1 Corintios 4:4 - Mixteco del suroeste de Tlaxiaco Oaxaca

⁴ Chi jíníꞌ ni̱ꞌ ya̱ ntu̱náꞌ kua̱chi ni̱ꞌ íyó jín tiñu sáꞌá ni̱ꞌ, soo nsú jín nu̱u̱nꞌ yukuán kúvi ya̱ kino̱o na̱a̱ꞌ ni̱ꞌ nu̱u̱nꞌ Ndiosíꞌ, chi maá I̱toꞌoꞌ‑ó kúvi ya̱ sanáaꞌ jie̱ꞌe̱ꞌ nuꞌuꞌ.

1 Corintios 4:4 ပူးပေါင်းရင်းမြစ်များ

Juan 21:17

Jee ya̱ uníꞌ íchí nkachiꞌ re̱ꞌ nu̱u̱nꞌ Pedro: ―Simón, se̱ꞌya Jonás, ¿á ñúnúunꞌ nú nuꞌuꞌ? Jee nnu̱kuéká víꞌí iniꞌ Pedro chi ya̱ uníꞌ íchí ni̱ka̱tu̱ꞌún re̱ꞌ maa: “¿Á ñúnúunꞌ nú nuꞌuꞌ?”, jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, noꞌó jíníꞌ nú nɨꞌɨ, noꞌó jíníꞌ ya̱ ñúnúunꞌ ni̱ꞌ noꞌó. Jee nkachiꞌ Jesús nu̱u̱nꞌ re̱ꞌ: ―Kumí nú rá ñɨvɨ yɨ́ꞌɨ́ xi̱ntíín ni̱ꞌ ya̱ kúvi ráa kuéntáꞌ rá lanchi ni̱ꞌ.

Hechos 23:1

Jee yukuán nne̱ꞌyá váꞌa Pablo nu̱u̱nꞌ rá te̱e Justicia Ñáꞌnú jee nkachiꞌ re̱ꞌ: ―Ránoꞌó ñaniꞌ. Kúváꞌa iniꞌ ni̱ꞌ chi jíníꞌ ni̱ꞌ ya̱ jíka na̱a̱ꞌ va̱ꞌa ni̱ꞌ ichinúúnꞌ Ndiosíꞌ ne̱ vitan.

Romanos 2:13

Chi ntu kínóo na̱a̱ꞌ ñɨvɨ nu̱u̱nꞌ Ndiosíꞌ jie̱ꞌe̱ꞌ tésóꞌo ráa ley vá, chisaꞌ kínóo na̱a̱ꞌ rá ñɨvɨ sáꞌá ráa ya̱ káchíꞌ ley vá.

Romanos 4:2

Chi retú nstúvi Abraham ya̱ nkino̱o na̱a̱ꞌ re̱ꞌ jie̱ꞌe̱ꞌ tiñu nsa̱ꞌá re̱ꞌ, jee íyó jie̱ꞌe̱ꞌ ya̱ kuvi kaꞌanꞌ téyɨ́ɨ́ re̱ꞌ, soo ntu̱ví nu̱u̱nꞌ Ndiosíꞌ.

1 Corintios 4:3

Jee nuꞌuꞌ Pablo chi, ntu jítú iniꞌ ni̱ꞌ ya̱ sánáaꞌ rán áxí inka ñɨvɨ jie̱ꞌe̱ꞌ nuꞌuꞌ. Jee suni ne̱ nuꞌuꞌ ntu sánáaꞌ ni̱ꞌ jie̱ꞌe̱ꞌ nuꞌuꞌ.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.