1 Corintios 4:11 - Mixteco del suroeste de Tlaxiaco Oaxaca

¹¹ Jee ne̱ tiempúꞌ vitan nóꞌo ráníꞌ jie̱ꞌe̱ꞌ tu̱ꞌun jíꞌíꞌ so̱ko, jee jíchíꞌ ránꞌ nute, jee kúmániꞌ saꞌma kuꞌun ránꞌ, jee sáꞌá kini rá ñɨvɨ ránuꞌuꞌ, jee ni ntu̱ví íyó ɨɨn veꞌi nu̱u̱nꞌ íchí kuneeꞌ ránꞌ.

1 Corintios 4:11 ပူးပေါင်းရင်းမြစ်များ

Mateo 8:20

Jee nkachiꞌ Jesús nu̱u̱nꞌ‑u: ―Rá ñu̱nkuii chi íyó rá yaviꞌ kava nu̱u̱nꞌ kíxíꞌ rátíꞌ, jee rá kitɨ chúchíyoꞌ ya̱ jíkó súkún íyó takaꞌ rátíꞌ. Soo nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, ni ntu̱ví íyó nu̱u̱nꞌ kosoꞌ xi̱ni̱ꞌ ni̱ꞌ najia̱ví ni̱ꞌ ―nkachiꞌ Jesús.

Hechos 14:19

I̱ña̱jée nkenta kéꞌín rá ñɨvɨ Israel, ya̱ váji ne̱ rá ñuunꞌ Antioquía jín Iconio. Jee nsi̱ínúꞌ ráa iniꞌ rá ñɨvɨ nkenta si̱kɨ̱ꞌ Bernabé jín Pablo, jee nkuun ráa yu̱u̱ꞌ Pablo. Jee nsi̱yúꞌun ráa maa ne̱ yuñúúnꞌ, chi va̱ níꞌiꞌ re̱ꞌ nkaꞌvi iniꞌ ráa.

Hechos 16:23

Jee sáá nkuvi njia̱ꞌa víꞌí rá soldado rává, jee ntu̱ví ráa rává iniꞌ veka̱a. Jee nta̱túníꞌ ráa nu̱u̱nꞌ mayóríꞌ kúmí veka̱a, ya̱ nito kumí re̱ꞌ rává.

Hechos 23:2

Jee nta̱jí su̱tu̱ꞌ kúñáꞌnú ka̱ꞌ, ya̱ naní Ananías, ya̱ rá íñɨ́ yatin jín Pablo, ya̱ katuꞌ ráa yuꞌú Pablo.

Romanos 8:35

¿Né ɨɨn vá kuneí‑i saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Cristo yó, résa? ¿Á tu̱nóꞌó, áxí tu̱nkuíꞌyáꞌ iniꞌ, áxí ya̱ jíto u̱ꞌvi̱ꞌ ñɨvɨ yó, áxí ta̱ma̱ꞌ, áxí ya̱ kúmániꞌ saꞌma kuꞌun‑ó, áxí sáá táꞌánꞌ‑ó tu̱nóꞌó íyó i̱yo, áxí kaꞌniꞌ ñɨvɨ yó jín yuchiꞌ espada, résa? ¡Ntu̱ví kuitɨꞌ!

1 Corintios 9:4

Jee, ¿á nsáꞌ íyó níꞌinꞌ ráníꞌ kajiꞌ ránꞌ jee koꞌo ránꞌ [ya̱ táji ñɨvɨ nu̱u̱nꞌ ráníꞌ jie̱ꞌe̱ꞌ ya̱ sáꞌá ránꞌ tiñu Ndiosíꞌ] rúja?

2 Corintios 11:20

Chi yɨ́netuꞌ rán jiéꞌnéꞌ iniꞌ rán nu̱u̱nꞌ ráa retú néni ɨɨn ñɨvɨ chíꞌi‑i ránoꞌó xi̱ntíín‑i kuéntáꞌ musúꞌ saɨn kéꞌen ñɨvɨ, retú néni ɨɨn ñɨvɨ xínɨ́ꞌɨ‑ɨ ránoꞌó jín nantíñú rán, retú néni ɨɨn ñɨvɨ nééꞌ nu̱u̱nꞌ‑u ránoꞌó jie̱ꞌe̱ꞌ rá nantíñú rán, retú néni ɨɨn ñɨvɨ sáꞌá ñáꞌnú‑u maáa, retú néni ɨɨn ñɨvɨ kátúꞌ‑u nu̱u̱nꞌ rán.

2 Corintios 4:8

Jee súka̱ꞌ nta̱ká nu̱u̱nꞌ táꞌánꞌ ránꞌ tu̱nóꞌó, soo ni ntu̱ví jiáxin tu̱nóꞌó ránuꞌuꞌ. Súka̱ꞌ kúnaanꞌ iniꞌ ránꞌ na̱sa saꞌá ránꞌ, soo ntu íchí nnúun iniꞌ ránꞌ.

Filipenses 4:12

Jíníꞌ ni̱ꞌ ná kúvi tu̱ꞌun láꞌví. Jee jíníꞌ ni̱ꞌ ná kúvi tu̱ꞌun kúká. Jee nijia iniꞌ ni̱ꞌ íñɨ́ ni̱ꞌ nu̱u̱nꞌ nta̱ká nu̱u̱nꞌ ya̱ kúvi, vasúꞌ kajiꞌ va̱ꞌa ni̱ꞌ, áxí kujiso̱ko ni̱ꞌ, vasúꞌ íyó kue̱ꞌe̱ꞌ nu̱u̱nꞌ ni̱ꞌ, áxí kúmáni nu̱u̱nꞌ ni̱ꞌ.

2 Timoteo 3:11

Jee jíníꞌ nú na̱sa nito u̱ꞌvi̱ꞌ ñɨvɨ nuꞌuꞌ, jín rá tu̱nóꞌó nóꞌo ni̱ꞌ, sánikua̱ꞌ nkuvi jín nuꞌuꞌ rá ñuunꞌ Antioquía, Iconio jín Listra. Jee ñeꞌneꞌ iniꞌ ni̱ꞌ rá tu̱nóꞌó vá ya̱ nito u̱ꞌvi̱ꞌ ráa nuꞌuꞌ yukuán, soo I̱toꞌoꞌ‑ó nsi̱káku nuꞌuꞌ nu̱u̱nꞌ nɨꞌɨ ya̱ nnoꞌo ni̱ꞌ yukuán.