1 Corintios 4:16 - Mixteco del suroeste de Tlaxiaco Oaxaca

¹⁶ Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ kunikɨnꞌ rán kueꞌnu rán ichi kuéntáꞌ jiáꞌnu nuꞌuꞌ.

1 Corintios 4:16 ပူးပေါင်းရင်းမြစ်များ

1 Corintios 11:1

Kune̱ꞌyá rán na̱ja jiáꞌnu ni̱ꞌ, jee tɨɨn rán ichi ni̱ꞌ jee naku rán nuꞌuꞌ, kuéntáꞌ sáꞌá nuꞌuꞌ ya̱ ntɨɨn ni̱ꞌ ichi Cristo jee naku ni̱ꞌ re̱ꞌ.

Filipenses 3:17

Ránoꞌó ñaniꞌ jín ku̱ꞌva. Nasaꞌá nɨꞌɨ rán sánikua̱ꞌ jiáꞌnu ni̱ꞌ. Tɨɨn rán kuéntáꞌ rá ñɨvɨ jiáꞌnu ichi sáá jiáꞌnu ránuꞌuꞌ.

Filipenses 4:9

Saꞌá rán ya̱ nku̱tu̱ꞌva rán ya̱ nxi̱néꞌénꞌ ni̱ꞌ ránoꞌó, jín tu̱ꞌun ya̱ nníꞌinꞌ rán ya̱ ntaji ni̱ꞌ nu̱u̱nꞌ rán, jín ya̱ nteso̱ꞌo rán ya̱ nkachiꞌ ni̱ꞌ, jín ya̱ niniꞌ rán ya̱ nsa̱ꞌá ni̱ꞌ. Jee saꞌá rán maa, jee máá Ndiosíꞌ vá táji ya̱ kuneeꞌ va̱ꞌa rán, jee koo re̱ꞌ jín rán.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

2 Tesalonicenses 3:9

Ntu ni̱ka̱nꞌ ráníꞌ ya̱ koto rán ránuꞌuꞌ, súnika̱ꞌ nísotíñú ráníꞌ tiñu ntaji Ndiosíꞌ jee kuvi ka̱ka̱nꞌ ránꞌ maa nu̱u̱nꞌ ránoꞌó. Chisaꞌ nsa̱tíñú ránꞌ sáva taji ránꞌ ɨɨn ichi nu̱u̱nꞌ ránoꞌó na̱sa nasaꞌá rán.

Hebreos 13:7

Jee naku̱ꞌun iniꞌ rán rá te̱e yósóꞌ ráa nu̱u̱nꞌ rán, ya̱ náchuꞌun ráa ichi Ndiosíꞌ ránoꞌó, ya̱ maáráa kúvi ya̱ nxi̱néꞌénꞌ ráa Tu̱ꞌun Ndiosíꞌ ránoꞌó. Jee kani va̱ꞌa iniꞌ rán na̱ja viiꞌ ñaꞌnu ráa, jee suni kuneí iniꞌ rán kuéntáꞌ kua̱ꞌ nku̱neí iniꞌ ráa Ndiosíꞌ.

1 Pedro 5:3

Jee koto tátúníꞌ ni̱ꞌin rán ntáká tiñu nu̱u̱nꞌ rá ñɨvɨ ya̱ néen kuéntáꞌ rán. Chisaꞌ kueꞌnu va̱ꞌa rán ichi Ndiosíꞌ sáva suꞌva ku̱ꞌva rán ɨɨn ichi váꞌa nu̱u̱nꞌ ráa na̱ja kueꞌnu ráa.