ sáꞌá re̱ꞌ tiñu téní néꞌí, ya̱ nákusuꞌ re̱ꞌ jín nánáꞌ u̱vi̱ꞌ re̱ꞌ. Jee ne̱ rá inka ñɨvɨ ya̱ ntu tɨ́ɨn ráa Tu̱ꞌun Ndiosíꞌ jee ntu sáꞌá ráa ñujiínꞌ téní víꞌí suꞌva.

1 Corintios 5:10

Soo nsáꞌ nkachiꞌ ni̱ꞌ ya̱ ichi kusɨ́ɨ́n rán nu̱u̱nꞌ rá ñɨvɨ íyó ñɨ̱vɨ́ yaꞌá ya̱ sáꞌá téní, áxí jín rá ñɨvɨ uꞌvi iniꞌ‑i, áxí jín rá ñɨvɨ kuíꞌná, áxí jín rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i. Chi retánꞌ kusɨ́ɨ́n rán nu̱u̱nꞌ rá ñɨvɨ sáꞌá ráa sukuán jee íyó rán ya̱ kene rán iniꞌ ñɨ̱vɨ́ nééꞌ‑ó yaꞌá nékúvi.

1 Corintios 5:11

Soo ntañúꞌún tée ni̱ꞌ tu̱ꞌun nu̱u̱nꞌ tutuꞌ yaꞌá jee nkachiꞌ ni̱ꞌ ya̱ koto kútáꞌán rán jín ni ɨɨn ñɨvɨ ya̱ káchíꞌ‑i kúvi‑i ñanitáꞌán‑ó ya̱ jínúꞌ iniꞌ‑i Cristo, ya̱ sáꞌá téní‑i, áxí u̱ꞌvi̱ꞌ iniꞌ‑i, áxí néñu̱ꞌun‑u rá nantíñú ya̱ nsú Ndiosíꞌ tékúꞌ ví‑i, áxí kákuíyuꞌú‑u, áxí ka̱ꞌva‑a, áxí sákuíꞌná‑a. Jee koto kútáꞌán rán jín ñɨvɨ ya̱ sáꞌá sukuán, ne̱ koto yájíꞌ kuitɨꞌ rán xi̱ta̱ꞌ jín‑i.

1 Corintios 6:10

ni rá ñɨvɨ kuíꞌná, ni rá ñɨvɨ uꞌvi iniꞌ, ni rá ñɨvɨ ka̱ꞌva, ni rá ñɨvɨ kákuíyuꞌú, ni rá ñɨvɨ sáꞌá máñáꞌ, chi nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa.

1 Corintios 6:18

Jee saáva kunu rán siíyo rán maárán nu̱u̱nꞌ rá tiñu téní kúsíkɨ́ iniꞌ rán. Ntáká rá inka kua̱chi ya̱ sáꞌá ñɨvɨ, jee ntu saꞌá‑a kua̱chi si̱kɨ̱ꞌ yɨkɨkúñu‑u. Soo ñɨvɨ ya̱ kúsíkɨ́ iniꞌ‑i tiñu téní jín ñɨvɨ ya̱ ntu̱ví ntánáꞌá jín‑i, jee yukuán kúvi ya̱ sáꞌá‑a kua̱chi si̱kɨ̱ꞌ yɨkɨkúñu‑u.

1 Corintios 6:19

Áxí, ¿á ntu̱ví jíníꞌ rán ya̱ yɨkɨkúñu rán kúvi veñu̱ꞌun nu̱u̱nꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ rán, jín ya̱ níꞌin rán maa nu̱u̱nꞌ Ndiosíꞌ résa? Jín, ¿á ntu jíníꞌ rán ya̱ nsú i̱toꞌoꞌ xí maárán kúvi rán résa?

1 Corintios 9:24

Jee, ¿á ntu jíníꞌ rán ya̱ sáá kunu rá ñɨvɨ jee ntáká kuitɨꞌ ráa jínu nijia, soo kua̱chi métúꞌún ɨɨn ni ví ya̱ kúneí‑i ni̱ꞌi̱nꞌ‑i kutaꞌviꞌ‑i ta̱ꞌvi̱ꞌ‑i rúja? Saáva suni sukuán kuéntáꞌ jínu ɨɨn ñɨvɨ, íyó kueꞌnu rán kuniꞌvɨꞌ iniꞌ rán kuiñɨ ni̱ꞌin rán jín tu̱ꞌun re̱ꞌ sáva kuneí rán ni̱ꞌi̱nꞌ rán ta̱ꞌvi̱ꞌ kutaꞌviꞌ rán ya̱ nachunáán re̱ꞌ nu̱u̱nꞌ ránoꞌó.

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.

Gálatas 6:7

Koto xínáꞌví rán maárán. Chi ni ɨɨn ñɨvɨ nkúvi saꞌá kátá iniꞌ ráa nu̱u̱nꞌ Ndiosíꞌ. Chi sáni sáꞌá ɨɨn ñɨvɨ, suni sukuán ni̱ꞌi̱nꞌ‑i, kuéntáꞌ ɨɨn te̱e táji tataꞌ, nániꞌinꞌ re̱ꞌ tataꞌ sáni ya̱ ntaji re̱ꞌ.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Hebreos 12:16

Jín suni sáva ni nkóo ni ɨɨn ñɨvɨ nteñu rán ya̱ kúsíkɨ́‑ɨ maáa, ni ñɨvɨ ya̱ kuniichiꞌ‑i ya̱ váꞌa jiáꞌa Ndiosíꞌ, kuéntáꞌ nsa̱ꞌá Esaú. Chi nu̱u̱nꞌ kua̱chi ɨɨn ko̱ꞌo̱ꞌ neyu, nsama re̱ꞌ ta̱ꞌvi̱ꞌ re̱ꞌ ya̱ íyó ni̱ꞌi̱nꞌ re̱ꞌ jie̱ꞌe̱ꞌ nkaku re̱ꞌ xíꞌnañúꞌún jee suꞌva nxi̱kó re̱ꞌ maa.

Hebreos 13:4

Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní.

Santiago 1:16

Ránoꞌó ñaniꞌ maáníꞌ ya̱ ñúnúunꞌ ni̱ꞌ, koto stívɨ́ rán ya̱ jiáni iniꞌ rán.

1 Juan 3:7

Ránoꞌó, ya̱ kúvi kuéntáꞌ se̱ꞌya ni̱ꞌ, koto jiáꞌa rán xináꞌví ni ɨɨn ñɨvɨ ránoꞌó, chi ñɨvɨ ya̱ sáꞌá náaꞌ jee ñɨvɨ na̱a̱ꞌ kúvi‑i, kuéntáꞌ na̱a̱ꞌ maáréꞌ.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.