1 Corintios 5:6 - Mixteco del suroeste de Tlaxiaco Oaxaca

⁶ Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

1 Corintios 5:6 ပူးပေါင်းရင်းမြစ်များ

Mateo 13:33

Jee inka tuku ka̱ꞌ tu̱ꞌun kúnkunuún nkachiꞌ Jesús nu̱u̱nꞌ ráa: ―Suꞌva tátúníꞌ Ndiosíꞌ nééꞌ antivɨ́ nu̱u̱nꞌ rá ñɨvɨ yɨ́ꞌɨ́ xi̱ntíín re̱ꞌ, kúvi‑i kuéntáꞌ íyó levadura ya̱ ntɨɨn ɨɨn ñaꞌan, jee nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, nekuaꞌ nxi̱náa‑a kua̱íyó chi̱ji ñujien vá ―nkachiꞌ Jesús.

Lucas 13:21

Kúvi‑i kuéntáꞌ íyó levadura, ya̱ ntɨɨn ɨɨn ñaꞌan nsakaꞌ ña maa jín o̱ko̱ꞌ xa̱ꞌu̱nꞌ ku̱mi̱ꞌ (39) litro yuchi trigúꞌ, jee nxi̱náa‑a kua̱íyó chi̱ji ñujien vá ―nkachiꞌ Jesús.

Romanos 6:16

¿Á ntu jíníꞌ rán ya̱ retú chiꞌi rán maárán xi̱ntíín inka ñɨvɨ kuéntáꞌ ɨɨn musúꞌ kéꞌen ñɨvɨ sáva kaníjiá rán maa, saájee kúvi rán musúꞌ kéꞌen ya̱ yɨ́ꞌɨ́ rán xi̱ntíín ñɨvɨ vá ya̱ káníjiá rán? Jee suni sukuán kúvi rán musúꞌ yɨ́ꞌɨ́ rán xi̱ntíín kua̱chi retú chiꞌi rán maárán xi̱ntíín kua̱chi kaníjiá rán maa, jee kenta kuéntáꞌ jíꞌíꞌ rán nu̱u̱nꞌ Ndiosíꞌ. Áxí kúvi rán musúꞌ yɨ́ꞌɨ́ rán xi̱ntíín Ndiosíꞌ ya̱ káníjiá rán re̱ꞌ jee kenta kino̱o na̱a̱ꞌ rán nu̱u̱nꞌ re̱ꞌ.

1 Corintios 15:33

Koto jiáꞌa rán xináꞌví rá ñɨvɨ ránoꞌó jín tu̱ꞌun káꞌánꞌ ráa, chi: “Retú jíka nú jín rá ñɨvɨ kánéꞌén, jee stívɨ́ ráa ránoꞌó nu̱u̱nꞌ ñujiínꞌ váꞌa jíka rán.”

1 Corintios 3:21

Saáva koto káꞌánꞌ téyɨ́ɨ́ iniꞌ ni ɨɨn ñɨvɨ jie̱ꞌe̱ꞌ ya̱ íñɨ́‑ɨ jín rá ñɨvɨ, chi nɨꞌɨ ya̱ íyó kúvi nantíñú ránú,

1 Corintios 5:2

Jee súka̱ꞌ sukuán kúvi, jee ránoꞌó chi jiáni téyɨ́ɨ́ iniꞌ rán. ¿Á ntu váꞌa ka̱ꞌ retánꞌ jiáni iniꞌ rán tu̱ꞌun ñúkuíꞌyáꞌ iniꞌ, jín ya̱ tavaꞌ rán te̱e vá nteñu rán ya̱ nsa̱ꞌá tiñu yaꞌá résa?

Gálatas 5:9

[Tu̱ꞌun yaꞌá kukueꞌeꞌ xtaña̱ꞌán‑a kuéntáꞌ levadura.] Chi “retú chuꞌun‑ó ntíꞌ levadura nu̱u̱nꞌ ñujien jee xináa‑a nɨꞌɨ ka̱ꞌ ñujien.”

2 Timoteo 2:17

Jee kutenuun ka̱ꞌ rá tu̱ꞌun xínéꞌénꞌ ráa kuéntáꞌ jíka kueꞌiꞌ ti̱no̱ó. Suꞌva kúvi yaꞌá jín rá te̱e naní Himeneo jín Fileto.

Santiago 4:16

Soo vitan sáꞌá víxiꞌ rán jee káꞌánꞌ téyɨ́ɨ́ rán, jee nɨꞌɨ ya̱ káꞌánꞌ téyɨ́ɨ́ suꞌva kúvi ya̱ niváꞌa.