1 Corintios 6:16 - Mixteco del suroeste de Tlaxiaco Oaxaca

¹⁶ Áxí, ¿á ntu̱ví jíníꞌ rán ya̱ retú ɨɨn te̱e ketáꞌán re̱ꞌ kusi̱kɨ́ iniꞌ re̱ꞌ jín ɨɨn ñaꞌan téní ya̱ xíkó ña maáña, jee yukuán jee ɨɨn ni yɨkɨkúñu nnuvi re̱ꞌ jín ña rúja? Chi káchíꞌ tu̱ꞌun níso nu̱u̱nꞌ Tutuꞌ nééꞌ Tu̱ꞌun Ndiosíꞌ: “Ɨɨn ni kuvi núvíꞌ ráa kuéntáꞌ íyó ɨɨn yɨkɨkúñu ni.”

1 Corintios 6:16 ပူးပေါင်းရင်းမြစ်များ

Génesis 2:24

Saáva xinóo te̱e tátáꞌ re̱ꞌ jín nánáꞌ re̱ꞌ jee kutayú re̱ꞌ jín ñasɨ́ꞌɨ́ re̱ꞌ, jee ɨɨn ni kuvi núvíꞌ ráa kuéntáꞌ íyó ɨɨn yɨkɨkúñu ni.

Génesis 34:31

Soo nna̱xiníkó ráa nu̱u̱nꞌ re̱ꞌ: ―¿Á íyó va̱ꞌa ya̱ kua̱tíñú re̱ꞌ ku̱ꞌva ránꞌ kuéntáꞌ ɨɨn ñaꞌan sɨ̱ɨ̱ꞌ iniꞌ ya̱ xíkó ña maáña nu̱u̱nꞌ naní te̱e ni résa? ―nkachiꞌ ráa.

Génesis 38:15

Jee sáá niniꞌ Judá ña, jee nkaꞌvi iniꞌ re̱ꞌ ya̱ kúvi ña ɨɨn rá ñaꞌan sɨ́ɨ́ꞌ iniꞌ ya̱ xíkó ña maáña nu̱u̱nꞌ rá tee, chi jie̱ꞌe̱ꞌ nika̱ꞌ ñasɨꞌ ña yɨkɨnúúnꞌ ña.

Génesis 38:24

Jee sáá njia̱ꞌa yatin u̱ni̱ꞌ yo̱o̱ꞌ, jee njia̱ꞌa rá ñɨvɨ tu̱ꞌun nu̱u̱nꞌ Judá: ―Nxi̱kó sia̱nú nú, Tamar, maáña nkusi̱kɨ́ iniꞌ ña jín inka te̱e jee ntañúꞌún nékue̱ꞌi̱ꞌ ña ―nkachiꞌ ráa nu̱u̱nꞌ Judá. Jee nta̱túníꞌ Judá: ―¡Tavaꞌ rán ña jee teñuꞌunꞌ rán ña! ―nkachiꞌ re̱ꞌ.

Marcos 10:8

Jee ɨɨn ni kuvi núvíꞌ ráa kuéntáꞌ íyó ɨɨn yɨkɨkúñu ni.” Saáva ntu ka̱ꞌ kúvi ráa u̱vi̱ꞌ ñɨvɨ ka̱ꞌ, chisaꞌ ɨɨn ni kúvi ráa.

1 Corintios 6:3

¿Á ntu̱ví jíníꞌ rán ya̱ koo ɨɨn ki̱vɨ̱ꞌ ya̱ saꞌá náaꞌ‑ó jie̱ꞌe̱ꞌ rá tiñu nsa̱ꞌá rá najiáꞌáꞌ ííꞌ Ndiosíꞌ rúja? Jee saꞌ víꞌí káꞌ íyó sanáaꞌ‑ó jie̱ꞌe̱ꞌ rá kua̱chi ya̱ íyó iniꞌ ñɨ̱vɨ́ yaꞌá ni tékúꞌ rán yaꞌá.

Efesios 5:31

Chi káchíꞌ nu̱u̱nꞌ Tutuꞌ Ííꞌ níso Tu̱ꞌun Ndiosíꞌ: Saáva xinóo ɨɨn te̱e tátáꞌ re̱ꞌ jín nánáꞌ re̱ꞌ, jee kutayú re̱ꞌ jín ñasɨ́ꞌɨ́ re̱ꞌ. Jee ɨɨn ni kuvi núvíꞌ ráa kuéntáꞌ íyó ɨɨn yɨkɨkúñu ni.

Hebreos 11:31

Jee jie̱ꞌe̱ꞌ ni̱nu̱ꞌ iniꞌ Rahab nku̱neí iniꞌ ña Ndiosíꞌ, súnika̱ꞌ ñaꞌan sɨ̱ɨ̱ꞌ iniꞌ ya̱ xíkó ña maáña nkuvi ña, jee ntu níꞌíꞌ nkáá ña jín rá ñɨvɨ ya̱ ntu nka̱níjiá ráa Ndiosíꞌ, chi nkuva̱ꞌa iniꞌ ña njia̱ꞌa ña veꞌi ña ya̱ nkino̱o rá te̱e ya̱ ña̱ꞌa̱nꞌ nne̱ꞌyá yuꞌuꞌ rává ñuunꞌ Jericó.