1 Corintios 2:5 - Mixteco del suroeste de Tlaxiaco Oaxaca

⁵ Jee nsa̱ꞌá ni̱ꞌ suꞌva sáva ntu káníjiá rán ínúꞌ iniꞌ rán jie̱ꞌe̱ꞌ tu̱ꞌun níchí ya̱ káꞌánꞌ ñɨvɨ ñɨ̱vɨ́, chisaꞌ nsa̱ꞌá ni̱ꞌ suꞌva sáva saꞌá fuersáꞌ ííꞌ níꞌin níso Ndiosíꞌ ya̱ kaníjiá rán i̱nu̱ꞌ iniꞌ rán Jesús.

1 Corintios 2:5 ပူးပေါင်းရင်းမြစ်များ

Hechos 16:14

Ɨɨn rá ñaꞌan vá naní Lidia. Xíkó ña saꞌma líꞌí nééꞌ ya̱ꞌvi. Va̱ji ña ne̱ ñuunꞌ Tiatira. Néñu̱ꞌun ña Ndiosíꞌ. Jee tésóꞌo ña, jee nsa̱ꞌá I̱toꞌoꞌ‑ó nkajiaꞌ iniꞌ ña ya̱ ntɨɨn ña rá tu̱ꞌun ya̱ nkachiꞌ Pablo.

1 Corintios 1:17

Chi nsáꞌ nchu̱ichí Cristo nuꞌuꞌ sáva sikuánuté ni̱ꞌ, chisaꞌ nchu̱ichí re̱ꞌ nuꞌuꞌ stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, soo ntu káꞌánꞌ ni̱ꞌ jín rán jín tu̱ꞌun ya̱ váji xi̱ni̱ꞌ ñɨvɨ ya̱ jiáni iniꞌ rá ñɨvɨ ñɨ̱vɨ́ ya̱ kúvi tu̱ꞌun níchí, chi retú kaꞌanꞌ ni̱ꞌ suꞌva nékúvi kasɨꞌ ni̱ꞌ ya̱ satíñú iniꞌ ánímaꞌ rán tu̱ꞌun jie̱ꞌe̱ꞌ ná kúvi tiñu ya̱ nsa̱ꞌá Cristo sáá ni̱ꞌi̱ꞌ re̱ꞌ nu̱u̱nꞌ kurúsiꞌ, jee nsáꞌ sáꞌá ni̱ꞌ suꞌva.

1 Corintios 3:6

Chi núvíꞌ ráníꞌ nste̱kútu̱ꞌún ránꞌ Tu̱ꞌun Ndiosíꞌ, jee nuꞌuꞌ chi kuéntáꞌ ntaji ni̱ꞌ tataꞌ sáꞌá jee Apolos chi nxi̱náváꞌ re̱ꞌ nute nu̱u̱nꞌ rá nikɨn, soo Ndiosíꞌ ví ya̱ síkuéꞌnu ránoꞌó jín tu̱ꞌun re̱ꞌ.

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

2 Corintios 6:7

jín jie̱ꞌe̱ꞌ káꞌánꞌ ránꞌ ya̱ naáꞌ, jín jie̱ꞌe̱ꞌ sátíñú fuersáꞌ ííꞌ Ndiosíꞌ jín ránuꞌuꞌ, jín jie̱ꞌe̱ꞌ jiáꞌnu na̱a̱ꞌ ránꞌ nu̱u̱nꞌ Ndiosíꞌ, jín jie̱ꞌe̱ꞌ ya̱ ntaji Ndiosíꞌ nu̱u̱nꞌ ránꞌ sáva saꞌá ránꞌ tiñu na̱a̱ꞌ sáva nama ránꞌ tu̱ꞌun na̱a̱ꞌ kuáꞌá sátín.