1 Corintios 6:3 - Mixteco del suroeste de Tlaxiaco Oaxaca

³ ¿Á ntu̱ví jíníꞌ rán ya̱ koo ɨɨn ki̱vɨ̱ꞌ ya̱ saꞌá náaꞌ‑ó jie̱ꞌe̱ꞌ rá tiñu nsa̱ꞌá rá najiáꞌáꞌ ííꞌ Ndiosíꞌ rúja? Jee saꞌ víꞌí káꞌ íyó sanáaꞌ‑ó jie̱ꞌe̱ꞌ rá kua̱chi ya̱ íyó iniꞌ ñɨ̱vɨ́ yaꞌá ni tékúꞌ rán yaꞌá.

1 Corintios 6:3 ပူးပေါင်းရင်းမြစ်များ

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

Lucas 8:14

Jee rá nikɨn ya̱ ñéteꞌ nteñu rá yu̱ku̱ꞌ iñu kúvi ráa rá ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ iniꞌ ráa jie̱ꞌe̱ꞌ kue̱ꞌe̱ꞌ tiñu, jee kuíni ráa kukúká ráa, jee yɨ́tíñú ráa nu̱u̱nꞌ ya̱ sɨ́ɨ́ꞌ iniꞌ íyó iniꞌ ñɨ̱vɨ́ yaꞌá ni tékúꞌ ráa, jee sátéꞌéꞌ‑e ráa jee ntu jiáꞌnu ráa ntu jíjia iniꞌ ráa nu̱u̱nꞌ Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Romanos 6:16

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

1 Corintios 6:15

¿Á ntu̱ví jíníꞌ rán ya̱ maá Cristo xí nantíñú ví yɨkɨkúñu rán chi yɨ́ꞌɨ́ rán yɨkɨkúñu re̱ꞌ rúja? ¿Á kaneeꞌ ni̱ꞌ yɨkɨkúñu ni̱ꞌ ya̱ kúvi nantíñú Cristo jee nasikétáꞌán ni̱ꞌ maa jín yɨkɨkúñu ɨɨn ñaꞌan téní rúja? ¡Soo ni nkúvi kuitɨꞌ!

1 Corintios 6:16

Áxí, ¿á ntu̱ví jíníꞌ rán ya̱ retú ɨɨn te̱e ketáꞌán re̱ꞌ kusi̱kɨ́ iniꞌ re̱ꞌ jín ɨɨn ñaꞌan téní ya̱ xíkó ña maáña, jee yukuán jee ɨɨn ni yɨkɨkúñu nnuvi re̱ꞌ jín ña rúja? Chi káchíꞌ tu̱ꞌun níso nu̱u̱nꞌ Tutuꞌ nééꞌ Tu̱ꞌun Ndiosíꞌ: “Ɨɨn ni kuvi núvíꞌ ráa kuéntáꞌ íyó ɨɨn yɨkɨkúñu ni.”

1 Corintios 6:19

Áxí, ¿á ntu̱ví jíníꞌ rán ya̱ yɨkɨkúñu rán kúvi veñu̱ꞌun nu̱u̱nꞌ yɨ́ꞌɨ́ Ta̱chi̱ꞌ Ííꞌ Ndiosíꞌ iniꞌ rán, jín ya̱ níꞌin rán maa nu̱u̱nꞌ Ndiosíꞌ résa? Jín, ¿á ntu jíníꞌ rán ya̱ nsú i̱toꞌoꞌ xí maárán kúvi rán résa?

1 Corintios 6:4

Saáva retú íyó rá tiñu iniꞌ ñɨ̱vɨ́ yaꞌá ya̱ kantátúꞌun ɨɨn inka rán, ¿á jiákɨ́nꞌ rán kua̱chi si̱kɨ̱ꞌ ñanitáꞌán rán nu̱u̱nꞌ ñɨvɨ ya̱ ntu níkɨ́nꞌ ráa Ndiosíꞌ ya̱ kúíchi iniꞌ‑ó ya̱ tátúníꞌ ráa nteñu rá ñanitáꞌán‑ó ya̱ kúneí iniꞌ‑ó Cristo?

2 Timoteo 2:4

Ni ɨɨn te̱e ya̱ sáꞌá tiñu soldado ntu̱ví chítéñú re̱ꞌ jín tiñu maáréꞌ saꞌá re̱ꞌ, chi íyó ya̱ sáꞌá re̱ꞌ tiñu ya̱ sáni kúváꞌa iniꞌ te̱e tátúníꞌ nu̱u̱nꞌ re̱ꞌ.

2 Timoteo 4:10

Chi Demas nxi̱nóo nuꞌuꞌ, chi ñúnúunꞌ re̱ꞌ ka̱ꞌ rá íyó ñɨ̱vɨ́ yaꞌá, jee kua̱ꞌa̱nꞌ re̱ꞌ ne̱ ñuunꞌ Tesalónica. Jee Crescente kua̱ꞌa̱nꞌ ñuunꞌ Galacia. Jee Tito kua̱ꞌa̱nꞌ ñuunꞌ Dalmacia.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.