1 Corintios 3:10 - Mixteco del suroeste de Tlaxiaco Oaxaca

¹⁰ Sánikua̱ꞌ ni̱yo maniꞌ iniꞌ Ndiosíꞌ néꞌyá re̱ꞌ nuꞌuꞌ jee saáva ntaji re̱ꞌ tiñu sáꞌá ni̱ꞌ nu̱u̱nꞌ rán ya̱ kúvi ni̱ꞌ kuéntáꞌ mestrúꞌ ya̱ jiáni veꞌi jee sáꞌá ni̱ꞌ nu̱u̱nꞌ kájiéꞌé jie̱ꞌe̱ꞌ ve̱ꞌí. Jee inka te̱e kua̱ꞌa̱nꞌ náchisó no̱ꞌo nu̱u̱nꞌ nsamaꞌ ni̱ꞌ vá, soo ta ɨɨn ta ɨɨn vá íyó kumí sáá sikuéꞌnu tiñu sáꞌá vá.

1 Corintios 3:10 ပူးပေါင်းရင်းမြစ်များ

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 7:24

’Jee saáva nta̱ká ñɨvɨ tésóꞌo ráa rá tu̱ꞌun káꞌánꞌ ni̱ꞌ yaꞌá, jee sáꞌá‑a vá, jee kúvi‑i kuéntáꞌ ɨɨn te̱e nito xi̱ni̱ꞌ, ya̱ ñani re̱ꞌ veꞌi re̱ꞌ nu̱u̱nꞌ yu̱u̱ꞌ.

Lucas 11:35

Saáva kumí nú maánú ya̱ tu̱u̱nꞌ tu̱ꞌun va̱ꞌa ni̱ꞌ iniꞌ ánímaꞌ nú jee ntu íyó koo neenꞌ ánímaꞌ nú.

Lucas 21:8

Saájee nkachiꞌ re̱ꞌ: ―Kumí rán maárán ya̱ ni ntu̱náꞌ xináꞌví ñɨvɨ ránoꞌó. Chi kue̱ꞌe̱ꞌ ñɨvɨ káñunkúún kachiꞌ ráa nika̱ꞌ ya̱ kiji ráa nu̱u̱nꞌ súví ni̱ꞌ jee kachiꞌ ráa: “Nuꞌuꞌ ví Cristo”, jee suni kachiꞌ ráa ya̱: “Ya nku̱yatin tiempúꞌ”, ñani Ndiosíꞌ kiji ni̱ꞌ tatúníꞌ ni̱ꞌ ñɨ̱vɨ́, soo koto níkɨ́nꞌ rán ráa.

Hechos 18:27

Sáá káꞌvi iniꞌ‑i kɨ̱ꞌɨ̱nꞌ‑ɨ Acaya, jee rá ñaniꞌ ya̱ kúneí iniꞌ ráa Jesús, nna̱sáneí ráa iniꞌ‑i. Jee ntee ráa nu̱u̱nꞌ tutuꞌ nu̱u̱nꞌ rá ñɨvɨ yukuán, ya̱ níkɨ́nꞌ ñujiínꞌ Jesús, sáva nakuatáꞌví ráa re̱ꞌ sáá kantaꞌ re̱ꞌ yukuán. Sáá nkenta‑a yukuán, jee nchi̱neí víꞌí‑i rá ñɨvɨ jínúꞌ iniꞌ tu̱ꞌun Jesús chi íyó mániꞌ iniꞌ Ndiosíꞌ néꞌyá‑a ráa.

Romanos 1:5

Jee íyó mániꞌ iniꞌ Jesús néꞌyá re̱ꞌ ránuꞌuꞌ jee ntaji re̱ꞌ nu̱u̱nꞌ ráníꞌ tiñu apóstol ya̱ chúichí re̱ꞌ ránuꞌuꞌ saꞌá ránꞌ tiñu nu̱u̱nꞌ re̱ꞌ. Ntaji re̱ꞌ tiñu vá sáva stekútu̱ꞌún ránꞌ tu̱ꞌun re̱ꞌ, sáva koo ñɨvɨ nteñu nɨꞌɨ rá ñɨvɨ ñɨ̱vɨ́ ya̱ kúneí iniꞌ ráa Jesús jee saáva kaníjiá ráa maa.

Romanos 12:3

Chi, jie̱ꞌe̱ꞌ íyó mániꞌ iniꞌ Ndiosíꞌ vá nsi̱kútaꞌviꞌ re̱ꞌ tiñu kuniso ni̱ꞌ, jee káchíꞌ ni̱ꞌ nu̱u̱nꞌ ntáká ñɨvɨ nteñu rán: Koto jiáni iniꞌ nú ya̱ kúñáꞌnú nú ka̱ꞌ nsú káꞌ kua̱ꞌ sáni íyó nú, chisaꞌ kani kájí iniꞌ ta ɨɨn rán jie̱ꞌe̱ꞌ maánú, sánikua̱ꞌ ya̱ nñu̱ku̱ꞌva ya̱ nta̱sáva Ndiosíꞌ nu̱u̱nꞌ nú ta̱ꞌvi̱ꞌ ya̱ chineí re̱ꞌ noꞌó satíñú nú nu̱u̱nꞌ re̱ꞌ, sáni kúneí iniꞌ nú re̱ꞌ.

Romanos 15:15

Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ,

Romanos 15:20

Jee sukuán nnu̱nasɨ́ ni̱ꞌ nkachitu̱ꞌún ni̱ꞌ tu̱ꞌun re̱ꞌ nu̱u̱nꞌ ntiáꞌan teso̱ꞌo rá ñɨvɨ jie̱ꞌe̱ꞌ Cristo, sáva ntu kívɨ ni̱ꞌ nu̱u̱nꞌ ya̱ ya stékútu̱ꞌún inka te̱e tu̱ꞌun Cristo.

1 Corintios 3:11

Chi Jesús ya̱ kúvi Cristo chi métúꞌún maáréꞌ ví jie̱ꞌe̱ꞌ ve̱ꞌí Ndiosíꞌ. Jee nkúvi nachisó ni ɨɨn ñɨvɨ inka ka̱ꞌ nu̱u̱nꞌ nsamaꞌ jie̱ꞌe̱ꞌ ve̱ꞌí Ndiosíꞌ, chisaꞌ Jesús kúvi métúꞌún jie̱ꞌe̱ꞌ ve̱ꞌí ya̱ ya nsamaꞌ Ndiosíꞌ, jee maáréꞌ kúvi Cristo.

1 Corintios 9:2

Retú inka rá ñɨvɨ ntu̱ví jiáꞌayuꞌú ráa ya̱ nuꞌuꞌ nísotíñú ni̱ꞌ tiñu apóstol chúichí Cristo nuꞌuꞌ nakani ni̱ꞌ tu̱ꞌun re̱ꞌ nu̱u̱nꞌ ráa, soo nu̱u̱nꞌ ránoꞌó chi íyó nijia ya̱ kúvi ni̱ꞌ apóstol nu̱u̱nꞌ rán. Chi ránoꞌó chi, stúvi nijia rán ya̱ nísotíñú nijia ni̱ꞌ tiñu apóstol nu̱u̱nꞌ I̱toꞌoꞌ‑ó kuéntáꞌ ɨɨn seyúꞌ, chi nsi̱kívɨ ni̱ꞌ ránoꞌó xi̱ntíín re̱ꞌ.

2 Corintios 10:15

Jee ntu jiáꞌa ráníꞌ nu̱u̱nꞌ sáni íyó káꞌánꞌ ránꞌ, chi ntu káꞌánꞌ téyɨ́ɨ́ ránꞌ jie̱ꞌe̱ꞌ tiñu ya̱ sáꞌá rá inka ka̱ꞌ te̱e, kuéntáꞌ retánꞌ nsa̱ꞌá ránꞌ maa. Chisaꞌ íyó tu̱neí iniꞌ ráníꞌ kujia iniꞌ ránú ya̱ kúneí iniꞌ rán Cristo, sáva kueꞌnu tiñu sáꞌá ráníꞌ nteñu ránoꞌó sáni nte̱tíñú Ndiosíꞌ ránuꞌuꞌ.

Efesios 2:20

Chi nsa̱ꞌá Ndiosíꞌ ya̱ maáórán kúvi‑ó kuéntáꞌ veꞌi ya̱ yósóꞌ nu̱u̱nꞌ koo jie̱ꞌe̱ꞌ ve̱ꞌí. Jee koo jie̱ꞌe̱ꞌ ve̱ꞌí vá kúvi Tu̱ꞌun Ndiosíꞌ ya̱ nste̱kútu̱ꞌún rá te̱e níso tiñu apóstol, ya̱ nchu̱ichí re̱ꞌ sáva stúvi ráa tu̱ꞌun re̱ꞌ, jín rá te̱e nna̱kani ráa tu̱ꞌun nkene yuꞌú re̱ꞌ. Jee máá Cristo Jesús kúvi kuéntáꞌ yu̱u̱ꞌ maá ñáꞌnú ka̱ꞌ ya̱ yɨ́tuvi skináꞌ veꞌi vá.

Colosenses 1:29

Jee saáva núnasɨ́ ni̱ꞌ saꞌá ni̱ꞌ fesáꞌ saꞌá ni̱ꞌin ni̱ꞌ tiñu yaꞌá, jie̱ꞌe̱ꞌ ya̱ sátíñú ni̱ꞌin Cristo iniꞌ nuꞌuꞌ, jín fuersáꞌ níso re̱ꞌ.

Colosenses 4:17

Jee kachiꞌ rán xá nu̱u̱nꞌ Arquipo: “Ya̱ kuniꞌvɨꞌ iniꞌ nú nu̱u̱nꞌ tiñu nni̱ꞌi̱nꞌ nú saꞌá nú nu̱u̱nꞌ I̱toꞌoꞌ‑ó, sáva sikúnkuvi nú maa.”

1 Tesalonicenses 3:2

Jee nchu̱ichí ránꞌ Timoteo nu̱u̱nꞌ ránoꞌó. Ñaniꞌ‑ó ví re̱ꞌ. Jee táꞌán sátíñú jín‑ó ví re̱ꞌ, ya̱ sáꞌá re̱ꞌ tiñu Ndiosíꞌ, sáva sikúténuun re̱ꞌ tu̱ꞌun jie̱ꞌe̱ꞌ Cristo. Sáꞌá re̱ꞌ tiñu vá, sáva kuiñɨ ni̱ꞌin ránú kúneí iniꞌ rán Cristo jee nasáneí re̱ꞌ iniꞌ ránoꞌó.

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

2 Timoteo 2:15

Nunasɨ́ nú sáva kene na̱a̱ꞌ tiñu sáꞌá nú nu̱u̱nꞌ Ndiosíꞌ, ya̱ ntu íyó kukanuun nú, chi xínéꞌénꞌ na̱a̱ꞌ nú tu̱ꞌun na̱a̱ꞌ re̱ꞌ.

Santiago 3:1

Ránoꞌó ñaniꞌ ni̱ꞌ jín ku̱ꞌva ni̱ꞌ, koto kénta koo kue̱ꞌe̱ꞌ rán kúvi mestrúꞌ xínéꞌénꞌ Tu̱ꞌun Ndiosíꞌ. Chi jíníꞌ‑ó ya̱ xe̱e̱nꞌ ka̱ꞌ nakuniꞌi si̱kɨ̱ꞌ ráníꞌ saꞌá Ndiosíꞌ jie̱ꞌe̱ꞌ na̱sa xínéꞌénꞌ ránꞌ tu̱ꞌun re̱ꞌ.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

2 Pedro 3:15

Jee tɨɨn kuéntáꞌ rán ya̱ kúkuéé I̱toꞌoꞌ‑ó niji re̱ꞌ jie̱ꞌe̱ꞌ ya̱ káꞌnú íyó iniꞌ re̱ꞌ néꞌyá re̱ꞌ rá ñɨvɨ sáva koo ka̱ꞌ tiempúꞌ nakunikɨnꞌ rá ñɨvɨ ka̱ꞌ ichi re̱ꞌ sáva natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa. Jee suni sukuán ntee ñaniꞌ‑ó Pablo ya̱ ñúnúunꞌ‑ó nu̱u̱nꞌ rá tutuꞌ nu̱u̱nꞌ ránoꞌó sánikua̱ꞌ tu̱ꞌun níchí njia̱ꞌa Ndiosíꞌ nu̱u̱nꞌ re̱ꞌ.

Apoclipsis 21:14

Jee nu̱u̱nꞌ nsamaꞌ ti̱yu̱ꞌ yuꞌú ñuunꞌ vá, jee jie̱ꞌe̱ꞌ nu̱u̱nꞌ nsamaꞌ vá yɨ́ꞌɨ́ u̱xu̱ꞌ u̱vi̱ꞌ (12) yu̱u̱ꞌ máá náꞌnú víꞌí yósóꞌ táꞌán. Jee nu̱u̱nꞌ yu̱u̱ꞌ náꞌnú vá nééꞌ súví rá ni uxúꞌ u̱vi̱ꞌ (12) rá apóstol nchu̱ichí maáréꞌ ya̱ kúvi re̱ꞌ Lanchi Lúlí Ndiosíꞌ.

Apoclipsis 21:19

Jee nsi̱kútú jie̱ꞌe̱ꞌ nu̱u̱nꞌ nsamaꞌ yuꞌú ñuunꞌ vá chi yɨ́ꞌɨ́ ntáká nu̱u̱nꞌ rá yu̱u̱ꞌ máá viiꞌ xiñúꞌ íyó ya̱ yɨ́yáꞌvi nasɨ́kuitɨꞌ kúvi ráa. Jee yu̱u̱ꞌ ya̱ nsamaꞌ nu̱u̱nꞌ kájiéꞌé xíꞌnañúꞌún ví yu̱u̱ꞌ naní jaspe, jee ya̱ uvíꞌ kúvi yu̱u̱ꞌ naní zafiro, jee ya̱ uníꞌ kúvi yu̱u̱ꞌ naní ágata, jee ya̱ kúmíꞌ kúvi yu̱u̱ꞌ naní esmeralda,