1 Corintios 6:2 - Mixteco del suroeste de Tlaxiaco Oaxaca

² Áxí, ¿á ntu̱ví jíníꞌ rán ya̱ ɨɨn ki̱vɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Jesús saꞌá náaꞌ ráa keꞌneꞌ ráa kua̱chi jie̱ꞌe̱ꞌ ya̱ sáꞌá rá ñɨvɨ ñɨ̱vɨ́ rúja? Jee retú ránoꞌó jee saꞌá náaꞌ rán kua̱chi ñɨvɨ ñɨ̱vɨ́, jee, ¿á ntu kúneí rán sanáaꞌ rán ɨɨn kua̱chi lúlí ya̱ sáꞌá ɨɨn rá ñanitáꞌán rán rúja?

1 Corintios 6:2 ပူးပေါင်းရင်းမြစ်များ

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Romanos 6:16

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

1 Corintios 1:20

Jee, ¿na̱ nu̱u̱nꞌ íyótiñu te̱e ya̱ káchíꞌ ñɨvɨ ñɨ̱vɨ́ yaꞌá ya̱ níchí xi̱ni̱ꞌ re̱ꞌ? Jee, ¿na̱ nu̱u̱nꞌ íyótiñu mestrúꞌ tiempúꞌ vitan ya̱ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán? Jee, ¿na̱ nu̱u̱nꞌ íyótiñu ñɨvɨ tiempúꞌ vitan ya̱ jíníꞌ káꞌánꞌ viiꞌ sijínúꞌ‑u iniꞌ ñɨvɨ? Chi nsa̱ꞌá sáná Ndiosíꞌ ya̱ níchí íyó ñɨ̱vɨ́ yaꞌá.

1 Corintios 1:21

Chi níchí nasɨ́kuitɨꞌ sáꞌá Ndiosíꞌ, chi nsú ya̱ níchí ñúꞌún xi̱ni̱ꞌ rá ñɨvɨ ñɨ̱vɨ́ sáꞌá ya̱ kuniꞌ ráa iniꞌ Ndiosíꞌ, chisaꞌ nkuva̱ꞌa iniꞌ Ndiosíꞌ ya̱ jiátíñú re̱ꞌ tu̱ꞌun váꞌa re̱ꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa sikáku re̱ꞌ ráa ya̱ kúneí iniꞌ ráa ínúꞌ iniꞌ ráa re̱ꞌ, asúꞌ jiáni iniꞌ rá ñɨvɨ ñɨ̱vɨ́ ya̱ tu̱ꞌun naanꞌ ví tu̱ꞌun re̱ꞌ ya̱ tékútu̱ꞌún nu̱u̱nꞌ ráa.

1 Corintios 6:4

Saáva retú íyó rá tiñu iniꞌ ñɨ̱vɨ́ yaꞌá ya̱ kantátúꞌun ɨɨn inka rán, ¿á jiákɨ́nꞌ rán kua̱chi si̱kɨ̱ꞌ ñanitáꞌán rán nu̱u̱nꞌ ñɨvɨ ya̱ ntu níkɨ́nꞌ ráa Ndiosíꞌ ya̱ kúíchi iniꞌ‑ó ya̱ tátúníꞌ ráa nteñu rá ñanitáꞌán‑ó ya̱ kúneí iniꞌ‑ó Cristo?

2 Corintios 4:18

Ntu tɨ́ɨn kuéntáꞌ‑ó rá túvi néꞌyá‑ó ñɨ̱vɨ́ yaꞌá. Chisaꞌ tɨ́ɨn kuéntáꞌ‑ó ya̱ viiꞌ kúñáꞌnú ka̱ꞌ ya̱ ntu túvi néꞌyá‑ó. Chi ya̱ túvi néꞌyá‑ó tiñu núún ni ví‑i. Soo rá tiñu ya̱ ntu̱ví túvi nijinꞌ néꞌyá‑ó, jee suvi‑i ví ya̱ koo nɨ́ɨ́nkání.

1 Tesalonicenses 3:13

Jee jíkánꞌ táꞌvíꞌ ráníꞌ suꞌva, sáva saꞌá re̱ꞌ ya̱ kuiñɨ kutú ránú ne̱ jín ánímaꞌ rán, ya̱ kusɨ́ɨ́n rán ya̱ nkɨ́ꞌɨ rán nu̱u̱nꞌ ya̱ níváꞌa. Sáva ni ɨɨn ñɨvɨ nchikua̱chi ráa si̱kɨ̱ꞌ ránoꞌó ichinúúnꞌ Tátáꞌ‑ó Ndiosíꞌ, sáá niji tuku I̱toꞌoꞌ‑ó Jesús jín nɨꞌɨ rá ñɨvɨ ya̱ nsa̱ꞌá sɨ́ɨ́n re̱ꞌ ráa yɨ́ꞌɨ́ ráa nu̱u̱nꞌ re̱ꞌ.

Apoclipsis 20:4

Jee kuíre niniꞌ ni̱ꞌ rá teyuꞌ nu̱u̱nꞌ nééꞌ rá tátúníꞌ, jee yukuán ña̱kuneeꞌ rá ñɨvɨ ya̱ nni̱ꞌi̱nꞌ ráa tiñu ya̱ kuvi sanáaꞌ ráa kua̱chi. Jee nna̱tekuꞌ i̱i̱ꞌ rá ánímaꞌ rá ñɨvɨ ya̱ ntéꞌneꞌ xi̱ni̱ꞌ ráa jie̱ꞌe̱ꞌ ya̱ njia̱ꞌa ráa ya̱ naáꞌ jie̱ꞌe̱ꞌ Jesús jín jie̱ꞌe̱ꞌ ya̱ niñɨ na̱a̱ꞌ ráa jín Tu̱ꞌun Ndiosíꞌ. Jee suviráa ví rá ñɨvɨ ya̱ ntu nnéñu̱ꞌun ráa kitɨ xéénꞌ kákini xíꞌnañúꞌún vá, ni jín santúꞌ ñunéꞌyúꞌ maátíꞌ. Jee ni ntu nníꞌínꞌ ráa seña ti̱ꞌ kuniso te̱e̱nꞌ ráa ni jín naꞌá ráa. Jee nna̱tekuꞌ i̱i̱ꞌ ráa, jee nta̱túníꞌ ráa tiñu jín Cristo ɨɨn mil (1000) kui̱ya̱ꞌ.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.