1 Corintios 2:8 - Mixteco del suroeste de Tlaxiaco Oaxaca

⁸ Jee ni ɨɨn te̱e kúñáꞌnú ya̱ nísotíñú iniꞌ ñɨ̱vɨ́ yaꞌá tiempúꞌ vitan, ntu̱ví ña̱ku̱ꞌun iniꞌ ráa tu̱ꞌun níchí Ndiosíꞌ ya̱ káꞌánꞌ jie̱ꞌe̱ꞌ Cristo. Chi retánꞌ ña̱ku̱ꞌun iniꞌ ráa maa, jee yukuán jee nka̱ꞌníꞌ ráa I̱toꞌoꞌ‑ó Cristo nékúvi, ya̱ maáréꞌ vá viiꞌ nasɨ́kuitɨꞌ kúñáꞌnú nu̱u̱nꞌ nɨꞌɨ.

1 Corintios 2:8 ပူးပေါင်းရင်းမြစ်များ

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Lucas 23:34

Soo nkachiꞌ Jesús: ―Tááꞌ ni̱ꞌ, kunekáꞌnú iniꞌ nú kune̱ꞌyá nú ráa, chi ntu̱ví jíníꞌ ráa na̱ kúvi ya̱ sáꞌá ráa ―nkachiꞌ re̱ꞌ. Jee tásáva ráa saꞌma re̱ꞌ nu̱u̱nꞌ ɨɨn inka ráa jee nsi̱kɨ́ ráa suertéꞌ sáva tasáva ráa maa.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

Juan 7:48

¿Á íyó néni ɨɨn rá te̱e nísotíñú áxí rá fariseo ya̱ jínúꞌ iniꞌ ráa re̱ꞌ réja? ¡Ntu̱ví!

Juan 8:19

Saájee suviráa nkachiꞌ nu̱u̱nꞌ re̱ꞌ: ―¿Né núꞌ íyó Tátáꞌ nú résa? Jee nna̱xiníkó Jesús: ―Ni ntu̱ví jíníꞌ ránú né ɨɨn kúvi nuꞌuꞌ, jee suni ni ntu̱ví jíníꞌ rán iniꞌ Tátáꞌ ni̱ꞌ. Chi retánꞌ jíníꞌ rán né ɨɨn kúvi nuꞌuꞌ jee yukuán jee suni kuniꞌ rán iniꞌ re̱ꞌ ―nkachiꞌ Jesús.

Hechos 13:27

Jee rá ñɨvɨ nééꞌ ñuunꞌ Jerusalén jín rá te̱e kúñáꞌnú nu̱u̱nꞌ ráa, ntu nnákuniꞌ ráa ya̱ Jesús ví ya̱ ñani Ndiosíꞌ sáva xinánitáꞌvíꞌ re̱ꞌ yó. Jee ntu ñáku̱ꞌun iniꞌ ráa tu̱ꞌun nkachiꞌ rá te̱e nna̱kani tu̱ꞌun nkene yuꞌú Ndiosíꞌ ya̱ níso nu̱u̱nꞌ Tutuꞌ, sú káꞌvi ráa tu̱ꞌun vá ta rá ki̱vɨ̱ꞌ nájiáví. Sú ntu jíníꞌ ráa ná kúvi ya̱ sáꞌá ráa, nsi̱kúnkuvi ráa ya̱ káchíꞌ tu̱ꞌun vá, sáá nsa̱náaꞌ ráa ya̱ kaꞌniꞌ ráa maa.

Hechos 7:2

Jee nkachiꞌ Esteban: ―¡Ránoꞌó ñaniꞌ jín ránoꞌó tátáꞌ! ¡Teso̱ꞌo rán nuꞌuꞌ! Viiꞌ kúñáꞌnú maá Ndiosíꞌ, jee nkitu̱vi re̱ꞌ nu̱u̱nꞌ maá jííꞌ‑ó yanaꞌán, Abraham, ni nneeꞌ re̱ꞌ ñuunꞌ Mesopotamia, ne̱sá ntiáꞌan kuneeꞌ re̱ꞌ ñuunꞌ Harán.

1 Corintios 1:20

Jee, ¿na̱ nu̱u̱nꞌ íyótiñu te̱e ya̱ káchíꞌ ñɨvɨ ñɨ̱vɨ́ yaꞌá ya̱ níchí xi̱ni̱ꞌ re̱ꞌ? Jee, ¿na̱ nu̱u̱nꞌ íyótiñu mestrúꞌ tiempúꞌ vitan ya̱ xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán? Jee, ¿na̱ nu̱u̱nꞌ íyótiñu ñɨvɨ tiempúꞌ vitan ya̱ jíníꞌ káꞌánꞌ viiꞌ sijínúꞌ‑u iniꞌ ñɨvɨ? Chi nsa̱ꞌá sáná Ndiosíꞌ ya̱ níchí íyó ñɨ̱vɨ́ yaꞌá.

1 Corintios 2:6

Soo tu̱ꞌun níchí nijia káꞌánꞌ ráníꞌ jín rá ñɨvɨ nijia iniꞌ jín tu̱ꞌun kúneí iniꞌ ráa Cristo. Soo ntu káꞌánꞌ ránꞌ tu̱ꞌun níchí ya̱ ñúꞌún iniꞌ ñɨvɨ ñɨ̱vɨ́ yaꞌá tiempúꞌ vitan, jee ni ntu káꞌánꞌ ránꞌ tu̱ꞌun níchí ya̱ káꞌánꞌ rá te̱e nísotíñú ñɨ̱vɨ́ yaꞌá chi jínu tiñu ráa.

2 Corintios 3:14

Soo yúú antúníꞌ rá ñɨvɨ vá. Chi ne̱ vitan jee sáá káꞌvi ráa tratúꞌ túꞌú ñakɨnꞌ Ndiosíꞌ ne̱ yanaꞌán, kuéntáꞌ kínóo saꞌma vá jiásɨ́ꞌ antúníꞌ ráa jee ntu kuíyo‑o, chi kua̱chi kuíyo saꞌma vá sáá kɨꞌɨ ɨɨn ñɨvɨ nu̱u̱nꞌ Cristo.

Efesios 1:17

Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Efesios 4:18

Chi neenꞌ iniꞌ antúníꞌ ráa, chi jiáꞌnu íká ráa nu̱u̱nꞌ ya̱ tékúꞌ ñɨvɨ jín Ndiosíꞌ, jie̱ꞌe̱ꞌ ya̱ ntu̱ví jíníꞌ ráa tu̱ꞌun re̱ꞌ, jie̱ꞌe̱ꞌ ya̱ ni̱ꞌin iniꞌ ánímaꞌ ráa.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

Santiago 2:1

Ránoꞌó ñaniꞌ ni̱ꞌ jín ku̱ꞌva ni̱ꞌ, jie̱ꞌe̱ꞌ kúneí iniꞌ rán I̱toꞌoꞌ‑ó Jesús ya̱ kúvi Cristo, ya̱ viiꞌ nasɨ́kuitɨꞌ kúñáꞌnú re̱ꞌ, jee sukuán koto sáꞌá rán kuéntáꞌ na̱sa íyó ɨɨn ɨɨn ñɨvɨ, chisaꞌ ɨɨn nuún ni saꞌá‑ó maáó jín nɨꞌɨ ñɨvɨ.