1 Corintios 5:1 - Mixteco del suroeste de Tlaxiaco Oaxaca

¹ Jee ya̱ nááꞌ kúvi nijia ya̱ nni̱ꞌi̱nꞌ ni̱ꞌ tu̱ꞌun ya̱ íyó ɨɨn te̱e nteñu ránú ya̱ sáꞌá re̱ꞌ tiñu téní néꞌí, ya̱ nákusuꞌ re̱ꞌ jín nánáꞌ u̱vi̱ꞌ re̱ꞌ. Jee ne̱ rá inka ñɨvɨ ya̱ ntu tɨ́ɨn ráa Tu̱ꞌun Ndiosíꞌ jee ntu sáꞌá ráa ñujiínꞌ téní víꞌí suꞌva.

1 Corintios 5:1 ပူးပေါင်းရင်းမြစ်များ

Génesis 35:22

Jee sáá nééꞌ Israel (Jacob) nu̱u̱nꞌ ñuꞌun yukuán, jee ña̱ꞌa̱nꞌ Rubén nnu̱ne̱ꞌén re̱ꞌ jín Bilha, ñaꞌan ya̱ nákasaɨn tátáꞌ re̱ꞌ. Jee sáá nku̱káꞌnú iniꞌ tátáꞌ re̱ꞌ ya̱ nsa̱ꞌá re̱ꞌ jee nki̱tɨ̱ꞌ nasɨ́kuitɨꞌ iniꞌ tátáꞌ re̱ꞌ. U̱xu̱vi̱ꞌ (12) rá se̱ꞌya Israel (Jacob) íyó.

Génesis 37:2

Yaꞌá ví tu̱ꞌun jie̱ꞌe̱ꞌ sɨ́ꞌɨ́ veꞌi Jacob. Sáá kúvi José ɨɨn te̱e súchí ya̱ xa̱ꞌu̱nꞌ u̱vi̱ꞌ (17) kui̱ya̱ꞌ, jee kumí re̱ꞌ rá lanchi jín rá ñaniꞌ keín re̱ꞌ, rá kuvi rá se̱ꞌya yɨ́ɨ́ Bilha jín Zilpá, ya̱ kúvi rá ñaꞌan nákasaɨn tátáꞌ José. Jee nna̱kani José nu̱u̱nꞌ tátáꞌ re̱ꞌ ya̱ niváꞌa nsa̱ꞌá rá ñaniꞌ keín re̱ꞌ.

Génesis 49:4

Soo jiáꞌa saꞌá nú kuéntáꞌ jínu nute, jee nkúvi nú ka̱ꞌ ya̱ xíꞌnañúꞌún, chi nka̱a nú nu̱u̱nꞌ i̱to ni̱ꞌ jín ñaꞌan nna̱kasaɨn ni̱ꞌ jee njia̱ꞌa nú tu̱nkánuun nu̱u̱nꞌ‑ó.

Hechos 15:20

Soo tee‑ó tu̱ꞌun kɨ̱ꞌɨ̱nꞌ nu̱u̱nꞌ ráa. Kachiꞌ‑ó nu̱u̱nꞌ tutuꞌ ya̱ chusává ráa maáráa nka̱jíꞌ ráa ku̱ñu sókóꞌ rá ñɨvɨ nu̱u̱nꞌ rá santúꞌ ñunéꞌyúꞌ chi sáꞌá‑a ya̱ ntu̱ví ninuꞌun ráa nu̱u̱nꞌ Ndiosíꞌ, jín ya̱ chusává saꞌá téní ráa, jín ya̱ chusává ráa maáráa nu̱u̱nꞌ ku̱ñu rá kitɨ ya̱ jíꞌni ráa su̱ku̱nꞌ, jín ya̱ chusává ráa maáráa kajiꞌ ráa ni̱ñɨ̱ꞌ.

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

1 Corintios 1:11

Jee káchíꞌ ni̱ꞌ rá yaꞌá nu̱u̱nꞌ ránoꞌó ñanitáꞌán maáníꞌ, chi rá ñɨvɨ táꞌán veꞌi Cloé nsi̱kúkáꞌnú ráa iniꞌ ni̱ꞌ ya̱ íyó tuntíxín nteñu ránoꞌó.

1 Corintios 5:11

Soo ntañúꞌún tée ni̱ꞌ tu̱ꞌun nu̱u̱nꞌ tutuꞌ yaꞌá jee nkachiꞌ ni̱ꞌ ya̱ koto kútáꞌán rán jín ni ɨɨn ñɨvɨ ya̱ káchíꞌ‑i kúvi‑i ñanitáꞌán‑ó ya̱ jínúꞌ iniꞌ‑i Cristo, ya̱ sáꞌá téní‑i, áxí u̱ꞌvi̱ꞌ iniꞌ‑i, áxí néñu̱ꞌun‑u rá nantíñú ya̱ nsú Ndiosíꞌ tékúꞌ ví‑i, áxí kákuíyuꞌú‑u, áxí ka̱ꞌva‑a, áxí sákuíꞌná‑a. Jee koto kútáꞌán rán jín ñɨvɨ ya̱ sáꞌá sukuán, ne̱ koto yájíꞌ kuitɨꞌ rán xi̱ta̱ꞌ jín‑i.

1 Corintios 6:13

Suni káchíꞌ ráa: “Ya̱ yájíꞌ‑ó kúvi ya̱ kuꞌun chi̱ji‑ó, jee chi̱ji‑ó kúvi ya̱ kuꞌun ya̱ yájíꞌ‑ó.” Soo koo ɨɨn ki̱vɨ̱ꞌ ya̱ xináánꞌ Ndiosíꞌ ni núvíꞌ ráa. Soo yɨkɨkúñu‑ó, jee ntu̱ví nsáꞌá Ndiosíꞌ maa sáva kuatíñú‑ó maa saꞌá‑ó tiñu téní kúsíkɨ́ iniꞌ‑ó, chisaꞌ nsa̱ꞌá re̱ꞌ maa sáva kɨtíñú‑ó jín‑i nu̱u̱nꞌ maá I̱toꞌoꞌ‑ó, jee íyó ya̱ kuatíñú I̱toꞌoꞌ‑ó yɨkɨkúñu‑ó.

1 Corintios 6:18

Jee saáva kunu rán siíyo rán maárán nu̱u̱nꞌ rá tiñu téní kúsíkɨ́ iniꞌ rán. Ntáká rá inka kua̱chi ya̱ sáꞌá ñɨvɨ, jee ntu saꞌá‑a kua̱chi si̱kɨ̱ꞌ yɨkɨkúñu‑u. Soo ñɨvɨ ya̱ kúsíkɨ́ iniꞌ‑i tiñu téní jín ñɨvɨ ya̱ ntu̱ví ntánáꞌá jín‑i, jee yukuán kúvi ya̱ sáꞌá‑a kua̱chi si̱kɨ̱ꞌ yɨkɨkúñu‑u.

1 Corintios 6:9

¿Á ntu̱ví jíníꞌ rán ya̱ rá ñɨvɨ ya̱ ntu̱ví kínóo na̱a̱ꞌ ráa nu̱u̱nꞌ Ndiosíꞌ, jee nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa rúja? Jee koto xínáꞌví rán maárán, chi ni rá ñɨvɨ ya̱ kúsíkɨ́ iniꞌ ráa jín tiñu téní jín inka ñɨvɨ ya̱ ntu̱ví ntánáꞌá jín ráa, ni rá ñɨvɨ ya̱ néñu̱ꞌun ráa rá nantíñú ya̱ nsú Ndiosíꞌ tékúꞌ ví‑i, ni rá ñɨvɨ sáꞌá téní, ni rá te̱e xíkó ráa maáráa kúsíkɨ́ ráa jín rá táꞌán te̱e ráa, ni rá ñɨvɨ ya̱ kívɨ ráa ñujiínꞌ xeꞌne,

2 Corintios 12:21

Ñúꞌún yúꞌví iniꞌ ni̱ꞌ ya̱ sáá tukuni kua̱jiaaꞌ ni̱ꞌ nu̱u̱nꞌ ránoꞌó jee sa̱naanꞌ ku̱ꞌva Ndiosíꞌ tu̱ꞌun kánuun nuꞌuꞌ jie̱ꞌe̱ꞌ ya̱ sáꞌá rán. Jee jiaku iniꞌ ni̱ꞌ jie̱ꞌe̱ꞌ kue̱ꞌe̱ꞌ ránoꞌó, ya̱ ya nsa̱ꞌá ráa kua̱chi jee ntu nni̱kó iniꞌ ráa jie̱ꞌe̱ꞌ ya̱ ntu nsa̱ꞌá ninuꞌun ráa, jín jie̱ꞌe̱ꞌ nkusi̱kɨ́ ráa maáráa, jín jie̱ꞌe̱ꞌ ya̱ kánéꞌí nsa̱ꞌá ráa.

2 Corintios 2:5

Soo ñɨvɨ vá ya̱ njiáꞌa‑a tu̱nkuéká iniꞌ, jee nsú kua̱chi nuꞌuꞌ nna̱saꞌá kuéká ñɨvɨ vá iniꞌ ni̱ꞌ, chisaꞌ ne̱ nta̱ká ránoꞌó ranika̱ꞌ naniꞌ níní nna̱chukuéká‑a iniꞌ ntáká ránoꞌó. Soo ntu síkɨꞌ ka̱ꞌ káchíꞌ ni̱ꞌ.

2 Corintios 7:12

Saájee ntee ni̱ꞌ tutuꞌ vá nu̱u̱nꞌ rán, soo nsú kua̱chi jie̱ꞌe̱ꞌ ñɨvɨ vá ya̱ nsa̱ꞌá kua̱chi vá, jee ni nsú jie̱ꞌe̱ꞌ ñɨvɨ ya̱ nníꞌinꞌ‑i nnoꞌo‑o ya̱ níváꞌa vá. Chisaꞌ ntee ni̱ꞌ sáva ichinúúnꞌ Ndiosíꞌ túvi nu̱u̱nꞌ maárán ya̱ ñúꞌún káñá iniꞌ rán jie̱ꞌe̱ꞌ ránuꞌuꞌ.

Gálatas 5:19

Nijinꞌ túvi rá tiñu ya̱ ntu chíꞌi ñɨvɨ naꞌá Ndiosíꞌ, jee sáꞌá ráa sáni níyo néꞌén iniꞌ ráa. Kúvi rá yaꞌá: sáꞌá téní ráa, sáꞌá ráa tiñu néꞌí, tiñu néꞌí kákini sáꞌá ráa,

Efesios 5:3

Soo koto sáꞌá rán ni koto káꞌánꞌ rán jie̱ꞌe̱ꞌ tiñu sáꞌá téní ni ɨɨn rán, ni ya̱ sáꞌá ni ɨɨn rán ntáká nu̱u̱nꞌ tiñu ya̱ ntu̱ví íyó ninuꞌun, ni tiñu ya̱ saꞌá uꞌvi iniꞌ ni ɨɨn rán, sáva ni ɨɨn ñɨvɨ ntu̱náꞌ kúvi kachiꞌ ráa ya̱ sáꞌá rán maa. Chi ntu íyó saꞌá ránoꞌó sukuán ya̱ nsa̱ꞌá sɨ́ɨ́n Ndiosíꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ niváꞌa.

Colosenses 3:5

Saáva xinóo rán ya̱ níyo iniꞌ rá ñɨvɨ ñɨ̱vɨ́ yaꞌá sáꞌá ráa, ya̱ ntu yɨ́ꞌɨ́ ráa xi̱ntíín Ndiosíꞌ, kuéntáꞌ ñaꞌniꞌ rán ya̱ níyo néꞌén iniꞌ rán, ya̱ íyó suꞌva: koto kúsíkɨ́ iniꞌ rán, koto sáꞌá néꞌí rán, koto ñúꞌún téní iniꞌ rán, koto níyo néꞌén iniꞌ rán, koto sáꞌá úꞌvi iniꞌ rán, ya̱ nuún kúvi‑i jín ya̱ néñu̱ꞌun rán nantíñú ya̱ nsú Ndiosíꞌ ví‑i.

1 Tesalonicenses 4:7

Chi ntu nkána Ndiosíꞌ yó sáva saꞌá néꞌí‑ó. Chisaꞌ nkana re̱ꞌ yó sáva koo sɨ́ɨ́n‑ó ya̱ nkɨ́ꞌɨ‑ó nu̱u̱nꞌ ya̱ níváꞌa, jee kɨtíñú‑ó nu̱u̱nꞌ re̱ꞌ.

Apoclipsis 2:21

Jee ya̱ njia̱ꞌa ni̱ꞌ tiempúꞌ sáva nakani iniꞌ ña, soo ni ntu kuíni ña nakani iniꞌ ña xinóo ña ya̱ sáꞌá téní ña.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.