1 Corintios 3:11 - Mixteco del suroeste de Tlaxiaco Oaxaca

¹¹ Chi Jesús ya̱ kúvi Cristo chi métúꞌún maáréꞌ ví jie̱ꞌe̱ꞌ ve̱ꞌí Ndiosíꞌ. Jee nkúvi nachisó ni ɨɨn ñɨvɨ inka ka̱ꞌ nu̱u̱nꞌ nsamaꞌ jie̱ꞌe̱ꞌ ve̱ꞌí Ndiosíꞌ, chisaꞌ Jesús kúvi métúꞌún jie̱ꞌe̱ꞌ ve̱ꞌí ya̱ ya nsamaꞌ Ndiosíꞌ, jee maáréꞌ kúvi Cristo.

1 Corintios 3:11 ပူးပေါင်းရင်းမြစ်များ

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

1 Corintios 3:10

Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

1 Corintios 3:12

Jee rá tiñu sáꞌá néni ɨɨn ñɨvɨ kúvi kuéntáꞌ náchisó‑o no̱ꞌo nu̱u̱nꞌ jie̱ꞌe̱ꞌ ve̱ꞌí vá ya̱ nsamaꞌ Ndiosíꞌ. Jee na̱sa sátíñú ɨɨn ñɨvɨ nu̱u̱nꞌ Ndiosíꞌ kúvi kuéntáꞌ sámáꞌ‑a no̱ꞌo ya̱ kúvi ka̱a kuáán yɨ́yáꞌvi ya̱ kúvi oro, áxí ka̱a kuíjín yɨ́yáꞌvi ya̱ kúvi plata, áxí jín rá yu̱u̱ꞌ maa viiꞌ xiñúꞌ yɨ́yáꞌvi, áxí jín yutun, áxí jín iteꞌ, áxí jín nayóꞌo,

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

1 Pedro 2:4

Nátuꞌva rán nu̱u̱nꞌ I̱toꞌoꞌ‑ó, ya̱ kúvi re̱ꞌ yu̱u̱ꞌ tékúꞌ ya̱ nku̱ichi iniꞌ rá ñɨvɨ maa, soo Ndiosíꞌ nka̱ji re̱ꞌ maa ya̱ yɨ́yáꞌvi‑i.