1 Corintios 3:5 - Mixteco del suroeste de Tlaxiaco Oaxaca

⁵ ¿Né ɨɨn kúvi nuꞌuꞌ Pablo rúja? Jee, ¿né ɨɨn kúvi Apolos rúja? Chi kúvi ráníꞌ musúꞌ ya̱ yɨ́tíñú ráníꞌ nu̱u̱nꞌ Ndiosíꞌ. Jee kúneí iniꞌ ránú ínúꞌ iniꞌ rán Tu̱ꞌun Ndiosíꞌ jie̱ꞌe̱ꞌ nkachitu̱ꞌún ráníꞌ maa nu̱u̱nꞌ ránoꞌó sáni tiñu ntaji I̱toꞌoꞌ‑ó nu̱u̱nꞌ ta ɨɨn ránuꞌuꞌ saꞌá ráníꞌ maa.

1 Corintios 3:5 ပူးပေါင်းရင်းမြစ်များ

Mateo 25:15

Jee nu̱u̱nꞌ ɨɨn musúꞌ re̱ꞌ njia̱ꞌa re̱ꞌ u̱ꞌu̱nꞌ kustáꞌ xu̱ꞌún ka̱a, jee nu̱u̱nꞌ inka ka̱ꞌ njia̱ꞌa re̱ꞌ u̱vi̱ꞌ, jee nu̱u̱nꞌ inka ka̱ꞌ njia̱ꞌa re̱ꞌ ɨɨn, sukuán njia̱ꞌa re̱ꞌ nu̱u̱nꞌ ta ɨɨn ráa sánikua̱ꞌ na̱ja kuvi kuneí satíñú ta ɨɨn ráa jín xu̱ꞌún vá sáva ni̱ꞌi̱nꞌ ráa ka̱ꞌ si̱kɨ̱ꞌ xu̱ꞌún. Saájee nkene re̱ꞌ kua̱ꞌa̱nꞌ íká re̱ꞌ.

Lucas 1:2

sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Hechos 18:24

Nkenta ɨɨn te̱e Israel naní Apolos ñuunꞌ Éfeso. Se̱ꞌya ñuunꞌ Alejandría ví re̱ꞌ. Káꞌánꞌ va̱ꞌa nasɨ́kuitɨꞌ re̱ꞌ, jee jíníꞌ noo‑o Tu̱ꞌun Ndiosíꞌ nééꞌ nu̱u̱nꞌ Tutuꞌ Ííꞌ, ya̱ naní Escrituras.

Hechos 19:1

10 Sáá nééꞌ Apolos ñuunꞌ Corinto, Pablo njia̱ꞌa ma̱ꞌñú yuku. Jee nkanta‑a ñuunꞌ Éfeso. Jee yukuán nna̱ketáꞌán‑a jín kéꞌín ñɨvɨ yɨ́ꞌɨ́ ñujiínꞌ Ndiosíꞌ.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

1 Corintios 12:28

Jee saáva nteñu rá ñɨvɨ yɨ́ꞌɨ́ xi̱ntíín Cristo jee xíꞌna ka̱ꞌ ñani Ndiosíꞌ sava rá te̱e kuniso ráa tiñu apóstol chúichí Cristo ráa stúvi ráa ya̱ nááꞌ jie̱ꞌe̱ꞌ Cristo. Jee ya̱ uvíꞌ, jee ñani re̱ꞌ sava rá ñɨvɨ kuniso ráa tiñu ya̱ nakani ráa rá tu̱ꞌun kéne yuꞌú maáréꞌ. Jee ya̱ uníꞌ, jee ñani re̱ꞌ sava rá ñɨvɨ ya̱ xínéꞌénꞌ ráa tu̱ꞌun váꞌa re̱ꞌ nu̱u̱nꞌ rá ñɨvɨ. Jee kuíre ñani re̱ꞌ sava ñɨvɨ ya̱ sáꞌá rá tiñu a̱nasɨ́ jín fuersáꞌ ííꞌ Ndiosíꞌ. Jee kuíre njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva xínúvi ráa rá ñɨvɨ kúꞌvíꞌ, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva chíneí ráa rá ñanitáꞌán ráa, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kuneen kuéntáꞌ rá ñɨvɨ ya̱ jínúꞌ iniꞌ ráa Cristo, jee njia̱ꞌa re̱ꞌ ta̱ꞌvi̱ꞌ nu̱u̱nꞌ sava rá ñɨvɨ sáva kúvi káꞌánꞌ ráa inka ka̱ꞌ nu̱u̱nꞌ rá tu̱ꞌun káꞌánꞌ ya̱ ntu jiáku̱ꞌun iniꞌ ráa.

1 Corintios 16:12

Jee ntañúꞌún kaꞌanꞌ ni̱ꞌ jie̱ꞌe̱ꞌ ñaniꞌ‑ó Apolos, chi ni̱ka̱nꞌ táꞌvíꞌ víꞌí ni̱ꞌ nu̱u̱nꞌ re̱ꞌ ya̱ kua̱jiane̱ꞌyá re̱ꞌ ránoꞌó jín rá inka ka̱ꞌ ñanitáꞌán, soo nintíꞌínꞌ ntu nñúꞌun iniꞌ re̱ꞌ kua̱jiaaꞌ re̱ꞌ vitan, soo inka íchí sáá kuvi jee kua̱jiane̱ꞌyá re̱ꞌ ránoꞌó.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

1 Corintios 3:22

va̱ kúvi nuꞌuꞌ Pablo, áxí Apolos, áxí Pedro ya̱ xínéꞌénꞌ ránoꞌó Tu̱ꞌun Ndiosíꞌ. Áxí nɨꞌɨ ya̱ íyó ñɨ̱vɨ́ yaꞌá, jee vasúꞌ kutekuꞌ rán áxí vasúꞌ kuviꞌ rán iniꞌ ñɨ̱vɨ́ yaꞌá, vá ya̱ íyó tiempúꞌ vitan áxí vá kiji koo tiempúꞌ ichinúúnꞌ, jee nɨꞌɨ ya̱ íyó kúvi nantíñú rán.

1 Corintios 3:7

Jee saáva ni ntu̱náꞌ kúñáꞌnú te̱e ya̱ tée nikɨn, ni jín te̱e ya̱ chíꞌi nute nu̱u̱nꞌ nikɨn, chisaꞌ kúñáꞌnú maá Ndiosíꞌ ya̱ kúvi maáréꞌ ya̱ síkuéꞌnu maa.

1 Corintios 9:17

Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

2 Corintios 11:23

¿Á sátíñú ráa nu̱u̱nꞌ Cristo? Soo saꞌ víꞌí káꞌ va̱ꞌa jiáꞌa ni̱ꞌ nu̱u̱nꞌ tiñu sáꞌá ráa. (Káꞌánꞌ ni̱ꞌ kuéntáꞌ ɨɨn ya̱ jíkó xíniꞌ.) Nnu̱nasɨ́ ni̱ꞌ nsa̱tíñú ni̱ꞌin ni̱ꞌ ka̱ꞌ nsú káꞌ suviráa. Nyɨ̱ꞌɨ víꞌí ni̱ꞌ ka̱ꞌ veka̱a nsú káꞌ maáráa. Ntu ñúkúꞌvá njia̱ꞌa ñɨvɨ nuꞌuꞌ. Yatin kuviꞌ ni̱ꞌ kue̱ꞌe̱ꞌ íchí.

2 Corintios 3:3

Chi nijinꞌ túvi ya̱ kúvi ránú kuéntáꞌ ɨɨn tutuꞌ ya̱ ntee maá Cristo, jie̱ꞌe̱ꞌ tiñu re̱ꞌ ya̱ nsa̱ꞌá ráníꞌ nu̱u̱nꞌ ránoꞌó. Soo nsú jín ɨɨn tutuꞌ jín tinta lapíꞌ ntee re̱ꞌ maa, chisaꞌ jín Ta̱chi̱ꞌ Ííꞌ Ndiosíꞌ, ya̱ tékúꞌ re̱ꞌ. Jee ni ntu̱ví ntée re̱ꞌ maa nu̱u̱nꞌ yu̱u̱ꞌ tiáxín [kuéntáꞌ ntee Ndiosíꞌ rá tu̱ꞌun ya̱ nta̱túníꞌ re̱ꞌ jee njia̱ꞌa re̱ꞌ maa nu̱u̱nꞌ Moisés, tióꞌ chíji]. Chisaꞌ ntee re̱ꞌ maa iniꞌ ánímaꞌ ñɨvɨ.

2 Corintios 3:6

Chi suni maáréꞌ ví ya̱ nsa̱ꞌá re̱ꞌ ya̱ tu̱ꞌva ránꞌ sátíñú ránꞌ nu̱u̱nꞌ re̱ꞌ, jie̱ꞌe̱ꞌ tratúꞌ jiáá ya̱ ñakɨnꞌ Ndiosíꞌ na̱ja kɨꞌɨ ñɨvɨ nu̱u̱nꞌ re̱ꞌ. Jee tratúꞌ jiáá yaꞌá nsú ley ví‑i ya̱ ntee re̱ꞌ sáva tatúníꞌ re̱ꞌ nu̱u̱nꞌ rá ñɨvɨ. Chisaꞌ tratúꞌ jiáá ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ‑ó sáva kɨꞌɨ‑ɨ iniꞌ ánímaꞌ‑ó. Chi ley ya̱ ntee nu̱u̱nꞌ tutuꞌ, jee síjíta‑a yó ya̱ kuéntáꞌ níꞌiꞌ‑ó nu̱u̱nꞌ Ndiosíꞌ. Soo Ta̱chi̱ꞌ Ííꞌ re̱ꞌ ví ya̱ xítékúꞌ‑u yó nɨ́ɨ́nkání nu̱u̱nꞌ re̱ꞌ.

2 Corintios 4:1

Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

2 Corintios 5:18

Jee maá Ndiosíꞌ ví ya̱ sáꞌá re̱ꞌ nta̱ká rá tiñu vá, chi jie̱ꞌe̱ꞌ ya̱ nsa̱ꞌá Cristo, jee nsa̱ꞌá re̱ꞌ ya̱ nnuma̱ni̱ꞌ‑ó jín re̱ꞌ. Jee ntaji re̱ꞌ tiñu nu̱u̱nꞌ ránuꞌuꞌ sáva kachitu̱ꞌún ránꞌ tu̱ꞌun re̱ꞌ jie̱ꞌe̱ꞌ ya̱ kúvi ni̱ꞌi̱nꞌ ñɨvɨ ya̱ numa̱ni̱ꞌ re̱ꞌ jín ráa.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

2 Corintios 6:4

Chisaꞌ, nta̱ká nu̱u̱nꞌ ya̱ kúvi, stúvi ránꞌ ya̱ kúvi ránꞌ musúꞌ ya̱ sátíñú nu̱u̱nꞌ Ndiosíꞌ, jie̱ꞌe̱ꞌ ya̱ kúníꞌin ránꞌ íñɨ́ ni̱ꞌin rán jín Cristo, jín nu̱u̱nꞌ ya̱ kúmániꞌ nu̱u̱nꞌ ránꞌ, jín nu̱u̱nꞌ ya̱ víjí sáꞌá‑a nu̱u̱nꞌ ránꞌ,

Efesios 3:7

Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá. Jee jie̱ꞌe̱ꞌ ya̱ ma̱ni̱ꞌ iniꞌ re̱ꞌ, nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ, jee jín fesáꞌ ííꞌ níso re̱ꞌ nsa̱ꞌá re̱ꞌ suꞌva jín ni̱ꞌ.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Colosenses 1:25

Chi nkenta ni̱ꞌ kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ jie̱ꞌe̱ꞌ ya̱ váꞌa ráa. Sukuán nte̱tíñú Ndiosíꞌ nuꞌuꞌ ya̱ kuniso ni̱ꞌ tiñu vá sáva sikúnkuvi ni̱ꞌ ya̱ stékútu̱ꞌún ni̱ꞌ Tu̱ꞌun Ndiosíꞌ.

1 Timoteo 1:12

Jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ I̱toꞌoꞌ‑ó Cristo Jesús, ya̱ chíneí chítuvi re̱ꞌ nuꞌuꞌ. Jee jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ re̱ꞌ, chi nku̱neí iniꞌ re̱ꞌ ya̱ síkúnkuvi ni̱ꞌ nta̱ká tiñu, ya̱ tátúníꞌ re̱ꞌ nu̱u̱nꞌ nuꞌuꞌ, jee ñani re̱ꞌ nuꞌuꞌ saꞌá ni̱ꞌ tiñu yaꞌá.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.