1 Corintios 5:8 - Mixteco del suroeste de Tlaxiaco Oaxaca

⁸ Saájee saꞌá‑ó viko vá soo nsú jín levadura túꞌú jín nsú jín levadura ya̱ kúvi ya̱ sáꞌá úꞌvi iniꞌ jín ya̱ niváꞌa, chisaꞌ jín i̱xta̱tíláꞌ ya̱ ntu yɨ́ꞌɨ́ levadura ya̱ kúvi ya̱ saɨn jiáꞌnu‑ó jín na̱a̱ꞌ jiáꞌnu‑ó.

1 Corintios 5:8 ပူးပေါင်းရင်းမြစ်များ

Mateo 16:12

Saájee ña̱ku̱ꞌun iniꞌ ráa ya̱ nsáꞌ nkachiꞌ Jesús ya̱ kumí ráa maáráa nu̱u̱nꞌ yuchi levadura ya̱ yɨ́ꞌɨ́ i̱xta̱tíláꞌ. Chisaꞌ kumí ráa maáráa nu̱u̱nꞌ rá tu̱ꞌun ya̱ xínéꞌénꞌ rá te̱e fariseo jín rá saduceo.

Mateo 16:6

Saájee nkachiꞌ Jesús nu̱u̱nꞌ ráa: ―Kumí rán maárán, nito koo rán maárán nu̱u̱nꞌ levadura rá te̱e kúvi fariseo, jín rá saduceo ―nkachiꞌ re̱ꞌ.

Marcos 8:15

Jee nta̱túníꞌ re̱ꞌ nu̱u̱nꞌ ráa [jie̱ꞌe̱ꞌ tu̱ꞌun xínéꞌénꞌ rá fariseo]: ―Kumí rán maárán. Nito koo rán maárán nu̱u̱nꞌ levadura rá fariseo jín levadura Herodes.

Lucas 12:1

Jee ni ya̱ kúvi sukuán, jee nku̱tútú ntántúníꞌ mil rá ñɨvɨ kue̱ꞌe̱ꞌ, jee ne̱ nákuniꞌi táꞌán ráa ya̱ta̱ꞌ ɨɨn inka rá táꞌán ráa. Jee nka̱jiéꞌé Jesús káchíꞌ re̱ꞌ xíꞌna ka̱ꞌ nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ, jee nkachiꞌ re̱ꞌ nu̱u̱nꞌ ráa: ―Kumí rán maárán koto tɨ́ɨn rán rá tu̱ꞌun káꞌánꞌ rá te̱e fariseo, chi te̱e sansuꞌva kúvi ráa jee kuéntáꞌ kua̱ꞌ levadura, chi jiéténuun tu̱ꞌun ráa nu̱u̱nꞌ rá ñɨvɨ jee kenta nuún kuvi ráa ñɨvɨ sansuꞌva, kuéntáꞌ kua̱ꞌ sáꞌá levadura sáá xínáa‑a chi̱ji ñujien.

Juan 1:47

Jee sáá niniꞌ Jesús Natanael ya̱ váji kuyatin‑i, jee nkaꞌanꞌ re̱ꞌ jie̱ꞌe̱ꞌ‑e: ―Yaꞌá ví nijia ɨɨn se̱ꞌya tataꞌ ñuunꞌ Israel ya̱ kúvi te̱e na̱a̱ꞌ, ya̱ ntu ñúꞌún tu̱ntúꞌún tuꞌva yuꞌú re̱ꞌ ―nkachiꞌ Jesús.

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

1 Corintios 5:1

Jee ya̱ nááꞌ kúvi nijia ya̱ nni̱ꞌi̱nꞌ ni̱ꞌ tu̱ꞌun ya̱ íyó ɨɨn te̱e nteñu ránú ya̱ sáꞌá re̱ꞌ tiñu téní néꞌí, ya̱ nákusuꞌ re̱ꞌ jín nánáꞌ u̱vi̱ꞌ re̱ꞌ. Jee ne̱ rá inka ñɨvɨ ya̱ ntu tɨ́ɨn ráa Tu̱ꞌun Ndiosíꞌ jee ntu sáꞌá ráa ñujiínꞌ téní víꞌí suꞌva.

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 8:8

Soo nsáꞌ káchíꞌ ni̱ꞌ yaꞌá sáva tatúníꞌ ni̱ꞌ maa nu̱u̱nꞌ ránoꞌó. Chisaꞌ kuíni ni̱ꞌ ya̱ kuniꞌ rán na̱sa ñúkáñá iniꞌ rá inka ñanitáꞌán, sáva kototúníꞌ ni̱ꞌ ránoꞌó sáva stúvi rán ya̱ máá naáꞌ nijia ya̱ ñúnúunꞌ rán ñɨvɨ.

Efesios 6:24

Na̱ ka̱ꞌ íyó mániꞌ iniꞌ Ndiosíꞌ kune̱ꞌyá re̱ꞌ ntáká ránoꞌó ya̱ ñúnúunꞌ rán I̱toꞌoꞌ‑ó Jesús ya̱ kúvi Cristo, ya̱ ni nsáꞌ nuyakuꞌ ya̱ ñúnúunꞌ rán maa.

1 Pedro 4:2

sáva ntu kueꞌnu‑u ka̱ꞌ nu̱u̱nꞌ rá tiñu níváꞌa ya̱ níyo iniꞌ rá ñɨvɨ rá tiempúꞌ tékúꞌ‑u iniꞌ yɨkɨkúñu‑u. Chisaꞌ kueꞌnu‑u sáni kuíni Ndiosíꞌ.