1 Corintios 4:7 - Mixteco del suroeste de Tlaxiaco Oaxaca

⁷ Chi, ¿né ɨɨn sáꞌá sɨ́ɨ́n noꞌó nsú káꞌ inka ñɨvɨ rúja?, jee, ¿na̱ kuvi ya̱ kúmí nú ya̱ ntu nkútaꞌviꞌ nú maa nu̱u̱nꞌ Ndiosíꞌ rúja? Jee retú íyó nijia ya̱ nku̱taꞌviꞌ nú maa, jee, ¿na̱ kuvi chi kútéyɨ́ɨ́ nú jín maánú kuéntáꞌ retánꞌ nsáꞌ nku̱taꞌviꞌ nú kúvi‑i rúja?

1 Corintios 4:7 ပူးပေါင်းရင်းမြစ်များ

Lucas 19:13

Jee [ne̱ ntiáꞌan ka̱ꞌ kene re̱ꞌ] jee nkana re̱ꞌ u̱ji̱ꞌ rá musúꞌ re̱ꞌ, jee njia̱ꞌa re̱ꞌ u̱ji̱ꞌ xu̱ꞌún ka̱a nu̱u̱nꞌ ráa jee ɨɨn ɨɨn nni̱ꞌi̱nꞌ ráa. Jee nkachiꞌ re̱ꞌ nu̱u̱nꞌ ráa: “Satíñú rán jín xu̱ꞌún yaꞌá sikuéꞌnu rán si̱kɨ̱ꞌ‑ɨ, ni ya̱ kua̱ꞌa̱nꞌ ni̱ꞌ ne̱ nenta ni̱ꞌ”, nkachiꞌ re̱ꞌ.

Juan 1:16

Chi ntántúníꞌ ya̱ váꞌa íyó nu̱u̱nꞌ re̱ꞌ, jee nu̱u̱nꞌ nɨꞌɨ vá níꞌínꞌ nta̱ká‑ó maa, jee sukuáni sukuáni kúváꞌa iniꞌ re̱ꞌ chíneí re̱ꞌ yó.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 12:3

Chi, jie̱ꞌe̱ꞌ íyó mániꞌ iniꞌ Ndiosíꞌ vá nsi̱kútaꞌviꞌ re̱ꞌ tiñu kuniso ni̱ꞌ, jee káchíꞌ ni̱ꞌ nu̱u̱nꞌ ntáká ñɨvɨ nteñu rán: Koto jiáni iniꞌ nú ya̱ kúñáꞌnú nú ka̱ꞌ nsú káꞌ kua̱ꞌ sáni íyó nú, chisaꞌ kani kájí iniꞌ ta ɨɨn rán jie̱ꞌe̱ꞌ maánú, sánikua̱ꞌ ya̱ nñu̱ku̱ꞌva ya̱ nta̱sáva Ndiosíꞌ nu̱u̱nꞌ nú ta̱ꞌvi̱ꞌ ya̱ chineí re̱ꞌ noꞌó satíñú nú nu̱u̱nꞌ re̱ꞌ, sáni kúneí iniꞌ nú re̱ꞌ.

Romanos 12:6

Jee suni sukuán íyó sɨ́ɨ́n sɨ́ɨ́n rá ta̱ꞌvi̱ꞌ‑ó sáni nsi̱kútaꞌviꞌ Ndiosíꞌ nu̱u̱nꞌ ta ɨɨn ɨɨn‑ó chíneí re̱ꞌ sáꞌá‑ó tiñu re̱ꞌ. Retú ni̱ꞌi̱nꞌ nú ta̱ꞌvi̱ꞌ ya̱ nakani nú tu̱ꞌun kene yuꞌú Ndiosíꞌ, saꞌá maa sánikua̱ꞌ chúkúꞌva Ndiosíꞌ jiáꞌa re̱ꞌ ya̱ kúneí iniꞌ nú re̱ꞌ.

1 Corintios 15:10

Soo jie̱ꞌe̱ꞌ ni ka̱ꞌ ya̱ níyo ma̱ni̱ꞌ iniꞌ Ndiosíꞌ nku̱náꞌví iniꞌ re̱ꞌ nuꞌuꞌ, saáva nsi̱kútaꞌviꞌ re̱ꞌ nu̱u̱nꞌ ni̱ꞌ ya̱ kúvi ni̱ꞌ apóstol nchu̱ichí re̱ꞌ jín tiñu níso ni̱ꞌ vitan. Jee nsáꞌ ka̱ꞌá níyo ma̱ni̱ꞌ iniꞌ Ndiosíꞌ néꞌyá re̱ꞌ nuꞌuꞌ ya̱ nka̱ji re̱ꞌ nuꞌuꞌ saꞌá ni̱ꞌ tiñu re̱ꞌ, chi saꞌ víꞌí ka̱ꞌ nsa̱tíñú yɨ́ɨ́ ni̱ꞌ nu̱u̱nꞌ re̱ꞌ nsú káꞌ ntáká rá inka ka̱ꞌ te̱e kúvi apóstol. Soo nsú nuꞌuꞌ ví ya̱ sáꞌá tiñu vá, chisaꞌ Ndiosíꞌ ví ya̱ chíneí chítuvi re̱ꞌ nuꞌuꞌ jín tiñu sáꞌá ni̱ꞌ.

1 Corintios 3:5

¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

1 Corintios 5:6

Ntu̱ví íyó va̱ꞌa ya̱ káꞌánꞌ téyɨ́ɨ́ rán, chi, ¿á ntu jíníꞌ rán ya̱ “sú máá lúlí ni levadura chíꞌi‑ó ñujien, jee náa nɨꞌɨ ñujien vá sáꞌá‑a” résa?

1 Corintios 7:7

Soo káꞌvi iniꞌ ni̱ꞌ ya̱ réáꞌ va̱ꞌa retánꞌ nɨꞌɨ ñɨvɨ koo ráa kuéntáꞌ nuꞌuꞌ ya̱ ntu náka ni̱ꞌ ñaꞌan. Soo ta ɨɨn ɨɨn ñɨvɨ ni̱ꞌi̱nꞌ‑i sɨ́ɨ́n sɨ́ɨ́n ta̱ꞌvi̱ꞌ nu̱u̱nꞌ Ndiosíꞌ chineí re̱ꞌ ráa. Chi nu̱u̱nꞌ ɨɨn ñɨvɨ jiáꞌa Ndiosíꞌ ɨɨn ta̱ꞌvi̱ꞌ chíneí re̱ꞌ maa sáva kuvi kuneeꞌ náꞌví‑i, jee nu̱u̱nꞌ inka ñɨvɨ jiáꞌa re̱ꞌ sɨ́ɨ́n sɨ́ɨ́n ta̱ꞌvi̱ꞌ chíneí re̱ꞌ maa sáva kuvi tana̱ꞌá‑a.

Santiago 1:17

Chi nta̱ká ya̱ váꞌa kútaꞌviꞌ‑ó jín nta̱ká ta̱ꞌvi̱ꞌ máá viiꞌ níꞌínꞌ‑ó va̱kuun ne̱ antivɨ́ ne̱ nu̱u̱nꞌ Ndiosíꞌ máá Tátáꞌ‑ó, ya̱ nsa̱ꞌá re̱ꞌ rá jiáꞌa nuva ñuꞌunꞌ ya̱ íyó súkún. Maáréꞌ ntu̱náꞌ sáma iniꞌ re̱ꞌ jee ni ntu sáma re̱ꞌ kuéntáꞌ sáma nu̱u̱nꞌ kátɨ́.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.