1 Corintios 4:2 - Mixteco del suroeste de Tlaxiaco Oaxaca

² Chi rá ñɨvɨ ya̱ néen kuéntáꞌ tiñu i̱toꞌoꞌ ráa íyó sikúnkuvi va̱ꞌa ráa maa.

1 Corintios 4:2 ပူးပေါင်းရင်းမြစ်များ

Mateo 25:21

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkínkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Mateo 25:23

Jee nkachiꞌ i̱toꞌoꞌ re̱ꞌ nu̱u̱nꞌ re̱ꞌ: “Va̱ꞌa nsa̱ꞌá nú, chi musúꞌ va̱ꞌa síkúnkuvi na̱a̱ꞌ kúvi nú. Chi síkúnkuvi na̱a̱ꞌ nú jín yakuꞌ tiñu lúlí, saájee kani ni̱ꞌ noꞌó nu̱u̱nꞌ kue̱ꞌe̱ꞌ tiñu ñáꞌnú ka̱ꞌ. Ki̱vɨ nu̱u̱nꞌ nasaꞌá sɨ́ɨꞌ ni̱ꞌ iniꞌ nú jín nuꞌuꞌ, ya̱ kúvi I̱toꞌoꞌ nú”, nkachiꞌ i̱toꞌoꞌ musúꞌ vá.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

1 Corintios 4:1

Saáva ránuꞌuꞌ jee tɨɨn kuéntáꞌ ránú ya̱ musúꞌ ni kúvi ránuꞌuꞌ nu̱u̱nꞌ Cristo ya̱ nte̱tíñú re̱ꞌ ránuꞌuꞌ sáva néen kuéntáꞌ ráníꞌ tiñu re̱ꞌ sáva xínéꞌénꞌ ránꞌ Tu̱ꞌun Ndiosíꞌ ya̱ nyɨ̱yuꞌuꞌ nékúvi.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Corintios 4:3

Jee nuꞌuꞌ Pablo chi, ntu jítú iniꞌ ni̱ꞌ ya̱ sánáaꞌ rán áxí inka ñɨvɨ jie̱ꞌe̱ꞌ nuꞌuꞌ. Jee suni ne̱ nuꞌuꞌ ntu sánáaꞌ ni̱ꞌ jie̱ꞌe̱ꞌ nuꞌuꞌ.

1 Corintios 7:25

Jee ntañúꞌún náxiníkó ni̱ꞌ nu̱u̱nꞌ ránoꞌó jie̱ꞌe̱ꞌ rá ñaꞌan ya̱ ntiáꞌan tana̱ꞌá. Jee ntu̱ví íyó tu̱ꞌun ya̱ tátúníꞌ I̱toꞌoꞌ‑ó nu̱u̱nꞌ‑ó jie̱ꞌe̱ꞌ vá, soo íyó tu̱ꞌun nu̱u̱nꞌ ni̱ꞌ ya̱ jiáni iniꞌ ni̱ꞌ ya̱ taji ni̱ꞌ nu̱u̱nꞌ rán, kuéntáꞌ ɨɨn ñɨvɨ ya̱ nku̱náꞌví iniꞌ Ndiosíꞌ nne̱ꞌyá re̱ꞌ nuꞌuꞌ jee nsa̱ꞌá re̱ꞌ ya̱ kúvi ni̱ꞌ ɨɨn ñɨvɨ ya̱ kuvi kuneí iniꞌ rán ya̱ káchíꞌ ni̱ꞌ.

2 Corintios 2:17

Soo ránuꞌuꞌ, chi ntu̱ví núkú ránꞌ táváꞌ ránꞌ xu̱ꞌún jie̱ꞌe̱ꞌ Tu̱ꞌun Ndiosíꞌ, kuéntáꞌ sáꞌá kue̱ꞌe̱ꞌ rá te̱e, [jee ntu sáma ránꞌ maa]. Chisaꞌ jíníꞌ Ndiosíꞌ ya̱ saɨn ñúꞌún iniꞌ ránꞌ káchíꞌ ránꞌ tu̱ꞌun re̱ꞌ, chi maá Ndiosíꞌ ví ya̱ nta̱jí re̱ꞌ ránuꞌuꞌ ya̱ stékútu̱ꞌún ránꞌ tu̱ꞌun re̱ꞌ. Jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo káchíꞌ ránꞌ tu̱ꞌun re̱ꞌ.

2 Corintios 4:2

Jee jíníi̱yo ráníꞌ sáꞌá ránꞌ rá tiñu yɨ́séꞌí ya̱ kúvi tu̱ꞌun kánuun sáꞌá ñɨvɨ. Jee ni ntu̱ví jíka ránꞌ jín tiñu máñáꞌ. Jee ni ntu̱ví sáma ránꞌ sáá káꞌánꞌ Tu̱ꞌun Ndiosíꞌ. Chisaꞌ stúvi nijinꞌ ránꞌ tu̱ꞌun na̱a̱ꞌ Ndiosíꞌ, jee sukuán nákutíñú rán jie̱ꞌe̱ꞌ maáránꞌ sáva kuniꞌ nta̱ká rá ñɨvɨ ne̱ ánímaꞌ ráa ya̱ na̱a̱ꞌ íyó ránꞌ. Jee jíníꞌ maá Ndiosíꞌ ya̱ na̱a̱ꞌ íyó ránꞌ.

Colosenses 1:7

Suꞌva nku̱tu̱ꞌva rán maa sáni nxi̱néꞌénꞌ Epafras ránoꞌó. Suvire̱ꞌ ñúnúunꞌ‑ó re̱ꞌ, jee kúvi re̱ꞌ musúꞌ nu̱u̱nꞌ Cristo, ya̱ táꞌán sátíñú nkáá re̱ꞌ jín ránuꞌuꞌ nu̱u̱nꞌ tiñu Cristo. Chi síkúnkuvi na̱a̱ꞌ nijia re̱ꞌ nu̱u̱nꞌ tiñu Cristo, ya̱ kúvi ya̱ váꞌa ránoꞌó.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”

Colosenses 4:7

Jee nakani Tíquico nɨꞌɨ tu̱ꞌun na̱sa íyó jie̱ꞌe̱ꞌ nuꞌuꞌ. Suvire̱ꞌ kúvi ñaniꞌ‑ó ya̱ ñúnúunꞌ‑órán. Jee yɨ́tíñú re̱ꞌ síkúnkuvi na̱a̱ꞌ nijia re̱ꞌ nu̱u̱nꞌ tiñu maá I̱toꞌoꞌ‑ó. Jee kúvi re̱ꞌ ɨɨn musúꞌ ya̱ jiátíñú I̱toꞌoꞌ‑ó ya̱ táꞌán sátíñú nkáá re̱ꞌ jín ránuꞌuꞌ nu̱u̱nꞌ I̱toꞌoꞌ‑ó.