1 Corintios 5:7 - Mixteco del suroeste de Tlaxiaco Oaxaca

⁷ Tavaꞌ rán kua̱chi rán ya̱ kúvi kuéntáꞌ levadura túꞌú sáva kuvi rán ñujien jiáá ya̱ ntu yɨ́ꞌɨ́ levadura, sánikua̱ꞌ kúvi nijia rán. Chi íyó nijia ya̱ ni̱ꞌi̱ꞌ Cristo nso̱ko̱ꞌ re̱ꞌ maáréꞌ sáva nakani núne re̱ꞌ yó nkɨ́ꞌɨ‑ó ka̱ꞌ nu̱u̱nꞌ kua̱chi, kuéntáꞌ sókóꞌ ráníꞌ lanchi laꞌlɨꞌ rá viko Pascua.

1 Corintios 5:7 ပူးပေါင်းရင်းမြစ်များ

Mateo 13:33

Jee inka tuku ka̱ꞌ tu̱ꞌun kúnkunuún nkachiꞌ Jesús nu̱u̱nꞌ ráa: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ íyó levadura ya̱ ntɨɨn ɨɨn ñaꞌan, jee nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, nekuaꞌ nxi̱náa‑a kua̱íyó chi̱ji ñujien vá ―nkachiꞌ Jesús.

Marcos 14:12

Jee ki̱vɨ̱ꞌ xíꞌnañúꞌún viko yájíꞌ rá ñɨvɨ Israel i̱xta̱tíláꞌ ya̱ ntu yɨ́ꞌɨ́ levadura, jín sáá jiáꞌníꞌ ráa lanchi lúlí sókóꞌ ráa ya̱ yájíꞌ ráa viko Pascua. Jee rá te̱e súkuáꞌa jín Jesús, ni̱ka̱tu̱ꞌún ráa re̱ꞌ: ―¿Né núꞌ kuíni nú ya̱ kɨ̱saꞌá stákoo ránꞌ, sáva kuxíní‑ó viko Pascua?

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Juan 1:36

Jee sáá niniꞌ Juan ya̱ kua̱jia̱ꞌa Jesús yukuán, jee nkachiꞌ re̱ꞌ: ―Kune̱ꞌyá rán, chi yukuán kua̱ꞌa̱nꞌ te̱e ya̱ kúvi kuéntáꞌ lanchi lúlí Ndiosíꞌ ―nkachiꞌ Juan.

Juan 19:14

Jee ki̱vɨ̱ꞌ yukuán kúvi ki̱vɨ̱ꞌ ya̱ sáꞌá stákoo rá ñɨvɨ ya̱ kenta koo viko Pascua, jee nɨ́ kaxu̱vi̱ꞌ. Saájee nkachiꞌ Pilato nu̱u̱nꞌ rá ñɨvɨ Israel: ―¡Kune̱ꞌyá rán! ¡Yaꞌá íñɨ́ te̱e kúñáꞌnú nu̱u̱nꞌ ránú, ya̱ tátúníꞌ nu̱u̱nꞌ rán!

Romanos 3:25

Chi ñani Ndiosíꞌ Jesús sáva kuviꞌ re̱ꞌ jee katɨ ni̱ñɨ̱ꞌ re̱ꞌ sáva so̱ko̱ꞌ re̱ꞌ maáréꞌ jie̱ꞌe̱ꞌ kua̱chi‑ó, sáva kunekáꞌnú iniꞌ Ndiosíꞌ kua̱chi‑ó, jie̱ꞌe̱ꞌ kúneí iniꞌ‑ó Jesús. Jee sukuán stúvi Ndiosíꞌ ya̱ na̱a̱ꞌ kúvi re̱ꞌ chi njia̱ꞌa re̱ꞌ nu̱u̱nꞌ rá kua̱chi nsa̱ꞌá ñɨvɨ tiempúꞌ yanaꞌán, jee ntu nxínóꞌo re̱ꞌ ráa,

1 Corintios 10:17

Jee súka̱ꞌ kue̱ꞌe̱ꞌ‑ó íyó, soo ɨɨn yɨkɨkúñu kúvi‑ó ya̱ yɨ́ꞌɨ́‑ó nu̱u̱nꞌ Cristo, chi métúꞌún ni ví i̱xta̱tíláꞌ ya̱ yájíꞌ tútú ntáká‑ó, jie̱ꞌe̱ꞌ ya̱ jínúꞌ iniꞌ‑ó I̱toꞌoꞌ‑ó Cristo.

Efesios 4:22

jee saáva, kene rán nu̱u̱nꞌ ñujiínꞌ tiñu ñáꞌnú rán tiempúꞌ ya̱ta̱ꞌ, siíyo rán na̱sa ni̱yo rán, chi stívɨ́‑ɨ ránoꞌó, ya̱ kúvi‑i rá tiñu xínáꞌví níyo iniꞌ ránú.

Apoclipsis 5:12

Jee ni̱ꞌin nkachiꞌ ráa: Maá Lanchi Lúlí ya̱ nso̱ko̱ꞌ re̱ꞌ maáréꞌ ñaꞌniꞌ ñɨvɨ re̱ꞌ, jee íyó ni̱ꞌi̱nꞌ re̱ꞌ ya̱ nísotíñú re̱ꞌ, ya̱ níꞌínꞌ re̱ꞌ nɨꞌɨ ya̱ yɨ́yáꞌvi, ya̱ saá níchí xá xíniꞌ re̱ꞌ, ya̱ saá níso re̱ꞌ fuersáꞌ ííꞌ, ya̱ nákuatáꞌví nɨꞌɨ ya̱ íyó maáréꞌ, ya̱ káchíꞌ nɨꞌɨ ya̱ íyó ya̱ viiꞌ kúñáꞌnú re̱ꞌ, ya̱ nákuetúꞌún nɨꞌɨ ya̱ netuꞌ kúvi re̱ꞌ. Nkachiꞌ rá najiáꞌáꞌ ííꞌ vá.