1 Corintios 15:6 - Mixteco del suroeste de Tlaxiaco Oaxaca

⁶ jee kuíre suni nu̱u̱nꞌ víꞌí ka̱ꞌ u̱ꞌu̱nꞌ sientúꞌ (500) ñanitáꞌán‑ó nne̱ꞌyá ráa re̱ꞌ métúꞌún hora. Jee kue̱ꞌe̱ꞌ ráa ka̱ꞌ tékúꞌ ne̱ vitan, soo sava ráa ya ni̱ꞌi̱ꞌ.

1 Corintios 15:6 ပူးပေါင်းရင်းမြစ်များ

Mateo 28:10

Saájee nkachiꞌ re̱ꞌ nu̱u̱nꞌ ráña: ―Koto yúꞌví rán, jee kuáꞌán rán jee kachiꞌ rán nu̱u̱nꞌ rá ñaniꞌ ni̱ꞌ ya̱ kɨ̱ꞌɨ̱nꞌ ráa nu̱u̱nꞌ ñuꞌun Galilea, jee yukuán kuniꞌ ráa nuꞌuꞌ ―nkachiꞌ Jesús.

Marcos 16:7

Soo kuáꞌán kachiꞌ rán nu̱u̱nꞌ rá te̱e nsu̱kuáꞌa jín re̱ꞌ, jín nu̱u̱nꞌ Pedro, ya̱ xíꞌna re̱ꞌ ka̱ꞌ kɨ̱ꞌɨ̱nꞌ ichinúúnꞌ rán ne̱ ñuunꞌ Galilea. Yukuán kuniꞌ rán re̱ꞌ, sáni nkachiꞌ re̱ꞌ nu̱u̱nꞌ rán ―nkachiꞌ te̱e súchí vá.

Hechos 13:36

’Soo íyó nijia ya̱ ña̱tíñú Ndiosíꞌ David, nteñu rá ñɨvɨ rá ki̱vɨ̱ꞌ ntekuꞌ re̱ꞌ. Nsa̱ꞌá re̱ꞌ tiñu sánikua̱ꞌ nta̱túníꞌ Ndiosíꞌ jee ni̱ꞌi̱ꞌ re̱ꞌ. Jee nse̱ꞌí ráa ñunéꞌyúꞌ re̱ꞌ nu̱u̱nꞌ íyó rá ñunéꞌyúꞌ rá tátáꞌ re̱ꞌ, jee nti̱vɨ́ nijia re̱ꞌ.

Hechos 7:60

Jee ña̱kui̱ñɨ̱ꞌ ítɨ́ re̱ꞌ, jee nkachiꞌ ni̱ꞌin re̱ꞌ: ―¡I̱toꞌoꞌ ni̱ꞌ! ¡Koto tɨɨn kuéntáꞌ nú kua̱chi yaꞌá si̱kɨ̱ꞌ ráa! Jee sáá nkachiꞌ re̱ꞌ tu̱ꞌun yaꞌá, jee ni̱ꞌi̱ꞌ re̱ꞌ.

1 Corintios 15:18

Jee retánꞌ sukuán kúvi nijia, jee suni ne̱ rá ñɨvɨ níꞌiꞌ ya̱ nyɨꞌɨ ráa nu̱u̱nꞌ Cristo jee íchí naanꞌ ráa retánꞌ sukuán nékúvi.

1 Corintios 15:20

Soo ntu̱ví, chi ya̱ nááꞌ kúvi nijia ya̱ nxi̱nátekuꞌ Ndiosíꞌ Cristo nkene re̱ꞌ nteñu rá ni̱yɨ. Jee maáréꞌ kúvi ya̱ xíꞌnañúꞌún ka̱ꞌ nu̱u̱nꞌ rá ñɨvɨ níꞌiꞌ ya̱ natekuꞌ i̱i̱ꞌ ráa saꞌá Ndiosíꞌ.

1 Tesalonicenses 4:13

Ránoꞌó ñanitáꞌán, ntu kuíni ránꞌ ya̱ nku̱níꞌ rán jie̱ꞌe̱ꞌ rá ñɨvɨ níꞌiꞌ, sáva nkúkuéká víꞌí iniꞌ rán, kuéntáꞌ rá inka ñɨvɨ ya̱ ntu yɨ́ꞌɨ́ ráa nu̱u̱nꞌ Jesús, jee ntu̱né íyó tu̱neí iniꞌ ráa ya̱ natekuꞌ ñunéꞌyúꞌ ráa.

1 Tesalonicenses 4:15

Chi tu̱ꞌun káchíꞌ ránꞌ nu̱u̱nꞌ ránoꞌó ví tu̱ꞌun I̱toꞌoꞌ‑ó: Rá yó tékúꞌ ka̱ꞌ sáá kantaꞌ I̱toꞌoꞌ‑ó, nsú xíꞌna‑ó ka̱ꞌ naa‑ó súkún nsú káꞌ rá níꞌiꞌ.

2 Pedro 3:4

Jee kachiꞌ ráa: “¿Né núꞌ íyó ya̱ nchi̱sóyuꞌú Cristo ya̱ nenta tuku re̱ꞌ rúja? Chi ne̱ ki̱vɨ̱ꞌ ya̱ níꞌiꞌ rá tataꞌ jííꞌ‑ó yanaꞌán jee ne̱ vitan, jee íyó i̱i̱ꞌ sáá íyó nɨꞌɨ kuitɨꞌ ne̱ sáá ña̱ko̱o ñɨ̱vɨ́ nékúvi”, kachiꞌ ráa.