1 Corintios 5:2 - Mixteco del suroeste de Tlaxiaco Oaxaca

² Jee súka̱ꞌ sukuán kúvi, jee ránoꞌó chi jiáni téyɨ́ɨ́ iniꞌ rán. ¿Á ntu váꞌa ka̱ꞌ retánꞌ jiáni iniꞌ rán tu̱ꞌun ñúkuíꞌyáꞌ iniꞌ, jín ya̱ tavaꞌ rán te̱e vá nteñu rán ya̱ nsa̱ꞌá tiñu yaꞌá résa?

1 Corintios 5:2 ပူးပေါင်းရင်းမြစ်များ

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.