1 Corintios 4:20 - Mixteco del suroeste de Tlaxiaco Oaxaca

²⁰ Chi sáá yɨ́ꞌɨ́ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ‑u, jee stúvi ñɨvɨ maa jie̱ꞌe̱ꞌ tiñu sáꞌá‑a ya̱ váji‑i ne̱ nu̱u̱nꞌ fuersáꞌ ííꞌ Ndiosíꞌ ya̱ sátíñú‑u iniꞌ ñɨvɨ vá, jee ntu stúvi‑ó maa jie̱ꞌe̱ꞌ kua̱chi tu̱ꞌun káꞌánꞌ‑ó ni.

1 Corintios 4:20 ပူးပေါင်းရင်းမြစ်များ

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Romanos 14:17

Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ.

Romanos 15:19

jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico.

1 Corintios 1:24

Soo ntáká rá ñɨvɨ ya̱ nkana Ndiosíꞌ kɨꞌɨ ráa naꞌá re̱ꞌ jee ínúꞌ iniꞌ ráa Cristo, va̱ni kúvi ráa ñɨvɨ ñuunꞌ Israel, áxí va̱ni ñɨvɨ ntu kúvi ñuunꞌ Israel, jee nu̱u̱nꞌ ráa tu̱ꞌun jie̱ꞌe̱ꞌ Cristo kúvi‑i fuersáꞌ ííꞌ níꞌin níso Ndiosíꞌ ya̱ sátíñú re̱ꞌ jín‑i jín tu̱ꞌun níchí re̱ꞌ.

1 Corintios 2:4

Jee sáá nna̱kani ni̱ꞌ tu̱ꞌun váꞌa jie̱ꞌe̱ꞌ Jesús jee nste̱kútu̱ꞌún ni̱ꞌ maa nu̱u̱nꞌ rán, jee ntu nkáꞌánꞌ ni̱ꞌ jín rán tu̱ꞌun ya̱ jiáni iniꞌ ñɨvɨ ñɨ̱vɨ́ yaꞌá ya̱ kúvi‑i tu̱ꞌun níchí sáva sijínúꞌ ni̱ꞌ iniꞌ rán, chisaꞌ nstúvi Ndiosíꞌ ya̱ nááꞌ kúvi tu̱ꞌun ni̱ꞌ chi nsa̱tíñú Ta̱chi̱ꞌ Ííꞌ Ndiosíꞌ jín fuersáꞌ ííꞌ níso re̱ꞌ.

2 Corintios 10:8

Chi nkóo tu̱ꞌun kánuun ni̱ꞌ, retú kaꞌanꞌ téyɨ́ɨ́ ni̱ꞌ ka̱ꞌ jie̱ꞌe̱ꞌ tiñu níso ráníꞌ ya̱ ntaji I̱toꞌoꞌ‑ó nu̱u̱nꞌ ránꞌ sáva sikújia ránꞌ iniꞌ ránoꞌó kuneí iniꞌ rán Cristo, jee nsú sáva xináánꞌ ránꞌ ránoꞌó.

1 Tesalonicenses 1:5

Chi nsú kua̱chi tu̱ꞌun ni ví tu̱ꞌun jie̱ꞌe̱ꞌ Cristo ya̱ nkachitu̱ꞌún ráníꞌ nkenta‑a nu̱u̱nꞌ ránoꞌó. Chisaꞌ suni nkenta tu̱ꞌun váꞌa vá jín fuersáꞌ ííꞌ níso Ta̱chi̱ꞌ Ííꞌ Ndiosíꞌ. Jee kínóo kutú va̱ꞌa ráníꞌ ya̱ íyó kutú tu̱ꞌun ya̱ nkachiꞌ ránꞌ. Jíníꞌ va̱ꞌa ránoꞌó na̱ja ñaꞌnu va̱ꞌa ránuꞌuꞌ sáá nneeꞌ ránꞌ nteñu ránoꞌó, chi nnu̱kú ránꞌ ya̱ váꞌa ránoꞌó.