1 Corintios 2:6 - Mixteco del suroeste de Tlaxiaco Oaxaca

⁶ Soo tu̱ꞌun níchí nijia káꞌánꞌ ráníꞌ jín rá ñɨvɨ nijia iniꞌ jín tu̱ꞌun kúneí iniꞌ ráa Cristo. Soo ntu káꞌánꞌ ránꞌ tu̱ꞌun níchí ya̱ ñúꞌún iniꞌ ñɨvɨ ñɨ̱vɨ́ yaꞌá tiempúꞌ vitan, jee ni ntu káꞌánꞌ ránꞌ tu̱ꞌun níchí ya̱ káꞌánꞌ rá te̱e nísotíñú ñɨ̱vɨ́ yaꞌá chi jínu tiñu ráa.

1 Corintios 2:6 ပူးပေါင်းရင်းမြစ်များ

Mateo 13:22

Jee nikɨn ña̱kava‑a nteñu rá yu̱ku̱ꞌ iñu sáá nxi̱náváꞌ te̱e vá maa, suvi‑i kúvi ñɨvɨ ya̱ tésóꞌo ráa Tu̱ꞌun Ndiosíꞌ, soo nániꞌvɨꞌ víꞌí ka̱ꞌ iniꞌ‑i jie̱ꞌe̱ꞌ kue̱ꞌe̱ꞌ tiñu íyó iniꞌ ñɨ̱vɨ́ yaꞌá jee kuíni‑i kukúká‑a, jee yaꞌá xínáꞌví‑i ñɨvɨ vá, jee sátéꞌéꞌ‑e vá nu̱u̱nꞌ Tu̱ꞌun Ndiosíꞌ, jee saáva ntu jiáꞌnu ñɨvɨ vá ntu jíjia‑a jín Tu̱ꞌun Ndiosíꞌ, kuéntáꞌ ntu kénta ku̱ꞌva nikɨn tataꞌ.

Mateo 19:21

Jee nkachiꞌ Jesús nu̱u̱nꞌ‑u: ―Retú kuíni nú kuvi nú ɨɨn te̱e na̱a̱ꞌ ya̱ síkúnkuvi nɨꞌɨ, kuáꞌán, jee xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Lucas 16:8

’Saájee nna̱kuetúꞌún i̱toꞌoꞌ xí tiñu vá musúꞌ ntu náaꞌ vá ya̱ nito víꞌí‑i jín rá tiñu sáꞌá‑a. Chi rá ñɨvɨ jiáꞌnu ñujiínꞌ ñɨ̱vɨ́ yaꞌá nito víꞌí ráa ka̱ꞌ jie̱ꞌe̱ꞌ rá tiñu sáꞌá ráa jín ɨɨn inka rá táꞌán ráa, nsú káꞌ rá se̱ꞌya Ndiosíꞌ ya̱ túúnꞌ ñuꞌunꞌ Ndiosíꞌ ánímaꞌ ráa.

1 Corintios 1:28

Jee suni nka̱ji re̱ꞌ rá ñɨvɨ ya̱ nkaku nu̱u̱nꞌ ñɨvɨ ya̱ ntu kúñáꞌnú ka̱ꞌ nu̱u̱nꞌ rá ñɨvɨ ñɨ̱vɨ́, jee suni nka̱ji re̱ꞌ rá ñɨvɨ kúníichiꞌ rá ñɨvɨ ñɨ̱vɨ́ ráa. Jee suni nka̱ji re̱ꞌ rá ntu yɨ́yáꞌvi nu̱u̱nꞌ rá ñɨvɨ ñɨ̱vɨ́ sáva xinúun re̱ꞌ rá yɨ́yáꞌvi rá ñɨvɨ ñɨ̱vɨ́.

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

1 Corintios 2:1

Saáva ránoꞌó ñaniꞌ jín ku̱ꞌva, sáá njia̱a̱ꞌ ni̱ꞌ nu̱u̱nꞌ nééꞌ rán nu̱u̱nꞌ ñuunꞌ Corinto sáva kachitu̱ꞌún ni̱ꞌ nu̱u̱nꞌ rán tu̱ꞌun yuꞌuꞌ Ndiosíꞌ ya̱ nstúvi re̱ꞌ nu̱u̱nꞌ ni̱ꞌ, jee ntu nkaꞌanꞌ ni̱ꞌ tu̱ꞌun ñujiínꞌ víjí ni tu̱ꞌun níchí sáni káꞌánꞌ rá ñɨvɨ ñɨ̱vɨ́.

1 Corintios 2:13

Jee jie̱ꞌe̱ꞌ rá yaꞌá káꞌánꞌ ráníꞌ, soo ntu káꞌánꞌ ránꞌ jín rá tu̱ꞌun xínéꞌénꞌ rá ñɨvɨ íyó ñɨ̱vɨ́ yaꞌá ya̱ káchíꞌ ráa ya̱ tu̱ꞌun níchí ví‑i, chisaꞌ káꞌánꞌ ránꞌ sáni tu̱ꞌun ya̱ xínéꞌénꞌ Ta̱chi̱ꞌ Ííꞌ Ndiosíꞌ ránuꞌuꞌ. Jiátíñú ránꞌ tu̱ꞌun ya̱ ntaji Ta̱chi̱ꞌ Ííꞌ nu̱u̱nꞌ ránꞌ sáva xínéꞌénꞌ ránꞌ ya̱ nááꞌ ntaji Ta̱chi̱ꞌ Ííꞌ nu̱u̱nꞌ ránꞌ.

1 Corintios 2:8

Jee ni ɨɨn te̱e kúñáꞌnú ya̱ nísotíñú iniꞌ ñɨ̱vɨ́ yaꞌá tiempúꞌ vitan, ntu̱ví ña̱ku̱ꞌun iniꞌ ráa tu̱ꞌun níchí Ndiosíꞌ ya̱ káꞌánꞌ jie̱ꞌe̱ꞌ Cristo. Chi retánꞌ ña̱ku̱ꞌun iniꞌ ráa maa, jee yukuán jee nka̱ꞌníꞌ ráa I̱toꞌoꞌ‑ó Cristo nékúvi, ya̱ maáréꞌ vá viiꞌ nasɨ́kuitɨꞌ kúñáꞌnú nu̱u̱nꞌ nɨꞌɨ.

1 Corintios 3:1

Jee ñaniꞌ jín ku̱ꞌva, káchíꞌ ni̱ꞌ nu̱u̱nꞌ ránoꞌó ya̱ ntu̱ví nkúvi kaꞌanꞌ ni̱ꞌ jín rán kuéntáꞌ káꞌánꞌ ni̱ꞌ jín rá ñɨvɨ ya̱ yɨ́ꞌɨ́ xi̱ntíín Ta̱chi̱ꞌ Ííꞌ Ndiosíꞌ, chisaꞌ íyó kaꞌanꞌ ni̱ꞌ jín rán kuéntáꞌ ñɨvɨ ya̱ jiáni iniꞌ kuéntáꞌ rá ñɨvɨ ñɨ̱vɨ́. Íyó kaꞌanꞌ ni̱ꞌ jín rán kuéntáꞌ jín rá súchí lúlí ya̱ ntiáꞌan kujia iniꞌ rán jín tu̱ꞌun Cristo.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

2 Corintios 4:3

Chi retú tu̱ꞌun yɨ́séꞌí ví tu̱ꞌun va̱ꞌa jie̱ꞌe̱ꞌ Cristo ya̱ stékútu̱ꞌún ráníꞌ ya̱ ntu jiáku̱ꞌun iniꞌ ñɨvɨ maa, soo kua̱chi yɨ́séꞌí tu̱ꞌun vá nu̱u̱nꞌ rá ñɨvɨ ya̱ kuánaanꞌ nu̱u̱nꞌ Ndiosíꞌ.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Colosenses 1:28

Jee jie̱ꞌe̱ꞌ Cristo stékútu̱ꞌún ránꞌ, jee stúꞌva ránꞌ, jee xínéꞌénꞌ ránꞌ nu̱u̱nꞌ nta̱ká ñɨvɨ nɨꞌɨ tu̱ꞌun níchí nta̱jí Ndiosíꞌ, sáva saꞌá ránꞌ ya̱ kujia iniꞌ nta̱ká ráa nu̱u̱nꞌ Ndiosíꞌ, ya̱ yɨ́ꞌɨ́ ráa nu̱u̱nꞌ Cristo.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

Hebreos 6:1

Jee saáva siáꞌa‑ó ya̱ tukuni naku tuku‑ó ka̱ꞌ jie̱ꞌe̱ꞌ tu̱ꞌun Cristo ya̱ nku̱tu̱ꞌva‑ó ne̱ xíꞌnañúꞌún. Chisaꞌ nakeꞌen‑ó kɨ̱ꞌɨ̱nꞌ‑ó ichinúúnꞌ‑ó, sáva kenta‑ó kuvi‑ó ñɨvɨ jíjia iniꞌ jín tu̱ꞌun re̱ꞌ. Sáva ntu tukuni nánikó yátá‑ó kaꞌanꞌ‑ó jie̱ꞌe̱ꞌ rá tiñu ñáꞌnú ya̱ ya jíníꞌ‑ó ne̱ xíꞌnañúꞌún, sú kuéntáꞌ jie̱ꞌe̱ꞌ ya̱: nakani iniꞌ‑ó xinóo‑ó rá kua̱chi sáꞌá‑ó ya̱ xínáánꞌ‑a yó, jín suni jie̱ꞌe̱ꞌ ya̱ kuneí iniꞌ‑ó Ndiosíꞌ,

Santiago 3:15

Chi nsáꞌ níchí va̱ji ne̱ nu̱u̱nꞌ Ndiosíꞌ ví yaꞌá. Va̱ji ya̱ níchí yaꞌá ne̱ nu̱u̱nꞌ ñɨ̱vɨ́ yaꞌá, jín ne̱ nu̱u̱nꞌ antúníꞌ ñɨvɨ ya̱ ntu kúneí Ta̱chi̱ꞌ Ííꞌ Ndiosíꞌ jín ráa, jín ne̱ nu̱u̱nꞌ kui̱ꞌna̱ꞌ.

Santiago 3:2

Chi kue̱ꞌe̱ꞌ nu̱u̱nꞌ jiáꞌa víꞌí sáꞌá nta̱ká‑ó. Jee retú néni ɨɨn ñɨvɨ ntu jiáꞌa sáꞌá jín tu̱ꞌun ya̱ káchíꞌ‑i, saájee suvi‑i kúvi ɨɨn ñɨvɨ jíjia iniꞌ sáꞌá na̱a̱ꞌ‑a, ya̱ kúvi nákeꞌen‑e maáa.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.